Matius 16:14 - Eipomek

¹⁴ Nyabukura, sik nirya arye tamubuka nyabik. Ton nang ara, “Yohanes Pembaptis” nyakinyake, ton nang ara, “Ara Allah yupu laka nyalamuknye nabi Elia ulule,” nyakinyake, ton nang ara, “Allah el yupu ap, elce aminyan talak winipnamle ning ati laka nyananye ulule,” nyakinyake. Ton nang ara, “Anye bira, Allah yupu laka nyalamuknye, nabi Yeremia dibuk bukni, wini talak ila tamubuka kam bukuka daulul darepa,” nyakinyake. Yesus el mapu arye, Yesus ati nyabik.

Matius 16:14 ပူးပေါင်းရင်းမြစ်များ

Yeremia 1:1

Ayupu sekamuknye, el si ara Yeremia. Ara, Benyamin yala nang sik mutuku noutamak tonok mutuku el si ara, Anatot mutuku, tonoknye el si Hilkia ulamuk. Hilkia arye, el mi Yeremia deibuk. Yeremia bira, Allah el si eren aik pil talibuka dolamukce, Hananot mutuku ulamuk. Yeremia birye nyabuk yupu ara abuku noutamak sekuk.

Maleaki 4:5

Bukni, anyapnusin yupu moubuka kekepmunce, ‘Dan talak winipnamle do?’ tenen, dinauk unamlulume. Ara, ‘Weik imun ning winipnamle’ tenen, kintinip deipse sum, na Allah Yahweh arye ninye nirya ati, yupu lipsisikuka bokeipnirye, malye wininyak nang wenepnamne sum, min kum upmalye talak ara, minopce narye na yupu lak lenanye, nabi Elia dopdeipniba, anggun dam minopce yanamle.

Matius 14:2

Yesus el pil dolamuk ning, Raja Herodes kekebukce, walwal arye nyabuk. “Se, anye bira Yohanes arye winilule. Yohanes Pembaptis ara, ya arye ngang seklopsinye bira, akunum kam bukuke. Akunum kam bukuka ati, amikip deice arye ninye kum winipmanto ning pil dolule,” walwal arye nyabuk.

Matius 16:15

Nyabikopura, Yesus arye el mapu 12 nang ati tamubuka asipdeyuk. “Anang nirya ara, nyaninyak bukni, anggun na wibuka deipsise mapu ara, nati, yatanye tenenululumce nyanululum do?” nyabuka asipdeyuk.

Matius 17:10

Aminyan ara, sik anang arye Yesus ati asipdeyik. “Allah arye, ‘Wininamlulume, aning ara kum wininamlulume,’ nyapdeibukba, Musa arye sekeiyamsuk yupu peterena deiyok nang arye, ‘Elia minopce yanamle bukni, aminyan sirya talak ara, Allah arye dopdeipnamlanye, Ninye Lyena Deiyoknye, Mesias nyanyaknye bira, nabi Elia aminyan yanamle,’ nyanyak yupu ara, yata deiyok ati nyanyak do?” nyabuka asipdeyik. Asipdeyikbuk, Yesus arye tamubuka nyabuk.

Matius 3:1

Atalak ara, ninye una ap, mok cena ap kum ulamukak, Yudea tam noutamak arye, Yohanes min arye ninye mek dongolamuknye yayuk. Yayukopura, ayupu peterelamuk.

Markus 6:15

Yuk nangopura, Yesus ati nyalamik. “Kume anye bira, Allah yupu laka nyalamuknye, nabi Elia ulule,” nyalamik. Ura yuk ninye ara, “Anye bira, Elia kum bukni, Allah arye aminyan talak winipnamuk ning laka nyalamik nang winilamik atonun, el babye nabinye atonun ulule,” nyalamik.

Markus 8:28

Nyabukura, sik nirya arye tamubuka nyabik. “Ton nang, ‘Yohanes Pembaptis ulule,’ nyakinyake, ton nang arye, ‘Allah yupu laka nyalamuknye, nabi Elia,’ nyakinyake, ton nang arye, ‘Allah elce dotalak winipnamle ning ati, laka nyana deiyoknye nabi ulule,’ nyakinyake,” nyabik.

Lukas 9:8

Yuk nang ara, “Kume, anye bira, Allah yupu ap, Allah arye aminyan winipnamle ning ap ati, laka nyalamuknye nabi Elia ulule,” nyalamik. Ara, yuk ninye ara, “Nabi Elia kumura, Allah arye winipnamle ning ap, el yupu ap ati laka nyalamik nang akunum diamik nabi nang kan-kan arye, tonoknye kam bukuka akunum yanmasile,” nyalamik.

Yohanes 1:21

Nyabukba, sik Yahudi yala deiyok nang arye Yohanes ati asipdeyik. “Ati anda yatanye ulyam do? Minop talak Allah yupu laka lelamuknye, nabi Elia ulyam do? Minop talak Musa birye, ‘Amenyan talak weik mambul nabinye yanamlarya,’ nyabuka nyapdeiamsuknye ulyam do?” nyabuka asipdeyikbuk, Yohanes arye, “Na kume,” nyalamuk.

Yohanes 7:12

Sik ninye weik arye amutuku bulupmek noutamak, sik nirya arye Yesus ati weik arye murmurulanmek. Ton nang arye, “Yesus ara, teleb ululnye,” nyanmek bukni, yuk nang arye ara, “Kume, Yesus ara tenepce arye nyasiliba, el yupu kekenyak ninye mankau arye tilila ning ati dib tenenyake,” nyanmek.

Yohanes 9:17

Kanye yuk-yuk bobuka unmek bukni, sirye ara asing kwetepmoknye biti asipdeyik. “An dan do? An asing kweteipmakilba, akunum teleb elinmalama anya arye, ance el Yesus ati, yata tenepmalam do? Aning ara laka nyapsilyame,” nyabik. Nyabikura, anye birye tamubuka nyabuk. “Kume, na kanye ara, anye bira, Allah el yupu laka nyana deiyoknye, nabinye ulule, tenepne,” nyabuk.