Matius 14:6 - Eipomek

⁶ Batakuk bukni, Raja Herodes el deiamik sum akunum ubukura, weik kwalina kwalibuka deibukba, el kayapu nang weik dilyayik. Sik akwalipmok ning dinmek talak ara, Herodes el kil Herodias, el kilmu mot yanuka senmokba, sik anang nirya arye, kanye deibuka dinmek.

Matius 14:6 ပူးပေါင်းရင်းမြစ်များ

Kejadian 40:20

Yusup birye, ayupu nirya laka nyabukura, sik daunmeka ani, like winilye ton akunum ubukura, Firaun el deiamik talak akunum ubuk. Akunum ubukopura, Firaun birye, el amu tam pil dolamik nang nirya ati, weik kwalina arebuk. Kwalina kwalibuka dinmek talak noutamak ara, el pil dolamdik nang bitinye ati, yupu nyapdeibukba boyayik. El amu tam pil dolamik ninye kekenmik bukni, anang bitinye ati, yupu lipsisikdeibuk.

Ester 2:18

Aning nirya akunum winibukopura, Persia mutuku ninye deiyoknye, Raja Ahasyweros birye, “Ester el si erena ati, weik kwalya kwalipnamaba ati ara, na amu tam deiyok nang nirya ap, weik sisin pil don nang ap, pegawai pemerintah nang ap, weik nang nirya buluplulume,” nyabuk. Nyabukce, “Ester si erena ati, na talenun mutuku ap, provinsi nirya ap, noutam ululum ninye nirya ara, asum deice arye pil dona kumce, dikdik sepnulume,” nyabuk. Nyabukce, pia teleb ning weika arye, amutuku ninye ati, weika arye arelamuk.

Matius 14:3

Raja Herodes arye Yohanes Pembaptis obuka deiyok ara ani. Raja Herodes elcuk yupu nyapdeibukba, el yin talin nang arye Yohanes Pembaptis tapu koubuka deibikce, wenen aik dongobik. Herodes arye Yohanes dobuka wenen aik deibuka deiyok ara, ani. Herodes el weit Pilipus arye domuk kil Herodias ara, Raja Herodes arye dopromuk.

Matius 14:7

Herodes arye asenmok kilmu ati, kanye deibukce, akilmu ati nyabuk. “Yata ning do, an patapkil ning ara moropniminyopura, dipkoprop arepnukine,” nyabuk. Tonda, Herodes arye “Talya kum nyapmakine, ance patapkilye touk nyapniminyopura, pia dipkoprop arepnamakine,” nyabuk.

Matius 22:24

“Musa sekeiyamsuk yupu ara ani. ‘Tonoknye birye kil dopmalibuk, anye diplyopura, akil arye mi delina kumopura, anye el weit koprop arye, el yok pununa ati, el du kopropa kil yuwak daklirye, mapu deipnamrake,’ nyabuka Musa arye sekeiyamsuke. Nyabuka sekeiyamsuka ati, winipmanto ning asipdenukiyabe.

Markus 6:14

Yesus el mapu arye, peterepra balamika ati, ninye weika arye, Yesus el si kekelamik. Ninye weike kekelamika ati, amutuku weik ninye deiyoknye, Raja Herodes babye, kekebuk. Ton ninye, Yesus arye ninye winipman kum pil dolamukbuk, eibika ati, sikce nyabik. “Kume Yohanes Pembaptis akunum diamuk bukni, tuba tamubuka kam bukuke. Ati, ninye kum winipmanto pil dolulnye bira, Yohanes akunuma,” nyalamik.

Markus 6:17

Ara, Herodes elce nyapdeiamukba, el yin talin nang arye Yohanes Pembaptis tapu koubuka boyayikce wenen aik dongamik. Herodes arye winibuk ning ara, Herodes el weit Pilipus kam tuba ulamukbuk el kil Herodias ara, Raja Herodes birye ubula dopromuk.

Markus 6:19

Yohanes arye nyalamuka ati, akil Herodias birye, yu ubukura, ‘Yohanes opdeipnutue’ tenen, pia tuba tenelamukce, tenenauk ulamuk.

