Amalye tilila yupu nyaninyak ninye nirya ara, teleb winin ning moubuka kum kel bikamikca arye, sik kanye talima noutamak, ‘Teleb ning ani, malye ning ani,’ kum tenepmanto ninye unyake. Bukni ance, “Aning ara, wininalulume. Aning ara, pia kum wininamlulume,” nyapdeiamsulum mem yupu nirya ati ara, kanye deipnirye, na talima noutamak deibuka unamne.
Matius 13:15 - Eipomek15 Sik awininamaka ara, talya ati kume. Sik kanye talima pum tam lik upliba, ‘Kekena nun lik’ tenen, akunum batakanyake. Wininyaka anya arye, aninye ara na yupu ‘Lik’ tenen, mitik anunuk kekenyake. Sik talima pum tam lik upliba, ninye asing arye bita kum elilamak atouk akunum wininyake.’ ‘Aning-aning nirya kum winilamtingopura, asing arye teleb kibuka eipnamtinge, tonda amul arye teleb ubuka kekenamtinge. Sik kanye talima ayupu nong noutamak ‘Deiyok ning ara, anye’ tenen, teleb ubuka kel biknamtinge. Sik kanye talima teleb ubuka kel biklamtingtoura, sik malye wininyak ning batakuka, balye tamubuka, na tam kipnitingba, narye sikti, teleb kipdeiptinye.’ (Yesaya 6:9-10) “Yesaya birye nyalamuk touk anang ara, wininyake nyapsine.” Yesus arye el mapu ati nyabuk. အခန်းကိုကြည့်ပါ။ |
Matius 13:15
25 ပူးပေါင်းရင်းမြစ်များ
Ninye ton, sikce yuk nang ati, sik kanye talima noutamak ara, yu ninguk tenebikirye, ‘Anang ati malye upnamabe,’ tenenyak bukni, ‘Aning ara, yuk nang arye kum kel biknamsiyak’ tenen, urasin etek-etek ana uk unyake. Tonda, anang ara, sik malye tenenyak ning laka nyana kum bukni, si bama mur-mur ana ap, asing ngikilongona ap, nong urasin nirya bamnalakana uk unyake. Bukni, sik kanye talima noutamak ara, pia malye winin ninguk tenebuka, dungnubuka unyaka anya arye, yuk ninye nirya kum kel bikinyake. Winibuka tenenyaka deice arye, yuk ninye nirya ati, malye ulinyake.
Awininyak nang ara, mining uku sice dobuka dilamak touk wininyake. Aninye ara, sik walwal tenenyak deice arye, sikce sik mining ati malye winililanyake. Ati, kum melipdatinge. ‘Ayo tonok deice arye na taruk deice talibuka pil donun ning ara, tilila yupu nyalinulule,’ kum tenenyake. Ati, aninye ara ‘Talya ninguk si erenyaba,’ kum tenenyake.
Narye sik malye ulamik ning nirya ara, akunum eipsirye, tuba bikinune. Bukni, narye, sik amalye ning talibuka, unyak nang tuba tamubuka teleb kipdeipnamne. Tonda, narye sikti, melipnirye, diksukum bisikuk bobinamne. Tonda, sikce, ‘Se, yata wiriptibye do?’ tenen, imun kanye bobuka, unyak nang ara, narye sik talima kwa dipnirye, anggun kanye talima tamubuka teleb kipdeipnamne. Winipnyopura, yata nang do nirya, sikce ikin kanye bobuka engenyak nang ara, teleb kipdeipnyopura, sikce kanye deibuka nati, ‘Se, Allah ara, pia teleb ulule,’ nyabuka, nati si erenamniake.
Aninye ara, ‘Sik kanye talima kat unamle’ tenen, na yupu kum kekepmanto una deiyok ning arepnyopura, sik kanye talima katauk unamle. Aning atonun, amul kunukna deiyok ning arepneba, sik amul arye teleb kibuka, kum kekepmanto unamake. Tonda, sik asing kuna deiyok ning arepneba, asing kupliba, narye mambul pil donamne ning ara, bita kum eipnamake. Aning-aning nirya ara, sik wenena ati, kum winipnyopura, sik asing arye eibikirye, sik amul arye kekebikirye, sik kanye talima pum tam moubuka tenebikirye, kel kibikcopura, pia ilil kanye bobuka, unyak ning nirya, batakikirye, ‘Na dam tamubuka yacak’ tenen, nyapne. Ara, na dam tamubuka yatingopura, narye sik malye ning ati, kilipnirye, teleb kipdeiptinye bukni, sik malye-malye weik wininyaka ati, ‘Aning kum winipnamak’ tenen, talima kat una deiyok ning arepneba, kum kekepmanto una deiyok ninguk, talibuka pia unamake. Allah arye, ayupu nyapdeibukba kekepse.
Ninye kanye talima noutam arye, tenenyak ning ara, laka kibuka kum biktinge. Ninye kanye pum tam ara, dungnubuka talye-talye yupu uk nyasulula ati, pia yuk ulule. Yuk ning ton, tilila yupu nyalul bukni, ninye arye, sik talima noutam arye teninyaka ara, pia malye weik ulula ati, tilila ning ati, ‘Diba,’ tenebikirye, talye ninguk talibuka unyake. Ati ara, ninye arye, sik kanye pum arye teninyak ning babye, moubuka kum biktinge.
