Matius 15:20 - Eipomek

²⁰ Amalye tenelulum ning nirya ara, kanye talima noutamak welebuka, malye winipmunyopura, talima malye kilisulule. Taruk mek likna kum diparyuk, din ning talya mangkau asa dipmunyopura, talima malye kum kilisulule,” nyabuk. Yesus arye el mapu 12 nang ati laka nyabuk.

Matius 15:20 ပူးပေါင်းရင်းမြစ်များ

Matius 15:19

Ninye talima malye upliba, anoutam arye elelamle ning ara, ani. Malye tenena ap, ninye ona ap, sik ninye dolana ninye batakukabikirye, yuk nang kil alubuka dona ap, kil talye-talye yona ap, ubula dona ap, yuk nang ati malye-malye yupu nyabuka minina ap, tilila yupu nyana ap, anirya ara, anggun talima noutamak malye una deiyok ning aupsilya deice arye malye kililalulume.

Matius 15:2

Sik din dinmek talak ara, Farisi nang arye, ‘Kanye talima malye upsilyak’ tenen, taruk mek liklamik touk, Yesus el mapu ara taruk mek kum ilikmekce talye urdem dinmeka ati, Farisi nang arye Yesus ati nyabik. “An yupu kekebuka dobolbakikce nang ara, nun apu yapu arye mem yupu nyapdeiamsika atonun, kum wininyake. Sikda, taruk mek ilikna kumce, talye urdem dinmake. Winibuka dinmak deice arye, nun apu yapu nyapdeiamsik yupu yanipmaka ara, yata deiyok ati do?” nyabik.

Matius 15:21

Yesus ara, Genesaret mutuku batakuka welebanmoka ani, Tirus mutuku ap, Sidon mutuku ap, dam biyuk.

Wahyu 21:27

Atalak nirya ara, malye ning tonok babye, Yerusalem Winiryuk mutuku noutamak pia kum boyanamake. Tonda, malye wininyak ninye ap, tilila ning wininyak ninye ap anyasik noutamak pia kum wekelyanamake. Amutuku noutamak ara, sik malye winin ninye kum yanmanto bukni, Domba Mi Atonye birye talilye buku, Kam Pia Unamak Ninye Si Sekna Buku, abuku noutamak sik si akunum sekiamuk ninyeuk ara, sikda Yerusalem Winiryuk mutuku wekelyakirye, anyasik noutamak pia unamake. Na Yohanes arye nyapne.

Wahyu 21:8

“Bukni, weik uku buk dilamukce, tin ap, kumasan bol keil el si ara belerang ap, ara uku tin weika arye dipliba, keil but-buta tong ara, sikin tong atonun, weik lelamle ning nyalamukce deiyamse mekwen, uku din mutuku noutamak dopwketepniba, asukumuk pia daunamak ninye ara nyapnune. Sikda, diba tenena kum ninye ap, ‘Yu nang arye opsicak’ tenen, ilil upliba, nati batakaninyak nang ap, kir dona ninye ap, ninye bai mal ona nang ap, amalye pil donyak ninye nirya ap, talye ning ati, ‘Nun ni kopropa’ tenen, si erenyak nang ap, tilila yupu nyanyak ninye ap, aninye nirya ara, uku din mutuku, noutamak dopwketepniba, apia unamake. Uku din mutuku unamaka ara, Dipna Bitinye ning ati nyapkine.” Allah arye nyapnukba, na Yohanes arye kekepse.