Matius 17:5 - Eipomek

⁵ Peterus arye ayupu tuba nyanmok talak ara, sik amutuku dup unmek bukni, dua arye siktikmek mutuku nirya palibuka lelipdongobukura, adua kan-kan arye, Allah arye ayupu nyabuk. “Aunmalanye bira, na Mi Koprop ulula ati, elti, na kanye pia delinune. Anggun nirya ara el yupu pia moubuka kekenamlulume,” Allah arye nyabuk.

Matius 17:5 ပူးပေါင်းရင်းမြစ်များ

Ayub 38:1

Ayub birye, “Se, na kanye ikin upnil ning ara, yata deiyok ati do?” nyabuka asipdeyukce, malye nyabukopura, Allah Yahweh arye, Ayub weik ikin kanye ulamuk ning ati, weik kumanya donmokce, pirinmok noutamak arye nyabuk.

Mazmur 81:7

Bukni, Allah arye ayupu nyapdeipsuke. “Anggunda moubuka teniplulume! Ikin weik ning anggun takunya deice wamsuk ning ara, naryuk aning dobuka kum kipdeipse. Sik Mesir mutuku nang arye, dilamsik pil ati, keil kina ning, el si keranjang, ikin weik ning dobuka, bobalamlum ning ara, na Allah aryuk, aikin ning ara dopromsa deice arye, kanam kipdeipsise.

Keluaran 19:19

Asum talak, yim domba basam yang dobukabikce weik arye pong-pong anmek ning ara, lelim ara mitik tonun nyanmek. Bukni, uku birye tabakuka bilkong nyana weik arye lelim nyanmok. Awininmokba, Musa birye Allah ati nyabukba, Allah arye tamubuka yupu nyabuka ara, liman olamle atonun yupu Musa biti nyabuk.

Yesaya 42:1

Allah el si Yahweh arye nyabuk. Anggun nirya dilulume. Na amu tam ulirye, na mambul pil donamlanye bira, anggun kel bikna ati, erepdeipsine. Narye anye pia melibuka talinamne. Narye anye wibuka deiamsa ati, elti, ara, pia kanye delinamne. Na wiamsinye bira, na Dib Kanye weika arye el deice delinamne. Winipnyopura, elce sik tukwak ninye ayala-ayala nirya ati, diksukum kibuka yupu lipsisikuka bokolinamle. Winiplyopura, sik ikin weik ulamik ning kum kipdeiplirye, ninye weika arye teleb kilinamle. Winipliba, sikda kanye deibuka telebuk unamake.

Yesaya 42:21

Na Allah Yahweh unune. Nara malye winin ning tonok babye, kum unirye, pia diksukumuk unune. Diksukumuk ununa anya arye, narye Israel ninye ati, ‘Aning wininamlulume, aning ara kum wininamlulume,’ nyapdeiamsise ning ara, pia teleb kibuka nyalamsise. Ayupu ara, pia teleb dirina weik kililamle yupu ulule. Winipsa ati, na kanye deiamse.

Matius 12:18

Allah arye ‘Ninye weike lyepnamle’ tenen, dopkwetebuknye Yesus ati, Yesaya arye ayupu nyabuka sekuk. Yesaya arye sekamuk yupu ara ani. ‘Anye bira, na amu tam ulirye, na piluk donamnil’ tenen, wibuka deipse. Narye elti, kanye deipsirye, kanye talima arepnuke. Na Kanye ap, na mikip ap, weik arye elti, arepnyopura, elce, ‘Diksukum una ara, wininamlulume,’ nyabuka laka nyalbinamle. Na Allah arye tenepse ning nirya ara, elce ninye mutuku-mutuku nirya ati, laka nyalbinamle.

Matius 17:6

Allah arye nyabukba, Yesus el mapu awinilye nang kekebikce, ilil weik ubukba, kanupdongobikce tukwak amubuka mabik.

