Matius 13:7 - Eipomek

⁷ Atalak bukni, ton yo duk ara doknin banmok bukni, tirmaka weiyang-weiyang kan-kan noutamak arye sakuk. Dawamuka ani, pabuk bukni, tirmaka weiyang-weiyang arye welebukce, apamuk ning koupdongobukce, angkalung kipdongobuka, wen-wen alamuk. Wen-wen alamuka anya arye, duk kum moulamuk.

Matius 13:7 ပူးပေါင်းရင်းမြစ်များ

Kejadian 3:18

Tukwak mutuku nirya arye, tace ning tirmangka kweiyang-kweiyang ap, kirikna ap, aning-aning weik panamle. Wa wiaminyeba, beteklirye papnamle ninguk libuka dinalame.

Matius 13:22

Ton ninye ara, Allah yupu kekebuka dolonyak bukni, yo duk tirmangka weiyang-weiyang kan-kan sakmok ning atonun wininyake. Ara, tukwak mutuku noutamak arye, ‘Aning doproptinirye teleb uptinye do? Yuk ning aupnutuba teleb uptinye do?’ tenen, teniltona ap, kanye bokoltona ap deice arye, Allah yupu batakalogonyake. Tonda, “Bona weik doproptinirye, telebuk uptinye,” nyabuka, sikce sik bidamang arye, tilila yupu talya nyaldanyake. Tonda, aning-aning nirya weik patapliba, ‘Aning ton doproptinye, aning ton winiptinye,’ tenenyak deice arye, lik upliba Allah yupu batakalogonyake. Wininyaka ara, tirmangka weiyang-weiyanga arye apamuk ning koupdongobukce, angkalung kipdongobukba, wen-wen alamuk touk, talya tukwak ning aning-aning nirya pia tenenyak deice arye, Allah yupu kekelamikce ning ara, batakiceba duk kum mouplirye, talya urdemuk bolule. Ara, teleb ubuka kum kekekirye, Allah yupu pia kum dobolbanyaka ati nyapsine.

Matius 13:6

Pabuk bukni, yating tukwak teleb ubuka kum binmanto uamuka ati, keting yanuka donokukura, keting bupu arye sisal lebuka koulubuk.

Matius 13:8

Aning ara, duk kum moulamuk bukni, yo duk ton doknin banmok ning ara, mirin tuku teleb ak sakuk. Mirin tuku deice sakuk ning ara, pabukce nebukopura, duk teleb ubuka moulamuk. Yo duk tonok-tonok sakuk bukni, aduk tonok arye pabukce moulamuk ara, ton ning ara 30 moubuk, ton ning ara 60 moubuk, ton ning ara 100 moubuk.

Markus 4:7

Atalakuk bukni, ton yala ning ara, doknin banmokak, tirmangka weiyang-weiyanga kan-kan noutam arye sakuka bongopmok bukni, tirmangka weiyang-weiyanga erepdobikce, apabuk ning koupdongobukce, angkalung kipdongobukura, wen-wen alamuk. Wen-wen alamuka anya arye, duk kum moulamuk.

Lukas 8:7

Atalak aryuk, ton yala ara doknin banmokbuk, tirmangka weiyang-weiyanga kan-kan noutamak sakuk. Dawinipnin balamoka ani, bongopmokura, tirmangka weiyang-weiyanga weik ubukce, apabmok ning koupdongobukce, angkalung kipdongobukura, wen-wen alamuk. Wen-wen alamuka anya arye, duk kum mulamuk.