Matius 14:30 - Eipomek

³⁰ Mekwen deice yanibuka banmok talak ara, weik mok piripna donmokba eibukce, ilil weik ubuk arye, mekwen noutam wekukba mekwen singnipmanto ukuk ati, Peterus arye Yesus ati, “Se, naio, na melibuka dopropnilyame,” nyabuka morobuk.

Matius 14:30 ပူးပေါင်းရင်းမြစ်များ

2 Raja-Raja 6:15

Binuka warikmek talak ara, Elisa el melinanye beren tam koprop arye, minop bukuka, buru tam biyukce dinmokba, sik yin nang ap, kuda basam ap, pia weik arye, anyaik bai tam nirya antanap dongobuka warikmekak eibuk. Anye birye tamubuka Elisa dam yayukce, “Se na nio, arup ara pia ikin weike upsile. Nun yata wiripnuyap do?” nyabuk.

Mazmur 3:7

‘Aning ati ara, na mal olan nang arye, nati, ‘Optibyeʼ tenen, na dam yanganyak ninye ara, yupa pia weik kum nukmanto sepuluh ribu (10.000) nang ton unmatinga babye, anang ati ara, ilil kum unamnile. Sik anang ara, ‘Anye Daud opnuyabe,’ tenebikirye, na dam dana-dana tam nirya, yanuka kalikmanikirye, wariknica babye, nara ilil kum unulule.

Matius 14:29

Peterus arye nyabukba, Yesus tamubuka, “Telebe anda yalyame,” nyabuk. Nyabuk ati, Peterus ‘Yesus dam binun’ tenen, mek lia yo deice sakuka, mekwen deice yanibuka banmok.

Matius 14:31

Morobukba, Yesus adiparyuk Peterus el taruk talibuka doprobukce, nyabuk. “Ance, ‘Winiptinye do, kum do?’ tenen, kanye bokoltonmakila ara, yata ati do? Anda, nati mitik tonunuk dib tenepmanilama arye, mekwen singnipmanto upmakile,” nyabuk.

Markus 14:38

Winilen ning deice arye, anti, ‘Elda malye uptue’ tenen, piripdenamakile anya arye, kanye moubuka dilamince, Allah moronauk unamlyame. An kanye talima noutamak ara, ‘Winiptinye,’ tenelyam bukni, an nong mikip kumanya arye, dipkoprop kum uptume.” Yesus arye Peterus ati nyabuk.