Matius 15:2 - Eipomek

² Sik din dinmek talak ara, Farisi nang arye, ‘Kanye talima malye upsilyak’ tenen, taruk mek liklamik touk, Yesus el mapu ara taruk mek kum ilikmekce talye urdem dinmeka ati, Farisi nang arye Yesus ati nyabik. “An yupu kekebuka dobolbakikce nang ara, nun apu yapu arye mem yupu nyapdeiamsika atonun, kum wininyake. Sikda, taruk mek ilikna kumce, talye urdem dinmake. Winibuka dinmak deice arye, nun apu yapu nyapdeiamsik yupu yanipmaka ara, yata deiyok ati do?” nyabik.

Matius 15:2 ပူးပေါင်းရင်းမြစ်များ

Kejadian 1:14

Winibukopura, Allah arye nyabuk. “Winira im noutam ara, weik dirina upnule. Adirina arye, lukunyan ap, keting noutam ap wilipnule. Tonda adirina ara, ‘Li ning yangan talak ara ani, tonok keting tamun ani, tonda like tonok sum ani,’ tenena ati, lak kilin ning unamle.

Ester 3:3

Winibuka daulamuka ani, ninye deiyoknye, Raja el pil dolamik nang, el deiyok nang arye, Raja Ahasyweros el aik bisik bublan dam bulubuka, yupu sisiklamik nang arye, Mordekai biti asipdeyik, “Amio, anda yata deiyok ati, nun ni koproba, ninye deiyoknye Raja Ahasyweros birye nyapdeipsuk yupu bisipmalamce, Haman biti, si kum erenmalam do?” nyabik.

Matius 15:3

Nyabikopura, Yesus arye tamubuka nyabuk. Sik Farisi nang ara, Allah elce “Wininamlulume” nyalilamuk ati, sik Allah yupu laka nyalamik nang sekamik yupu ara, akunum bataklume. Anggunda, talye ninye arye peterelamik ning yupu uk talibuka winilulum ning ara, yata ati do? Anggunda Allah elce, “Wininamlulume,” nyalilamuk yupu bataklumce, ‘Nun apu yapu peterelamik ning, ayupu uk talibuka wininamabe,’ tenemunce winimunye ning ara, laka nyapnusine.

Markus 7:2

Tonda, din ning deibuka deklamikak binuka unmana ani, sik aik tamubuka yan talak ara, sik apu yapu arye, peterelamikce nyalilamik touk, ‘Allah derepsilyak’ tenen, taruk mek likna aryuk din dilamik. Aning atouk ton, mek makau ap, yun makau ap, mek kwebuka dikne makau, cerek ap, amakau mek likna ati, Pil weik dolamikce, sik apu yapu winilamik ning mem ning atouk ning weika arye tonap, talibuka ulamik.

Markus 7:5

“An yupu kekebuka dobolbanyak nang ara, nun apu yapu nyapdeiamsik atonun, kum wininyakce taruk mek likna kumce, talye luba kibuka dinmaka ara, yata ati do?” nyabuka wenebik.

Lukas 11:38

Dinmokura, Yesus el taruk mek kum likmokcuk dinmoka ati, aFarisinye dinmokce ngalukunmok. (Ara, sik Farisi nang arye, ‘Kume, taruk mek likna ara, mem ning ato ning ati, aning kum winibibyopura, Allah arye derepsilyak ati, kum bataktibye’ tenen, taruk mek likna ning weika arye peterelamik touk, sik babye, ton winilamik.)

Galatia 1:14

Tonda, na kayapu yuk nang ara, mitik anun aryuk Yahudi nang dib tenelamik ning, kel kipra balamik bukni, na tonok ara, weik arye kel kipra balamse, nun apu yapu arye, “Aning ara wininamlum, aning ton wininamlulum,” nyabuka peterelamsikba, kekebuka talyamupa ning ara, ‘Aning ara, weik mambule’ tenen, weika arye kel bikamsirye, aninguk talibuka winilamse. Yuk nang nirya ara, mitik anun aryuk kel kibuka ulamik bukni, nara weika arye aning nirya kel kibuka talyamsirye dopra balamse.

Kolose 2:8

Yuk malye nang arye, ‘Sik talima lipdobibyeura, nun tam kipropnamsiyak’ tenen, tilila yupu peterepsica deice arye, mankau kanye arye diba tenebuka, yuk bisik bimunyak ati, anggun kanye pia moubuka unamlulume. ‘Anang arye, nong kum yupu talye peterepsicak’ tenen, anggun kanye moupnamlulume nyapsine. Atilila nang arye nyanyak yupu ara, Kristus el ulul ning deice arye kum nyanyake. ‘Sik talye tukwak ninye, sik kanye deice aryuk,’ tenenyak ning peterenyake. Tonda, ayupu deiyok ara, talye nang bol deice atonun ning, talye tukwak ninye arye, “Aning nun deipkirikdop nang dorapce winilamik touk, aninguk talibuka unamabe,” nyanyak yupu ati nyapne. Tonda sikce, ‘Aning ara, weik mambul mem ning,’ tenebuka, talye yupu aryuk nyaltakanyak yupu uk ulule. Tonda, ayupu ara, Kristus yanina atonun yupu ulule. Anirya ati ara, atilila yupu ara, talye yupu uk ulula anya arye, aning kum kekenamlulume, nyapsine.

1 Peterus 1:18

Wininamluma ara, talya ati kume. Deiyok ara, anggun kele, Yesus deksukce, lyepsuk ning ara, talye ning, kum winipnamle ning perak ap, emas ap, atonun ning deice arye kum deksuke. Anggun apu yapu nang arye, “Wininamlulume,” nyabuka, talye-talye peterelamsikbuk, ulalum ning talyamsuka noutam arye, Yesus arye min kum winipmanto ning deice arye, dekuka lyepsuke.