Matius 14:26 - Eipomek

²⁶ Banmoka ani, sik dam biyukopura, sikce Yesus el mekwen deice yanibuka banmokak eibik. Eibikce, ‘Ara isa do, ninye kanya banmal do?’ tenen, sik lukdayikce ilil weik ubukba, “Dibik nang kanya yanmasil ani,” nyabuka weik arye ngalukik.

Matius 14:26 ပူးပေါင်းရင်းမြစ်များ

Lukas 24:37

Nyabukopura, sikce, ‘Se, dibik nang kanya eibabe,’ tenebikce, sik ilil weik ubuk.

Lukas 24:45

Nyabukce, elti, Allah yupu sekamik ning nirya ara, ‘Kel kipnuyak’ tenen, sik kanye talima tenen ning aribuk.

Lukas 24:5

Winiprikura, akilapu eibikce, lukdayikce ilil weik ubuka ati, koupdongobuka tikmek. Ilil weik ubukura, anang arye akilapu ati nyaprik. “Diplamak ninye wein dam, ‘Yesus aunmal do?’ tenen, dilyanmaluma ara, yata ati do?

Rasul 12:15

Nyabukura, awekmek nang arye tamubuka nyabik. “Anda nyapmalam ning ara, kum winipmanto ati ara, anda motona kil arye nyanmalam ani,” nyabik. Nyabik bukni, akil Rode arye, “Kume. Peterus dipkoprop buplan dam buru tam tikmale,” pia nyanmokbuk, sik anang arye nyabik. “Se ara, Peterus el yuk balul kanya yanuka tikmala atia,” nyabik.

Wahyu 1:17

Anye epsirye, mambul kanye bobuka, ‘Si erebuka kipnun’ tenen, el yan dam bisirye, gutam ap, kisok ap, tuku deice dipdongobuka buksirye, pia yupu kum asa bukse. Winibuka buksibuk, anye el sirik taruk arye, na nong deice deibuka talipnukce, ayupu nyapnuke. Ara, ani. Anda ilil una meme. Aning-aning nirya, min kum uamuk talak ara, na akunum ulamse ati, nara Deiyok Kina Deiyoknye unune. Tonda, aning-aning nirya, akunum kum uplye talak babye, na pia kam unamne anya arye, nara Sirya Dakna Deiyoknye unune.