Markus 8:15

Mek liya yo deice bukuka banmek talak ara, Yesus arye el mapu 12 nang ati nyabuk. “Farisi nang ap, Raja Herodes ap, sik malye wininyak ning ara, roti nena deiyok ning atonun ulula ati, pia kalekuka dinamlulume. Anggun moubuka kalekuka dinamlulume,” nyabuk. Sik Farisi nang ap, Raja Herodes ap, arye, kanye talima malye tenebuka winilamak nang ara, ‘Na mapu kekebikirye, sik babye, malye winibikcak’ tenen, Yesus arye el mapu ati ayupu nyabuk. “Ninye arye roti dana ati, roti nena deiyok ning mitik anun aryuk dobuka, roti bun noutam dongopmacebuk, weika arye banmalya ani, roti weik arye nelamle touk, sik Farisi nang ap, Raja Herodes ap, kanye talima malye tenelamak yupu kekepmunce, anggun kanye tenen ning babye, ‘Malye updeipsilyak’ tenen, moubuka umunce, sik yupu kum kekenamlulume,” nyabuk. Ara, sik Farisi nang ap, Raja Herodes ap arye, Yesus el ulamuk ning ap, yupu peterelamuk ning ap, ‘Allah el Mi Koprop ulirye, apil dolule’ tenen, ‘Diba kum tenepnamap,’ tenelamikce, Yesus ati, “Ninye kum winipmanto pil dakna pil dopsutumopura, diba tenepkitibye,” nyalamik. Utenebuka nyalamika anya arye, Yesus arye el mapu ati, Farisi nang ap, Raja Herodes ap, sik tenebuka winilamice ning, roti nena deiyok ning weika arye balamle touk ulul ning ati, “Moubuka unamlulume,” nyabuk.

Lukas 13:31

Yesus arye ayupu nyabuk talak ara, sik Farisi nang Yesus dam yayikce, ayupu nyabik. “Amutuku weik deiyoknye Herodes arye, ‘Anye bira, optine,’ tenekulule anya arye, amutuku batakuka yukak binamlyame,” nyabik.

Lukas 23:11

Wininmek talak ara, Herodes ap, el yin talin nang ap arye, Yesus ati, derenmekce nalinmek. Sikce nalinmek talak nirya ara, sik weik nang ongolamak cang baju, el si juba atonun ongon baju, Yesus nong deice ongopdeibikce, nalinmek. Winibikce, tamubuka Pilatus dam dopkwetebik.

Lukas 23:7

Asipdeyukura, sikce, “Yo, Galilea tamnye ulule,” nyabikura, kekebuka kel bikukopura, weik ninye deiyoknye Pilatus arye, utenebuk. ‘Aning ati ara, Galilea talibuka na amu tam ulul deiyoknye bira, Herodes anye arye, Herodes arye Yesus yupu lepsikra bokipnamle,’ tenebukce, Herodes Yerusalem mutuku tia yanuka unmokak Yesus dopkwetebuk.

Lukas 3:1

Roma mutuku nirya weik ninye deiyoknye Kaisar Tiberius talyamuk talak, anirye dipdongobuka, keting tamun koklom dekin 15 akunum ubuka talak ara, Pontius Pilatus dobuka, ‘Yudea tam talipnamle’ tenen, Gubernur kipdeibuk. Atalakuk Galilea tam talyamuknye, Herodes pemerintah nang deiyoknye kipdeibuk. El weit kopropa Pilipus arye Iturea tam ap, Trakonitis tam ap, talyamuk. Atalakuk Abilene tam talyamuknye bira, Lisanias ulamuk.

Lukas 3:19

Ara, aninye kekelamik bukni, amutuku pemerintah weik ninye deiyoknye Herodes, el malye winibuk ning ati, Yohanes arye wenebukba, Herodes arye nyapdeibukura, Yohanes tapu koubukabikce, wenena aik dongobik. Yohanes arye Herodes wenebuk ning ara deiyok ara ani. Ara Herodes el weit koprop kil Herodias, ubula dalubuka doprobukce, doprobuk ning ap, ton malye ning pia weik ulamuk ning ap ati, Yohanes arye Herodes ati wenebuk.

Lukas 8:3

Tonda, Herodes el aik pil dolamuknye Kusa, el kil Yohana ap, Susana ap, ton yuk kilapu weik ton ap neika balamik. Akilapu nirya arye, sik talilamik ning deice arye, Yesus ap, el mapu ap, sik patapne ning ara, dekuka arelamik.

Rasul 12:1

Atalak ara, amutuku weiknye deiyoknye, el si ara, Herodes, elce deiyok kibuk akarye, Yesus dib tenebik nang tonok-tonok ati, ikin ning sik nong deice deililamuk.

Rasul 4:27

“Ara, Daud arye nyapdeiamsuk touk, dipkoprop Herodes ap, Pontius Pilatus ap, Yahudi yala kum ninye babye, Yahudi yala ninye ababye, anang ap, Yerusalem mutuku bulubuka wekik akarye, ‘Obisipnamap’ tenen, an yupu uk kekebuka, an piluk melibuka mambul pil dolulnye Yesus ati, yupu sisikinmek. Anye Yesus ara, ance wipdeiamlum akarye, ‘Ninye lyepnamle’ tenen, erepdeiamlumnye biti, yupu sisikinmek.