Matius 12:43 - Eipomek

⁴³ Nyabukopura, ayupu ton nyabuk. “Anggunda, kanye mouplulume. Isa mer nirya ninye talima noutam talyamsilya ani, kutukuka balirye, ‘Dana ak didik septinye do?’ tenen, mek pia kumak balamlya ani, teleb ak kum eiplyopura, ila tamubuka el min arye talyamuknye dam yangalule.

Matius 12:43 ပူးပေါင်းရင်းမြစ်များ

Ayub 1:7

Sik neika akunum biyikura, Allah Yahweh arye isa sik deiyoknye Isa Mutuku Dongonye biti, “Anda, dan mutuku arye tekilyalam do?” nyabuka asibuk. Nyabuka asibukba, Isa Mutuku Dongonye arye Yahweh ati tamubuka nyabuk. “Nara tukwak mutuku im sirya, mutuku sirya banirye, ninye mutuku-mutuku nirya unyak ning ati, dipra banune.”

Ayub 2:2

Sik neika akunum biyikura, Allah Yahweh arye Isa Mutuku Dongonye ati, “Anda, dan mutuku arye tekilyalam do?” nyabuka asibuk. Nyabuka asibukba, Isa Mutuku Dongonye arye, Yahweh ati tamubuka nyabuk. “Nara tukwak mutuku-mutuku nirya banirye, ninye mutuku-mutuku nirya wininyak ning ati, dipra banune,” nyabuk.

Mazmur 63:1

Na ni Allah antibuk, si erekunune. Yuk ning ati, ‘Na ni,’ nyabuka kum talinune. Anda na ni koproba Allah, tonok unilyama ati ara, narye anti pataniliba, lukunyan talak nirya, ‘Yata nyapnunil do?’ tenen, kekebuka ekunune. Winipmanto ara, tin weik mutuku mek kum ululba, ninye arye mek pia patalamle touk, anti pia, ‘Se,’ tenenune. Tonda, miklamle tuku arye, ‘Mok opnutue,’ tenelamle touk, Allah anti narye pia patanmanilba, mikip kum unune. Na kanye talima ap, nong ap nirya arye, anti pataniliba, anti pia tenekunune.

Yesaya 41:18

Na melipsinirye, mutuku deice, keil si lak uk upmalyak babye, amutuku dup arye mek panapdeipnirye mek arenamsine. Mek kutukeipniba mutuku dou tam nirya, mek oplirye banamle. Aning atonun, mutuku dongo tam, mek puak deipniba, mek weika arye welebuka banamle. Tonda, mek kum ati, ninye kum unyak sukum ara, mek deipniba, weik mekwen lakak upnamle. Aning atonun, mok kum celul mutuku, pia sesal lemlya mutuku noutamak ara, narye mek teleb kipdeipnamne. Winipniba sesal lemlya tukwak nirya mek banamle.

Matius 12:44

Winipmanto ara, yanuka dinmaliba, el min arye ulamlye aik noutamak ara, amsuna ap, delin ning nirya ap, teleb wamlirye, ninye ton una kum ati, ‘E, anyaik ara lo tuba upmala ati, asukumuk unamne,’ tenebuka ulule.

Matius 8:29

Sik abitinye nang Yesus dam yarikopura, Yesus ati nyaprik. “Anda, Allah el Mi Koprop ulyame. Anda nun yata wiripnusilama ati, yanmalam do? ‘Allah arye isa nirya obuka sirya daknamne,’ tenebuk talak min kum upmal bukni, ance, ‘Sik opnaman’ tenen, yanmalam do?” nyabuka Yesus ati asipderik.

Rasul 8:13

Tonda, Simon babye, malye ulamuk bukni, amalye ulamuk ning batakuka diba tenebukura, Pilipus arye Simon mek dongobuk. Mek dongobukopura, Simon arye Pilipus balamukak nirya, dobolbalamuk akarye, ‘Se, el yata pil dopnamle do?’ tenen, dipra balamuk. Dipra balamuk akarye, Pilipus arye ninye winipmanto kum pil dolamuk anyak, eibuka deice arye, ‘Se weik mambule,’ tenelamuk akarye lukulalamuk.

1 Peterus 5:8

Ara, yuk yupu ton nyapnusine. Anggunce anggun bidamnye ati, ‘Malye ubibyak’ tenen, kanye moupmunce kalikildanamlulume. Tonda, leibuka unamlulume. Isa Mutuku Dongonye ara, anggun oldan nang atonun usulule. Elda, singa do, bai kam do, atonun, ‘Yata ning obuka diptinye do?’ tenen, kalikinmalirye, obina yana kibuka kalikilsulule.