Matius 3:17

Bulyayukopura, Allah im deice arye ayupu nyapdeibuk. “Anye bira, na Mi Koprop ulule. Narye elti, pia bico tenenuna anya arye, elti, na kanye pia deilinune,” Allah arye nyabuk. Nyabukopura, Allah El Dib Kanye arye, Yesus talima noutam nyapdeibukba, Yesus ara ninye pia kum ulamik mutuku, pata mutuku noutamak biyuk.

Markus 1:11

Bulyayuk talak ara, Allah im deice arye ayupu nyabuk. “Anda na Mi Koprop ulyame. Na anti, pia bico tenekinirye, na kanye pia delikunune,” Allah arye nyabuk.

Markus 9:7

Sik amutuku dup unmeka ani, dua arye siktikmek mutuku nirya lipdongobukura, adua kan-kan Allah arye ayupu nyabuk. “Aunmalnye bira, na Mi Koprop uplibuk, elti, na kanye pia delinune. El yupu pia moubuka kekenamlulume,” nyabuk.

Lukas 3:22

Mek dongobukba, lukuka tikukura, Yesus arye dinmok talak ara, adiparyuk Allah arye im deice pakibukce, Allah El Dib Kanye ara, yalma maka atonun dayukce, Yesus el nong deice bulyayuk. Bulyayukopura, Allah im deice arye ayupu nyabuk. “Anda na Mi Koprop ulyame. Narye anti pia bicoe tenekenuna anya arye, anti na kanye pia delikunune.” Allah arye Yesus ati nyabuk.

Yohanes 3:16

Allah arye diba tenen ninye nirya ati, kam pia bukeipnamsila deiyok ara nyapnusine. Ara, Allah arye ninye mutuku-mutuku nirya ati, bico tenenyamsukce, kanye weik arye areamsuka ati, el Mi Koprop tonokuk ulamuk bukni, tukwak ninye lyena ati arepsuke. Ara, ‘Yata ninye do nirya, el Mi Koprop ati, diba tenebicopura, pia kum dipnamak bukni, bol koplobuka kam una deiyok ning arepnibuk, pia kam unamak’ tenen, el mi tonok arepsuke.

Yohanes 3:35

Nun ni koprop Allah arye, el Mi Koprop ati, kanye deibuka el talima arilule. Ati, yata ning do nirya, Allah arye aning-aning nirya, el Mi Koprop ati aribukba, el taruk aryuk talilirye, aning-aning deice tam deiyoknye ulule.

Yohanes 5:37

Aninguk kum bukni, anggun ni koprop Allah dopdeipnuknye bira, elce nati, “Anye dipkopropnye ulule,” nyanulule. Bukni, anggun Farisi nang ara, el nyalye yupu kum kekelulume. Tonda, el nong pia kum elilulume.

Rasul 1:9

Yesus ayupu akunum nyabukopura, sik adinmek talakuk, Allah arye Yesus dobuka im deice welenmoka ani, dua kan-kan wekukopura, dua arye singnipdongobukura, sik kum eibik.

Rasul 7:37

Anyapmasin Musa ara, elcuk Israel ninye ati ayupu ton nyabuk. ‘Nara, Allah el yupu laka nyananye nabinye ulamse touk, Allah el yupu laka nyanamsilnye, anggun yala nang kan-kan arye anggunti arepdeipnamsile,’ Musa arye nyabuk. (Ulangan 18:15)

Efesus 1:6

Aning nirya akunum winipsuka ati ara, ninye nirya kel kibicopura, “Se, Allah bico tenepsilirye, el kanye aniryuk melibuka arisilye ning ara, weik mambule. Allah ara, pia teleb ulule,” nyabuka, el si weik arye, erenamake. Allah bico tenepsukce, talyeuk arisilye ning nirya ara, el mi koprop deice arye, arepsuke. Allah arye, el Mi Koprop Yesus ati ara, kanye talima aribuka pia kanye delilule.

