Lukas 9:29 - Eipomek

²⁹ Sik amutuku dup welebikopura, sik awinilye nang wi ubukura, mapmek. Sik mapmek talak ara, Yesus arye Allah moronmok karen ara, Yesus urasin yuk ubuk. Urasin yuk ubukce, el cang baju, el si juba kurubukce, bebeya lingum alamle touk, dirina weik ubuk.

Lukas 9:29 ပူးပေါင်းရင်းမြစ်များ

Yesaya 33:17

Allah arye nyapdeibukba nabi Yesaya birye nyabuk. Yuk dotalak yanamlanye bira, elce ninye deiyoknye ululba, el weik dirina ap, urasin pia teleb unamle ning ap, laka kipdeipsilyopura, eipnamlume. Tonda amutuku nirya teleb kipdeipliba, pia pera mutuku dana-dana nirya elinamlume.

Yesaya 53:2

Allah el si Yahweh arye tenelamuk touk, el pil dolamuknye bira, miklamle tukwak arye duk teleb ning betekuka palamle atonun ulamuk. Anye bira, urasin telebnye kum ulamuka anya arye, elilamuburye, elti, ‘Anye bira urasin telebnye,’ kum tenelamupu. Anye el nong urasin ara, liknye ulamuka ati, nunce elti, kum dildelamuburye, ‘Se, anye bira, nun kanye deibabe,’ kum tenelamupu.

Matius 17:2

Sik amutuku dup welebikopura, el mapu arye adinmek bukni, Yesus ara el urasin yuk ubuk. Yesus el urasin yuk dayukce, keting deiplirye, til pia daklamle touk dirina weik ubuk. El urasin dirina weik ubuka atonun, el baju kurubukce, dirina weik ubuk.

Markus 16:12

Yuk talak Yesus el urasin ara, mitik yuk kibukabukce, el wipdeiamuk nang, bitinye nang bisik banmarika noutamak, Yesus talye karin arye panabuka tikilyayuk.

Lukas 3:21

Amutuku ninye weik arye, ‘Yohanes mek dongopnamsil’ tenen, el dam yangalamik talak ara, Yesus ton yayukura, Yohanes arye mek dongobuk.

Lukas 5:16

Ninye weik yangalamik bukni, ‘Ninye weik bulubicak’ tenen, Allah morona ati, ninye una kum mutuku ak, Yesus el yuk Allah morolbalamuk.

Lukas 6:12

Yuk talak ara, Yesus arye, ‘Allah moropnun’ tenen, tonok mutuku dup welebukce, atonok lukunyan nirya Allah ati moronmok.

Lukas 9:18

Tonok sum ara, Yesus ap, el mapu ap, sik yuk unmekce Allah moronmekopura, Yesus arye el mapu ati asipdeyuk. “Yuk nang arye nati yatanye tenebuka nyaninyak do?” nyabuk.

Lukas 9:30

Winibukura, sik awinilye nang mapmek dam arye, minop ulamik nang ara, Allah el im deice dirina ubuk deice arye, nabi Elia ap, Musa ap, Yesus dam tikilyarik. ‘Tikilyarikura, Allah arye Yesus ati, Winipnamle’ tenen, akunum wipdeiamuknye ati, yupu talipmek. Ara, Yesus ap sik neika tikikce, yupu talipmek.

Yohanes 1:14

Yupu nyalamapnye bira, ninye nong atonun dayukce, tukwak mutuku yayukura, nun kan-kan noutamak neika ulamubu. El pia teleb ubuka ulamukba, elilamubu. El pia teleb ulula ara, talye ati kume. Ara Allah el Mi Koprop tonok ululnye bira, el uka. Allah el Mi Koprop ulamukce, el dipkoprop una ap, el dipkoprop yupu nyana ap, el kanye aryuk tukwak ninye ati bico tenebuka, pia melina deiyok ning ap, anye deice weik arye uamuk. Nun ni koprop Allah arye anye bira dopdeipsukba, pia telebuk ulamukak, elilamubu.

Rasul 6:15

Nyabuka ayupu nyanmek talak ara, Sandeheren nang, sik yupu bokolin aik bukmek nang nirya arye, Stefanus pia dipngirik lobikura, Stefanus el urasin ara, Allah el im deice melinanye, malaikat urasin atonun ubukak, eibik.

Wahyu 20:11

Aning nirya eipsopura, aning ton eipse. Ara, weik ninye deiyoknye kurun ning deice bunlulak eipse. Ara, pia weik kurun bun ning ap, aning deice bukmoknye ap eipse. Anye laka ubukba, im ap, im noutamak ulul ning nirya ap, tukwak ap, tukwak mutuku noutamak ulul ning nirya ap, aweik deiyoknye dam kum yanmanto ati ara, aning nirya kum dayukba eipse.