Matius 10:21 - Eipomek

²¹ Sik tonok du weit bukni, yukubuka tapu koubikirye, ‘Ninye deiyok nang arye opnamak’ tenen, bobinamake. Atonun ton, sik ni yapu arye, sik mapu kopropa yukubuka, tapu koubikirye, ‘Ninye deiyok nang arye opnamak’ tenen, bobinamake. Aning atonun, sik mapu kopropa nirya arye, sik nin yapu ap, sik ni yapu ap ati, “Sik yupu ara nun kum kekenamap,” nyabuka, yuk nang ati, “Nun ni yapu ap, nun nin yapu ap opdeipsululume,” nyabikcopura, onamake.

Matius 10:21 ပူးပေါင်းရင်းမြစ်များ

2 Samuel 16:11

Nyabukce ayupu tonap dukdongobuka Abisai ap, Abisai el pil melibuka dolamik nang ap ati nyabuk. “Na aryuk deipse mi, Absalom birye, ‘Na ni koprop Raja Daud opnune’ tenen, pataliba pirinilya anya arye, anye bira Semei, Benyamin yalanye birye, ‘Daud optinye’ tenen, weik koprop pataliba, pirinmanil. Bukni, anye biti, dauaplye. ‘Yata ati el malye ulinulul do? Yata deiyok ati, na ni Daud ati supmal do?’ nyana kume. Dayanmalya uka. Na kanye ara, ‘Allah el si Yahweh arye nyapdeibukba wininulule,’ tenepne.

Ayub 19:19

Na kayapu koprop, narye sikti, bico tenelamse nang arye, na ikin weik wamnuk talak arye, deiyok koubuka, wini talak babye, nati ton bico kum tenenikirye, ‘Anye bira nun lik’ tenen, yuk tam kibuka banyake. Sikce natibuk, yanininyake.

Mazmur 50:20

Tonda, anggun du yapu nang koproba ap, anggun weit capu koproba ap ati, pia malye yupu nyabuka, sik deice nyalulume. Ara, anggun babye, anggun ni yapu arye deiamik mapu, anggun yala nang koproba ati, malye yupu nyalulumce, sik nong deice ara, ikin ning delilulume.

Yesaya 19:2

Na Allah arye sik Mesir mutuku nang nirya ati, sik talima noutam pil dopnyeba, sik nirya arye, sik kayapu nang koproba bukni, ‘Likeʼ tenelana ap, olana ap deiyok ning arepnamne. Winipyeba, sik kayapu nanguk, sik kayapu nang ati, olanauk upnamake. Atonun el kwit koproba bukni, otam asiknye birye, el kwit ton tam asiknye biti, ‘Like,’ tenepdakirye olanauk unamake. Atonun ton tam mutuku noutam weik asik unyak nang arye, ton tam weik asik domik mutuku nang ati olbanamake. Tonda atonun, ton tam nang deiyok kibuka talibikce unyak nang arye, otam nang ati, olanamake.

Zakaria 13:3

Atilila yupu uk nyanyak nabi nang ara, narye akunum yaknamne bukni, aminyan talak, sikce tamubuka yakirye, tuba talye tilila yupu deice arye, “Nunda Allah arye nyapdeipmal yupu nyanyabe,” nyabikcopura, sik ap, sik nin yapu ap, sik ni yapu ap arye, ayupu nyanamake. “Anggunda, talye yupu nyanmaluma ati, nunce opnusiabe.” Deiyok ara, sik tilila yupu nyanyak nabi nang ara, talye tilila yupu deice arye, “Nunda, Allah Yahweh arye nyasulul yupu kekebuka, ayupu laka nyana deiyok nang, nabi nang unyabe,” nyabuka, tuba nyanamaka ati, sik nin yapu ap, sik ni yapu ap arye, anang sik mapu koproba unyak bukni, topnong dobuka, atilila nabi nang lukikceba, dipnamake.

Matius 24:10

Anyapmasin ning winipnamle talak ara, diba akunum tenepnik ninye bukni, na yupu ap, na ap ati batakukabikirye, sik yuk diba tenenyak ninye ati, ‘Anang ara, nun like,’ tenepdakirye, sik kayapu nang kopropa bukni, ‘Weik nang arye, aninye ati tapu koubuka opnamak’ tenen, wenen deiyok nang dam yukubuka bobanamake.