Ulangan 18:15

Ati, aning kum bukni, nun ni koproba Allah Yahweh arye, minop talak na Musa wipdeiamnuk atonun, nun ni koproba Allah, el si Yahweh arye, nun Israel ninye noutamak arye, na unya atonye, tonok ton wipdeipnamsile. Ara, Allah el nyalye yupu kekeplirye, sikti, laka nyanamla deiyoknye wipdeipnamsile. Wini talak, na Musa unye atonun, aminyan talak anye bira, Allah el yupu laka lena deiyoknye unamsile. Anye akunum wipdeiplyopura, anye nyaplye yupu kekebuka, unamlulume.

Ulangan 18:19

Nyabukabukce, ayupu ton nyabuk. “Na yupu lak nyana deiyoknye wipdeipniba, na si deice ap, na mikip deice ap arye nyapsiliba, elce nyanamle yupu, kum kekelamikce nang nirya ara, narye sikti, wenepnamne.

Ulangan 5:22

Ura, ayupu nirya ara, anggun nirya, weik mutuku dup Sinai mutuku dam bulupmalumce, yanuka weklum talak ara, Allah Yahweh arye, anggunti, “Aning wininamlume. Aning ara, pia kum wininamlume,” nyapdeiamsuk ning ara, ani. Ayupu nyapdeiamsuk talak ara, dua kan-kan ap, tonda, weik uku buk dimoka ap, lukunyan atonun bukni, pia kunuknak noutam ap, awinilye ning noutam arye, Allah el yupu ara, liman lelamle touk, weik yupu deice arye nyanmokba, anggun ton kekamlume. Ara, anggun dam, yupu yuk ning ton kum nyapdeiamsuk bukni, anggun dam ara, “Aning wininamlume. Aning ara, pia kum wininamlume,” nyan yupu uk, nyapdeiamsuke. Nyapdeipsuk yupu ara, Allah el taruk arye, keil pala bitinye deice sekdeibukce, na Musa dam areamnuke. Musa birye, sik Israel nang ati, nyabuk.

Kolose 1:13

“Im deice weik dirina noutamak umunce, mininga dekna weik ning dolonamlume,” nyapmanama ara, urtalya ati kum nyapname. Isa Mutuku Dongonye arye, nun kanye talyamsukba, pia kunuknak atonun ulamubu noutamak arye, Allah arye akunum lobuka lyepsuke. Lyepsukce, el kanye deiamuknye, el Mi Koprop Yesus arye, aning-aning nirya talibuka, weik deiyoknye kibuka ulya noutamak, akunum dobuka deipsukura, aunyabe. Winira, el Yesus elcuk talisulule.

Ibrani 5:9

Kel kilamukba, Allah arye Yesus ati, kam bukeibukce, akunum pia teleb ubuka deibukba, el Yesus ara, Ninye Lyena ap, Pia Kam Una ap, Deiyoknye ubuk. Ninye Lyena Deiyoknye usilya ara, talye nang ati kum bukni, ara el nyasilye yupu kekebuka, aninguk talibuka, moubuka dobolbanyak ninye ati usulule.

Wahyu 1:7

Anggun moubuka kekenululume. Aminyan talak dua kan-kan noutamak yanamsil talak ara, ninye mutuku-mutuku nirya arye eipnamake. El obik ninye babye, eipnamake. Yesus yaliba, el obik ninye ap, yuk ninye nirya ap, sik asing eibikirye, el obikba, dibuk ning ati malye kanye bobuka engenamake. ‘Dipkoprop Yesus Kristus eibikirye engenamak’ tenen, na Yohanes arye, “Amin,” nyapsine.

Wahyu 14:14

Na Yohanes arye kekenmase yupu ap, dinmasi ning ap ati, nyapnune. Na urasin tam ara, pia kurun dua unmokak, adua deice bukmoknye, el urasin ara, Ninye Mi Koprop Atonunye bukmokak, eipse. ‘Elda weik deiyoknye ulule, tenepnamak’ tenen, el kisok deice ara, emas arye wibuka, kisok kalupdeibik ning el si ara, mahkota deiyamik ning unmokak, eipse. Tonda, el taruk deice ara, yu weik parang ya talipmokak, eipse.