Matius 17:1 - Eipomek

¹ Ayupu nyabukopura, daulamika ani, like naku barye sum akunum mabikopura, Yesus arye winilye nanguk dobuka, weik mutuku dup welebik. Yesus ap mutuku dup welebik nang si ara, Peterus ap, Yakobus ap, el weit kopropa Yohanes ap, Yesus ap, sikuk amutuku welepmekce eiunmek.

Matius 17:1 ပူးပေါင်းရင်းမြစ်များ

Matius 17:2

Sik amutuku dup welebikopura, el mapu arye adinmek bukni, Yesus ara el urasin yuk ubuk. Yesus el urasin yuk dayukce, keting deiplirye, til pia daklamle touk dirina weik ubuk. El urasin dirina weik ubuka atonun, el baju kurubukce, dirina weik ubuk.

Matius 26:37

Nyabukce, Peterus ap, Zebedeus el mapu bitinye, Yakobus ap, Yohanes ap, bobuka biyukce, ikin kanye bobukce, pia ilil ubukba, anang ati ayupu nyabuk.

Markus 13:3

Nyabukura, anyaik batakuka kulukikce, lu ak biyikopura, Zaitun mutuku deice welebuka, abinuka bukikce, yanmek ak, Yahudi yala nang arye Allah ati arilbalamik aik otam upmokak tamubuka dinmek. Yuk nang ap, tabakuka kum bukmeka anya arye, Allah arilbalamik aik dinmek talak arye, Peterus ap, Yakobus ap, Yohanes ap, Anderias ap, sik nirya arye Yesus ati asipdeyik.

Markus 5:37

Nyabukce, ayangan mek nang nirya, ‘Sik ap, yacak’ tenen, yupu sekdongobukba, sik asukumuk unmekopura, Yesus ap, Peterus ap, Yakobus ap, Yakobus el weit Yohanes ap, sikuk Yairus aik biyik.

Lukas 8:51

Nyabukce, sik nirya, ‘Yarius aik binuyap’ tenen, banmeka ani, Yarius aik biyik. Biyikopura, ayangan mek nang nirya, ‘Sik yacak’ tenen, yupu sekdongobukura, sik anyakuk unmekbuk, Yesus ap, Peterus ap, Yakobus ap, el weit Yohanes ap ara, akilmu el li Yarius ap, el lin ap, sik yuk Yarius aik pum biyik. Yuk nang ap, Yarius aik kum wekik.

2 Korintus 13:1

Min arye like bitinye talak anggun dam yase bukni, aminyan tam yanamne ning ara, like winilye ati dilyanamsine. Allah yupu noutamak sekeipsik yupu nyapnusine. ‘Ton nang arye, yuk nang ati, “Winibuka, winibuka malye wininmake,” nyabikcopura, anggun adiparyuk dib tenebuka yupu lipsisikmunce, kum wenepnamlulume. Aning kum bukni, yuk nang tonap bitinyeto, winiliyeto tabakikirye, “Kume, nun bidamnye asing eipmabe. Sik dipkoprop amalye ning winipmangue,” nyabuka ansinibuka nyaptingopura, adeice aniryuk, ‘Diba, anang malye winipmake’ tenen, anang wenepnamlulume. Yuk nang ap tabakuka, “Nun ton dipkoprop eipmabe,” kum nyabikcopura, anang kum wenepnamlulume.’ (Ulangan 19:15)

2 Peterus 1:16

Nunce, anggunti, “Nun Deiyoknye Yesus Kristus ara, weik mikipnye ulirye, aminyan talak ara, tukwak mutuku tamubuka yanamle,” nyabuka peterelamsupu ning ara, talye ninye sik kanye aniryuk tenebuka, talye-talye yupu weik kililamsikba kumdisinak touk, kum peterelamsupu. Aning ara kum bukni, nun bidamnye aryuk, Yesus Kristus mikip weik ulamuka ap, pia teleb mambul pil dolamuka ap ara, nun asing kopropa arye elilamubu ati, ayupu lakak ubuka peterelamsupu.

2 Peterus 1:18

Nun ap, Yesus ap, pia mingne mutuku dup beipu talak ara, Allah im deice arye, ayupu nyabukba, nun amul arye kekebupe.