Matius 14:36 - Eipomek

³⁶ Atonun ton, Yesus balamukak nirya ara, uk dilamne ninye nirya delilbalamikce, aninye arye Yesus ati, “Uk dilamlye ninye arye, an ongopmalam baju mouse ak bolpipkiting do?” nyabuka morolamik. Morolamikce, el baju mouse ak bolfilamik nang nirya ara, uk kwetelilamuk.

Matius 14:36 ပူးပေါင်းရင်းမြစ်များ

Matius 14:35

Lukuka deibikce, mek lia yo deice tukwak sakuka tikilbiyik talak ara, adiparyuk sik min arye epdanmek nang aunmekce, Yesus el nong kel bikikce, ‘Yesus atia,’ tenebik. Utenebikopura, amutuku-amutuku noutamak nirya lak nyalbanmekba, amutuku noutamak ulamik ninye nirya, kekenmekce, uk aning-aning nirya dilamuk ninye bobuka, Yesus dam boyanganmekba, kwetenmok.

Matius 23:5

Sik winilamak ning ap, pil dolamak ning ap nirya ara, ‘Yuk ninye eipsikirye, se anang ara pia teleb nang, tenepnamsiyak’ tenen, wininyake. Sikda kanye talima ereldanyake. Ton ning ara, Allah yupu kekebuka diba tenenyak ninye ara, ‘Allah yupu ati pia tenenamap’ tenen, mitik pala ning deice arye, Allah yupu ayat sekdeipnopura, taruk nakup deice ap, asok deice ap, deibuka kitilongonyak. Bukni, sik Farisi nang ap, Musa sekamuk yupu peterena deiyok nang ap ara, ‘Ninye eipnamsiyak’ tenen, pala weik ning deice kitildongokirye dinyake. Winilamaka nirya ara, ‘Yuk ninye eipsikirye, ara pia teleb nang, weik kel nang tenepnamsiyak’ tenen, wininyake. Ton ning ara, Allah diba tenenyak ninye ara, sik Allah morona talak ara, kisok pakunyak baju mouse ak ara, bumang baju sekuka tipmenikuka mitik-mitikuk kirikildongonyake. Bukni, sik Farisi nang ara, ‘Yuk nang eipsikirye, ara Allah morona weik kel nang tenepnamsiyak’ tenen, weik cang baju sekuka, tipmenikuka mitik-mitikuk kisok pakunyak baju mouse ak kirikildongonyake.

Markus 3:10

Awinibuk ning ara, uk dilamuk ninye weika arye akunum kwetelamuka ati, atalak ara, uk dilamuk ninye arye, ‘Yesus el nong ton taliptibye ak, kwetepsutue’ tenen, wekelyayikce, ninye weik arye, mening deice yanilanmekce dekneldanmek.

Markus 6:56

Atouk ton, Yesus balamukak nirya, asik dolamikak babye, dolin aik babye, wa win dam babye, ninye bulubuka yupu talilamikak babye, nirya ara, uk dilamne ninye nirya bobuka deililbalamik. Delilbalamikce, Yesus ati, “An ongon baju kup-kup ak, bolpipkitibye do?” nyabuka morolamik. Morolamikce, el ongon baju kup-kup ak, bolfilamik ninye nirya ara, uk kwetelilamuk.

Markus 8:22

Ayupu ara, mekwen deice yupu nyapra banmeka ani, Betsaida mutuku biyik. Biyikopura, amutuku nang arye asing kuamuknye bira, ‘Yesus el taruk talipturye kweteptue’ tenen, Yesus dam boyayikce morobik.

Yohanes 6:37

Yata ninye do nirya, na ni koprop Allah arye arinilye ninye nirya ara, nati dib tenepnikirye, na dam yanganamniake. ‘Elcuk lyepnamsil’ tenen, na dam yanganamniyak ninye nirya ara, ‘Sikda na lik,’ nyabuka kum batakanamne.

Yohanes 7:23

Ura, anggun ton tenipdelulume. Musa arye, “Wininamlulume,” nyamsuk yupu, ‘Mem yupu kum yanipnuyab,’ tenelulum deice arye, Sabat sum arye pil kum dolulume. Bukni, Sabat sum aupmatu babye, ‘Nun mapu den bola mouse deice tam sekna teleb’ tenen, sekna piluk dolulume. Winilulume ati ara, yata deiyok arye nati, ‘Sabat sum ninye nong nirya kwetepmo deice arye, pil atonun dobuk’ tenen, yu upsukba derepmanulum do?

Rasul 3:16

Ara, minop arye anye bira kel bikamlum akarye, winiryuk eipmalumnye bira, Yesus el si dib tenenarye kwetepmala anyak mikip upmale. Ara, Yesus el si mikip tenena ap, Yesus arye nunti dib tenena deiyok ning arisilya deice arye, anye bira el nong nirya kwetepmal anyak, anggun nirya eipmalume.