Matius 15:30 - Eipomek

³⁰ Amutuku ninye nirya yupa weik arye, bulubuka yayik talak ara, sik tam ninye, aik bulamik ninye ap, asing kun ninye ap, uk arye bite ikilamuk ninye ap, yupu luba ninye ap ara, uk aning-aning dilamuk ninye ap, ‘Yesus arye kwetepnusil’ tenen, sik kayapu nang arye, auk dilamuk ninye bobuka Yesus dam delilyayik. Delilyayikura, Yesus arye auk dilamuk ninye nirya kwetelinmok.

Matius 15:30 ပူးပေါင်းရင်းမြစ်များ

Mazmur 103:3

Allah el diparyuk, nun malye wininun ning nirya ati, namin kisilirye, kum kibuka deiplyopura, lyesulule. Tonda, nun kanye imun uk talepmasilye ning nirya, Allah el diparyuk auk nirya kum kipdeiplirye, kwetepsilyopura, tuba tamubuka, tonap teleb kilisulule.

Markus 9:43

Anggun taruk arye malye winipmunyopura, amalye upmamunye taruk, sekloplulume. Teleb ning ara, tonok taruk aryuk pil dobuka unmamunyebuk, Allah arye ninye weik lyeplirye, talipnamlak wekenamlulume. Ara, kaname. Taruk bitinye arye tuba malye winipmunyopura, Allah arye uku pia dilyak dopkwetepnamsil, pia mambule.

Lukas 14:13

Anggun yuna kwalibuka delinamlum talak ara, talye bona utotoa talina kumnye ap, yok kwalin ninye ap, aik bun ninye ap, asing guna ninye ap, ‘Sik nirya dilyanuyak’ tenen, yukupnamlulume.

Rasul 2:22

Nyabukura, ton ayupu nyabuk. Na kayapu, ayupu kekeplulume. Allah arye Nasaretnye Yesus dipkoprop wipdeibuk ning ara, laka anyapsuke. Ara, Allah el mikip aryuk Yesus melyamukbuk, Yesus el mambul pil ap, ninye kum winipmanto pil ap, dolamuk ning ap, ‘Dipkoprop Allah arye pil donmasile, tenepnamnyaka’ tenen, laka nyan ning deibuk ning adeice arye, akunum bikamubu. Ara, ‘Allah arye Yesus dipkoprop wibuka dopdeipsuke’ tenen, kel kebupu. Allah arye el mikip Yesus deice aribukba, Yesus el winilamuk ning nirya deice arye, ‘Allah dipkoprop Yesus wipdeipsuka ara, sik dib tenepnamak’ tenen, Allah lak akarye, lak nyapsuke. Anirya, anggun babye akunum kel kilulume.