Yesus arye winipmanto yupu nyabukopura, awekuka kekenmek nang ati, ayupu ton, winipmanto ning tonap nyabuk. “Allah arye ninye weike lyeplirye, sik talima talinamle ara, ‘Anggun tenebuka kel biknamlum’ tenen, winipmanto yupu ton nyapnusine. Kabalye yo duk mitik bukni, weik nelamle touk, Allah arye ninye weike lyeplirye, sik talima talinamle nang ara, weik kipnin banamle.
Matius 17:20 - Eipomek20-21 Asipdeyikba, Yesus arye tamubuka nyabuk. “Anggunce aisa kum yakwetepmanto upmaluma ara, nati dib tenepnuluma ara, pia mitik anun upsuk arya. Sumik duk pia mitik ning bukni, anggunce nati dib tenepmanulum ning ara, amitik ning sumik duk atonun dib tenepnutumura, anggunce omutuku ati, ‘An bidamnye aryuk erepdakuka, anyaka arye otam delilbilyame,’ nyaptumba, amutuku el bidamnye aryuk erebuka, otam delilbitue. Anyapmasin touk winiptumopura, ‘Aning-aning nirya winipnuyap’ tenen, moroptumura, winiptue. Dib tenepnumunce, moropnumunyopura, kum winipmanto ning ara, ikin kum upsutue. Anggunce moroptum touk uptue.” Yesus arye el mapu 12 nang ati nyabuk. အခန်းကိုကြည့်ပါ။ |
Matius 17:20
19 ပူးပေါင်းရင်းမြစ်များ
Nyabukura, Yesus ayupu kekebukce, atikmek nang nirya ati lik ubukba, ayupu nyabuk. “Anggun atalak umunye ninye ara, dib kum tenelulum ninye anya arye, pia malye winilulume. Na lik ati, ‘Yata barye talak arye anggun dam tuba unamne do?’ Tonda, ‘Teleb unamak do?’ tenen, batakna kumce, yata barye talak arye pia dinamsin do? Ati, isa talyamuk mi ara, dobuka na dam boyalulume,” Yesus arye nyabuk.
Amutuku dup arye tamubuka kouluka yangamek talak ara, Yesus arye awinibuk ning nirya, ‘Yuk nang ati laka nyalbikcak’ tenen, yupu sekuk. “Nara, Ninye Mi Koprop Atonunye opnikiba, dipnirye kam buknyopura, amutuku deice winipmalba eipmalum ning ara, aminyan talak laka nyalbinamlum bukni, wini talak ara yuk ninye ati laka nyalbana kume,” nyabuka yupu sekuk.
Nyabikopura, Yesus arye tamubuka nyabuk. “Na dipkoprop nyapsine. Yatanye do nirya, kanye talima bokoltona kumce, Allah ati pia dib teneplirye, ‘Narye Allah ati moropne ning ara, Allah arye dipkoprop winipnamnile,’ tenebuka, Allah ati moroplyopura, weik mambul ning uptue. Ara, narye nyapmanuba, ara yo kolupmal touk uptue. Tonda, aninguk kume. Omutuku ati nyaptue. ‘An yuk aryuk erepdakuka, laut mekwen noutamak delilbilyame,’ nyaptuopura, el nyaplye yupu deice aryuk, amutuku el yuk aryuk erebuka, laut mekwen noutamak dopkwetepdatue.
Nyabikopura, Yesus arye tamubuka nyabuk. “Anggun ilil unmaluma ara, yata deiyok ati do? Nati, mitik tonunuk diba tenepmanulume,” nyabuk. Yesus nyabukopura, bukukabukce, ayenya donmoka ap, mekwen lonting-lonting nyanmoka ap ati, “Tunimaplyame,” nyabuka, yupu sekuk. Yupu sekukopura, atalak aryuk, amekwen lonting-lonting nyanmoka ap, ayenya ap, tunim abuk.
Anggun moubuka kekeplulume. Yatanye do nirya, kanye talima bokoltona kumce, “Narye elti, moropnye ning ara, Allah arye dipkoprop winipnamnile,” nyabuka, Allah ati pia diba tenebukce, omutuku ati, “An bidamnang erebuka, laut mekwen noutamak delilbilyame,” nyapnutopura, amutuku el bidamnang erebuka, laut mekwen noutamak dopkwetepdatue.
Nyabuka morobikopura, Yesus arye tamubuka nyabuk. “Sumik yala pia mitik ning bukni, anggunce nati dib tenepmanulum ning ara, amitik ning atonun mitik anunuk, dib tenepnutumopura, okwarang yo ati, ‘Ancuk erepdakuka, asukum arye otam laut mekwen deice tikilbilyame,’ nyaptumura, anggunce ayupu anyapmatum touk, ayo el yuk erepdakuka, laut mekwen deice tikilbitue,” Yesus arye nyabuk. Ayupu nyabukopura, ‘Na mapu arye, nun ni birye nyasilye touk, nun pil ara teleb-telebuk ubuka, pil donamape, tenepnamak’ tenen, winipmanto yupu ton nyabuk. Yesus arye nyabuk yupu ara ani.
Asipdeyik ati, Yesus arye tamubuka nyabuk. “Ninye mikip deice arye, ninye kum lyepdatinge. Bukni, ninye arye kum winipmanto ning nirya ara, Allah elcuk, kanam arye winilule. Ati Allah arye lyepnamle ninye ara, kanam aryuk lyepnamle ati, ikin kum uptue. Aning-aning nirya, Allah el mikip deice aryuk kanamuk winilule. Ikine kum uptue,” Yesus arye nyabuk.
Allah El Dib Kanye aryuk, yuknye ati, ‘Allah ati ikin kum uptue. Aning-aning nirya Allah arye, winipsutu’ tenen, weik dib tenena deiyok ning ariliba, weik arye, dib tenebuka ulule. Aning atonun, Allah El Dib Kanye aniryuk yuknye biti, ninye kwetena deiyok ning ariliba, aning arelinye birye Allah moropliba, adiparyuk sik uk dilamle ninye ila tamubuka uk lopliba bulongonyake.
Yata ninye do nirya, anggunce yuk ninye ati, bico tenebuka kum melinyak ninye ara, talyeuk unyake. Allah el kanye ara, sikda mambul kume. Aning atonun, Allah El Dib Kanye arye, aminyan winipnamle ning ap, aning-aning nirya ap, ati, laka nyana pil dona deiyok ning areptuba, Allah arye, duknyamuk ning nirya ap, weik kel bikna ning nirya ap, moubuka tenepturye, laka nyapsutue babye, anye birye yuk nang ati bico tenebuka kum melilinye bira, Allah el kanye ara, ‘Anye bira mambul kum ati, dauplye,’ tenelule. Tonda, Allah arye, tonye ati, ‘Allah ara, ikin kum uptue. Aning-aning nirya kam aryuk uptue, tenenamle’ tenen, weik dib tenena deiyok ning areptuba, anye birye el pia dib tenelula deice arye, weik mutuku ati, “Tobuka bilyame,” nyaptopura, topraka betua babye, anye birye yuk ninye ati bico tenebuka kum melilulnye bira, talyeuk ulule. Allah el kanye ara, ‘Anye bira, dipkoprop mambul kum ati, dauplye,’ tenelule.
ကြော်ငြာတွေ