Matius 14:21 - Eipomek

²¹ Aroti ap, mekin bal ap, dinmek nang ara, kilapu mapu kum nukik bukni, sal demuk nukika ara, yupa weik 5.000 ninye dipra banmekce unmek. Abukmek nang ara sal demuk nukik.

Matius 14:21 ပူးပေါင်းရင်းမြစ်များ

Matius 14:20

El mapu arye abukmek ninye ati, aning bokuka arepra banmekba, dobukabikce dinmek bukni, akunum boubukopura, kwal batakik ning ara, dobukabikce, libuka tonok ak deibik. Yesus el mapu 12 nang arye bulubuka libuka deipmek ning ara, aling atonun ning, el si ara bakul weik ning, 12 deiyamika arye libuka deibik.

Matius 14:22

Aninye weik 5.000 nang, sik din ning arebikba dibikopura, adiparyuk Yesus arye el mapu 12 nang ati, nyabuk. “Anggunda minopce mek lia yo arye mekwen deice banmamunya ani, mekwen otam binamalulume. Nara, awekmak ninye ati, ‘Telebe dabilulume,’ nyapnune,” nyabuk.

Markus 6:44

Aroti ap, mekin bal ap, dipmek nang, kilapu ap, mapu ap, kum nukik bukni, yupa weik 5.000 ninye dipmekce unmek. Abukmek nang ara, sal demuk nukik.

Yohanes 6:10

Nyabukura, Yesus arye el mapu nirya ati nyabuk. “Anggunce abulupmak ninye nirya ati, ‘Buklulume,’ nyaplulume,” nyabukba, sikce nyabikopura, sik unmeka ara maning weik pamukak ati, aninye nirya arye maning deice bukmek. Kilapu ap, mapu ap kum nukik bukni, sal ara yupa weik 5.000 nang unmek.

Rasul 4:34

Atalak ton, atalak ton sik aik ap, wa tuku ap, talyamik nang arye, Yuk nang ati aning dekuka dololamik yo bok ara, Yesus wipdeiamuk nang ati arilyangalamik. Ara, ‘Anang arye aning bokuka patalamne ninye arepnamak’ tenen, arilyangalamik.

Rasul 4:4

Sik Saduki nang arye dib kum tenebik bukni, sik peterenmarik yupu kekenmek nang ara, yupa weik diba tenebik akarye, Yesus minyuma dib tenelamik nang ap, tabakuka yupa weik pamubarye ribu (5.000) nang kibik.

Pilipi 4:19

Tonda, narye el si erenun Allah ara, elce aning-aning nirya, mambul ning, pia teleb ning weike talibuka ulya atouk, anggun Yesus Kristus ap, kanye dukdongobuka, neika umunyopura, anggun patapsilye ning nirya pia arenamsile.