Se, anggun nirya, Allah dam akunum bataklum nang ara, tuba tamubuka, el damuk yanamlume. Elce anggun teleb kipdeipsilirye, malye ning nirya ara, lyepdosilirye, kum kipdeipsilyeba, el yupu moubuka talipmunce unamlume. Winipmunyopura, anggunce nyanamlume. “Diba, winida nun akunum tamubuka, Allah Yahweh, el dam yayabe. Ati, dipkoprob elda nun ni koproba Allah,” nyanamlume.
Bukni, narye akunum tenyamse talak, dounamle talak ara, na Allah arye amutuku ap, amutuku unamak ninye ara, tuba tonap, lipsisikuka, teleb kipdeipnamne. Narye anggun ikin unamsil ning ap, anggun suse weik unamsil ning ap ara, tuba teleb kipdeipsinirye, kwetepnamsine. Na tenyamse talak ara, tuba tamubuka, teleb un ning ton arepnamne. Tonda, teleb kipnirye, melibuka kaliksinyopura, aminyan talak anggun mal olan nang arye, tonap kum olyanganamsiake. Anggunda talye kanye bobuka, telebuk unamlume.
Allah arye Israel ninye ati nyabuk. Narye anggun Israel ninye nirya ati, tuba tenesenuna anya arye, tuba tamubuka dopdopsenirye, teleb ulinamsine. Anggun tuba-tuba malye winimun bukni, na kanye aryuk bico tenepsinirye, anggunti pia melinamsine. Anggun malye winin ning ara, kum kipdeipnirye, aninye ati bico tenenuna anya arye, tuba tonap, teleb kipdeipnamsine. Min talak ara, narye anggunti, yu weik uamnuk bukni, aminyan talak ara, anggunti tuba ton tamubuka, wanabuka kum opnamsine.
Allah arye, nun apu yapu ati nyapdeiamsuk bukni, sik atalak ulamik nang ara, sik kanye tenina nirya ara, kisok kat kanye bobuka ulamikce, dipkoprob pia kum kekepmanto nanguk ulamik. Sik anang ara, ‘Allah arye nyapsilye yupu, kum kekepnamapʼ tenen, sik balye tamubuka, sik amul ara, kunukdongobikba, nabi nang arye, nyalamik yupu ap, Allah elce nyalamuk yupu ap ara, pia kum kekelamik.
Bukni, anggunce nati, ‘Allah elda weik mambule,’ tenebuka, na si erenululumce, na nyapdeiamse yupu uk, moubuka talipmunce, ululum ninye nirya ati, na mikip ara, anggun deice deipsiniba, keting delilamle touk upsilyopura, teleb kipdeipsinirye, lyepnamsine. Winipsinya deice arye, anggun ikin usilye ning nirya, kum daneipnamsine. Winipmanto ara, sapi basam mi poka pum tam dongamica ani, apoka pum bisik arye kubuka, bai tam bilirye, weik kanye delilamle touk upmunce, kanye delinamlume.
‘Sikda, pia moubuka asing arye elinamak bukni, deiyok ning, teleb ubuka kum biknamake. Tonda, amul deice arye pia kekenamak bukni, deiyok ara, teleb arye kum kekepnamake. Allah yupu kekebuka kum dobolbanyak bukni, kekeptingopura, sik talima malye tenelamak ap, sik malye winilamice ning ap, batakuka, balye tam kiptingopura, Allah arye sik malye ning kum daneipturye, namin kibuka lyeptue.’ (Yesaya 8:16) Yesaya arye sekamuk. Yesaya arye nyalamok touk, anang ara, ‘Nun song’ tenen, Allah yupu moubuka kum kekenyaka ati, sik kekenyakak, domon yupu deiceuk nyanune. Anang ati lakak ubuka kum nyanune. Ati, Yesaya el sekamuk yupu nyapmasine,” Yesus arye nyabuk.
“Se, anggun Yerusalem mutuku noutam ululum nango, Allah ap, ninye ap neika una ati, ninye lyebuka teleb updeipmanto ning diba tenebuka kel kipmatumtoura, Allah arye akunum lyepsutubuk, anggunda, kel bikmanto kum nang ululume. Anggunce Allah ati, bataklum ati, Allah arye, ‘Anang kel bikicak’ tenen, adeiyok ning akunum dungnupmasila ati, ninye lyena deiyok ning kel kum bikmalume.
Deiyok ara ani. Anang ara, sik talima kat akunum ubuka ati, ‘Ayupu kekebibyak’ tenen, amul kunukdongobuka unyake. ‘Nun dina like’ tenen, asing kulamak atonun unyake. Ara sik asing kum kuptingatoura, asing arye teleb kibuka eiptinge. Sik amul kum kunuktingtoura, amul arye teleb kibuka kekeptinge. Winiptingura, sik kanye talima noutamak tenena ara, teleb kibuka kel biktinge. Winiptinyeura, na tam kipdongobuka, narye sikti, kwetepnirye lyepnamsine. Allah arye nyapdeibukura, Yesaya arye sekuk. (Yesaya 6:9-10)
Aminyan anyaik dana-dana noutamak ubuk bisik, emas bisik noutamak amek balule. Amek kup-kup, dana-dana ara, Kam Una Deiyok Yo tikamuk. Tikamukce, el yo duk moulamle li talak ara, awala-awala nirya duk pia moulule. Keting tamun tonok noutamak ara, yuk-yuk bukni, like 12 kali duk moulule. Kam Una Deiyok Yo, el yo bok ara, atalak kam unamak ninye mutuku-mutuku nirya, sik kwetena ati, pia ayo punduk arye kwetenamle.
ကြော်ငြာတွေ