Matius 13:48 - Eipomek

⁴⁸ Wekikce, akunum langdibukura, amekin bal donmeka deiyok nang arye, mekin bal yangan ning erebuka dobukabukce, mekwen lilkwa binuka deibik. Deibikce, mekin bal nirya dipdeyikce, mekin bal wibukabikce, mekin bal teleb ning dobuka, mekin bal lin ning pum bisik dongobik. Bukni, malye mekin bal ara, talyak buru tamuk donokik.

Matius 13:48 ပူးပေါင်းရင်းမြစ်များ

Matius 13:30

Dauamli bukni, teleb ning ap, malye ning ap, wisiplyopura, dakuka lipnamap talak arye, na melin nang ak nyapnamne, ‘Anggunda talye palamle ning kwinimunce, koubuka uku dongopnamlume. Winipmunyopura, teleb ning nirya bulubuka, na din ning delin aik delilyanamnulume,’ nyapnamne.” Wa deiyoknye birye nyabuk. Yesus arye Galilea mekwen dam bukmokce, ninye weik bulubuka wekmek nang ati adomon yupu nyabuk.

Matius 13:47

Yesus arye, adomon yupu nyabuk. Allah arye ninye weik lyeplirye, sik talima talinamle ning, atonun ning ara, adomon yupu nyapnusine. Tonok talak ara, ninye arye, ‘Mekin bal dopropnuyap’ tenen, mekin bal yangan ning mekwen noutamak dongobikba, mekin bal aning-aning nirya weik arye wekik.

Matius 13:49

Anang arye mekin bal wibuka dipdeyikce, ton ning ara dokola deibuka, ton ning ara buru donokik touk, Allah arye sirya daknamle talak atonun winipnamle. Ara, el im deice pil don nang malaikat arye, ninye mutuku-mutuku nirya bokuka deibikirye, “Malyeuk unyak ninye ara, ani. Telebuk unyak ninye ara, ani,” nyabikirye, bokuka yuk-yuk deipnamake.

Matius 3:12

Batce dipnulinye bira, batce bama labuka, uku dongoplirye, batce nonguk dilamle touk, Yesus arye ninye nirya bokuka, teleb ning doproplirye, malye ning bataknamle. Ninye arye din ning teleb ning yo lalina deice delilamak touk, Allah arye elti, diba tenebikirye, diksukumuk wininyak nang ara, aninye dobuka im deice deipliba, el ap neika pia unamake. Tonda, ninye arye, din ning bama labuka, uku dongolamak touk, Yesus arye malye winin ninye nirya dobuka, uku pia dilulak dongopnamle. Auku ara pia kum tangaptue, pia dinamle.” Yohanes arye awekmek nang nirya ati, adomon yupu nyabuk.

Matius 4:18

Ayupu nyapnin balamuk talak noutamak ara, Yesus arye Galilea mek lilkwa banmok. Banmokce, ninye bitinye, sik nang susukuk eibuk. Eibuk nang ara, Simon, ton el si ara, Peterus nyalamiknye ap, el weit kopropa Anderias ap, ‘Mek imbal dongobuka dopnanam’ tenen, mek pum aling atonun ning, mekin bal don ning, el si jala dolkwetenmarikbuk eibuk. Sik abitinye nang ara, mekin bal don nang anya arye, wenmarik.