Matius 10:10 - Eipomek

¹⁰ Weik baju arye, aning nirya libuka kum bobinamlume. Tonda, ‘Cang baju weik ‘na’ tenen, libuka boban ning ap, sepatu ap, kama ap, kum libuka bobinamlume. Anggunce na pil teleb ubuka pil dopmunye bukni, anggun binuka pil dopnamunye mutuku ninye arye, anggun patapsilye ning ara, arenamsiyake.

Matius 10:10 ပူးပေါင်းရင်းမြစ်များ

Bilangan 18:31

Ura, anyapmasin ning atouk, seper sepuluh ning akunum bokuka arepnumunyopura, ton tuba aupnamle ning nirya ara, anggun dem aryuk, dobuka dinamlume. Ara, dan talak do, dan sukum do nirya, aning yuk-yuk ning nirya ara, anggun kanye aryuk, ‘Aning dobuka dipnuyabe,’ tenepmunyopura, anggun ap, anggun mapu silip ap arye, aning talye parapkabuka, dinauk unamlume. Deiyok ara, anggunce na si erena ati, tenda bol arye doltakan aik kintinibuka, deiamikce noutam arye, pil donululuma ati, aning ara, anggun dekna atonun ati, akunum arepsine. Aning ara, anggun ninguk unamle.

Matius 10:11

Weik asik dobuka ninye weike ulamakak babye, mitik asik babye bimunyeba, ‘Ninye tonoknye birye, yuk nang melilamlirye, diksukum ulamlenye, amutuku aulul do?’ tenen, anggunce dipdebuka enamlulume. Telebnye eipmunyopura, anye el asikuk wekuka daulamunya ani, amutuku unlamunye talak akunum uplyopura, yuk mutuku banamlume. ‘Pia teleb asik dan do?’ tenen, anyasik-anyasik sakaldana kume.

Markus 6:8

Tonda winipnamika ati, laka nyabuk yupu, ani. “Amutuku-amutuku nirya banamunye talak, kama kopropuk bobenamlume. Anggun kwaning ap, aling ap, yo bok ap, libuka, kum bobanamlulume. ‘Aning-aning nirya, yata wiribuka doproptibye do?’ tenena deice arye, Allah yupu pil batakmunyak ati, aning tenena meme.

Lukas 3:11

Asipdeyikura, Yohanes arye tamubuka ayupu nyabuk. “Ongon baju bitinye uplinye bira, ongon baju pia kum uplinye biti, arepnamlule. Din ning uplinye bira, din ning pia kum uplinye biti, arepnamlule,” nyabuk.

Lukas 9:3

Tonda wininamika ati, laka nyabuk yupu ara ani. “Amutuku-amutuku nirya banamunye talak ara, aning-aning nirya kum libuka banamlulume. Ara, anggunce, ‘Se aning-aning nirya ara, yata wiribuka arye doproptibye do?’ tenen, weik arye tenena meme. Allah arye anggun patapsilye ning ara arenamsile. Kama sirika ap, aling ap, anggun kwaning ap, yo bok ap, baju bitinye ap, libuka kum bopnamlulume,” Yesus arye el mapu 12 nang ati nyabuk.

2 Timotius 4:13

Ura, Teroas mutuku noutam na ka Karpus ap, neika ulamnumu talak ara, na deice ongon cang bupu baju, el si jaket luba kipsirye, batakse. Timotius ance na dam yanamlam talak ara, aongon cang baju ap, na buku ap, surat ap, libuka boyanamnilyame. Na batakse buku-buku nirya boyanamnilam bukni, ‘Weik mambul,’ tenenye ning ara, kam uning obukabikce, bola koplobuka ketingak mikikbuk, sisal lebukura, abola deice Allah yupu sekik ning ara, luba kina kume. Aning babye, boyanamnilyame.

1 Samuel 17:40

Aikin kat ning ongolamak ning, kwiriplobuk talak ara, adiparyuk el basam weilamukce, bolamuk kama dobuka, bobukopura, mek pum tam keil duk pinilamle ning, pamubarye dobukabukce, el domba basam weilamukce, bolamuk aling pum bisik libuka bobuk. Tonda, akeil deibuka, dopnamuk ning, benemna atonun ning, el si ara umban, el taruk deice bobukopura, Pilistin weiknye, Goliat dam biyuk.

1 Samuel 9:7

Nyabuk buk, Saul birye tamubuka, el melinanye biti, asipdeyuk. “Nun bisikak dina ati lipmanumu din ning nirya ara, akunum nirya dipmaname ati ara, el dam binuka asipdeniminyopura, el dengna ati, yata ning areptinimnye do?” nyabuk.