Matius 12:23 - Eipomek

²³ Winibukopura, awekuka dinmek nang arye, Yesus ati ngalukunmekce ayupu nyabik. “Se, anye bira, Daud yalanye birye deibuknye anya arye, elda Allah arye Ninye Lyenanye, ‘Mesiasnye yanuka unamle’ tenen, wibuka deibukba, akunum yanmasil do, kum do?” nyabik. Nyabik ning ara, ‘Yesus ara, Ninye Lyenanye ulul do, kum do?’ tenena ati nyabik.

Matius 12:23 ပူးပေါင်းရင်းမြစ်များ

Matius 15:22

Amutuku noutamak Kanaan tam ulamuk kil, Israel yala kum kil arye, Yesus dam yayuk. El kilmu talima noutamak ara, isa arye talyamuka ati, utenebuk. ‘Na kilmu talibuk isa ara, Yesus arye dobuka aisa yakuka buru dopkweteptu’ tenen, Yesus ati morolyayuk. Morolyayukce ayupu nyabuk. “Naie, anda nun deiyoknye ulyame. Anda, Daud yalanye birye deipkuknye birye, nati bico tenebuka melipnutume. Na kilmu isa talyamuka deice arye, pia ikin ubukba, kanye imun kanye bolula ati ara, ance na kilmu kweteptume,” nyabuka morobuk.

Matius 21:9

Yesus banmokak menekuka banmek ninye ap, aminyan yanganmek ninye ap, ‘Yesus ara nun weik ninye deiyoknye Raja upnamsile’ tenen, Allah yupu laka nyalamik nang, nabi nang arye minop talak sekamik yupu dobuka, ayupu weik arye nyapra banmek. Nyapra banmek yupu ara ani. ‘Daud el yala nang arye deibiknye bira, el pia telebe. Hosana. ‘El si erebuka gisal dobabe. Allah el mikip ap, el si ap deice arye yanmasilnye bira, Allah weik arye melipliba, telebuk ulule. Elda weik mambule. Allah anda, im deice umince, weik mikip ulyamnye bira, an si weik arye erepmakiyaba ati, hosana nyababe.’ (Mazmur 118:26) Nyabuka Allah ati weik arye si erenmek.

Matius 7:28

Yesus arye ayupu nyanmoka ani, sirya dakukopura, abulupmek nang nirya kekebikce, mambul kanye bobuka, ‘Se’ tenen, ngalukunmek.

Matius 9:27

Akilmu akunum kam bukeibukce, amutuku batakuka, bisik noutam banmoka ani, asing kuamuk nang bitinye, el balye tam tikilyarik. ‘Kwetepsetu’ tenen, weik yupu nyabuka yanuka moroprik. “Anda Daud yalanye birye deipkukba, unmalama anya arye, Ninye Lyena ati, Allah arye wibuka deipkuke. Ati bico tenepsimince, kwetepsutume,” nyabuka moroprik.

Matius 9:33

Anye bira, isa talyamukba, lupnye ulamuk bukni, Yesus arye aisok yakukba, atalak aryuk, anye yupu teleb kibuka nyanmok. Yupu teleb ubuka nyamokba, abulubuka wekuka kekenmek nang arye, se tenen, ngalukunmek. Ngalukunmekce, ayupu nyabik. “Amutuku Israel tam noutamak nirya ara, atouk ning ara kum ubukba, nun min arye pia kum elilamupe,” nyabik.

Yohanes 4:29

“Kume, na kayapu. Na winilamse ning nirya laka nyapmanunye bira, anggun ton dilyalulume. Anye bira, Allah arye, ‘Ninye lyepnamle’ tenen, wibuka dopdeipnamsilanye, el si Kristus nyalamaknye bira, anye akunum yanmasil do? Elda yuknye do?” nyabuk.