Lukas 8:52 - Eipomek

⁵² Yarius el aik akunum wekik talak ara, anyaik dam unmek nang, sik weik arye engena ap, weik arye ngalukuka malye nyana ap, wininmekbuk, Yesus arye eibuk. Eibukce, anyaik malye nyanmekce, kweldanmek nang ati nyabuk. “Anggun weik arye malye, nyabuka, ngalukuka kweldanmaluma ara, bataklulume. Anggun tunimaplulume. Akilmu ara kum dipmale. Urdem mapmale,” nyabuk.

Lukas 8:52 ပူးပေါင်းရင်းမြစ်များ

Kejadian 23:2

El dibuk mutuku si ara, Kanaan mutuku noutamak bukni, Kiryat-Arba mutuku, tonda amutuku bukni, si ton Hebron mutuku ton nyalamik. Dibukba, Abraham arye, ‘Se, na kil dipmanile,’ tenebukce, ikin kanye bobuka, engenmokce, malye yupu nyanmok.

2 Samuel 18:33

Etopia mutukunye birye, ayupu nyabukba, Raja Daud aning akunum kekebukopura, pia malye kanye bobukce, anyasik poka bublan alip tam welebukabukce, el alip aik biyukopura, pia weik arye engenmok. Engepnin banmok talak ara, nyanmok. “Se, se, na mi, Absalomo, na mi Absalomo. Se, na mi yata ati do? Teleb ning ara, an dipna kum bukni, na tonok ara, an nong pununa ati, na dipmatinye. Se, na mi Absalom, Absalomo,” nyabuka engenmok.

Keluaran 24:17

Atalak ara, Israel nang arye Sinai mutuku dinmekce, Yahweh el weik dirina ara, amutuku dup deice weik uku buk dilamle atonun unmokba eibik.

Zakaria 12:10

Ura, Daud birye deibukba, deipdanin yanganyak nang nirya ap, Yerusalem mutuku weik asik noutam unyak nang nirya ap ara, narye sikti, kanye talima namin una deiyok ning arepnamne. Ara, aning arepnyeura, sikce, ‘Seʼ tenen, bico tenebuka, talima lamapdongobuka unamake. Tonda, sikda talima erelana kum aryuk, nemalyap aryuk, na Allah ati, moronuk unamake. Winipnamsina deiyok ara ani. Ara, aminyan talak ara, sik tam nang arye, nati lukuka opnamniake. Aminyan talak ara, sikce lukuka opnikirye, anang nirya arye eipnamniake. Tonda, eipnikirye, ‘Se, bicoeʼ tenen, engepnamake. Nati, engenamniaka ara, sik mi tonok deiamikcak, ami diplyeba, ami ati weik arye engelamak touk, unamake. Tonda, sik anang nirya arye, engenamniaka ara, sik min yuma deiamikce mi tonok, diplyopura, atonok mi ati, engelamak touk, na eipnikirye, atonun weik arye engenamake.

Matius 11:17

“Se, ‘Kanye deibuka mot sepnamap’ tenen, bung-bung ana atonun ning nyabibi bukni, anggun lik ati, batakmasulumba, nun ap mot kum sepmabe. Atonun ton, mot weibuka sena ati, ‘Ninye dibikiba, mot nyabuka engelamak touk, engepnamabe’ tenen, mot nyabuka engenmaupuba, anggun lik ati, batakmasulumba, nun ap kum engepmabe. ‘Nunce winipnuyabe,’ tenebibye ning nirya ara, anggun lik ati, batakasululume.” Amapu arye, sik kayapu ati, nyanyake.

Lukas 23:27

Yesus menekuka banmokura, ninye weik ton aminyan banmek kan-kan arye, kilapu ton Yesus ati, bico tenebikce, kanye bobuka se tenebuka engepnin banmek.

Lukas 23:48

Ninye weik bulubuka dinmek talak, Yesus dibukura, wininmok ning nirya eibikce, weik kanye imun ubukura, gisok talibuka weik arye engenmekce, amutuku batakuka yukak biyik.

Lukas 8:51

Nyabukce, sik nirya, ‘Yarius aik binuyap’ tenen, banmeka ani, Yarius aik biyik. Biyikopura, ayangan mek nang nirya, ‘Sik yacak’ tenen, yupu sekdongobukura, sik anyakuk unmekbuk, Yesus ap, Peterus ap, Yakobus ap, el weit Yohanes ap ara, akilmu el li Yarius ap, el lin ap, sik yuk Yarius aik pum biyik. Yuk nang ap, Yarius aik kum wekik.

Lukas 8:53

Nyabukura, aunmek nang arye, akilmu akunum dipmoka ara, akunum bikmeka anya arye, Yesus ati akutunmek.

Yohanes 11:4

Nyabuka nyapdeiprikura, yuk nang arye, Yesus dam binuka laka nyabikura, kekebuk. Yesus arye ayupu kekebukce, nyabuk. “Auk talipmal bukni, Lazarus kum dipnamle. Kume, auk dinmala deiyok ara, ‘Allah el Mi Koprop arye mambul pil doliba, ninye eibikirye, se anye bira weik mambul’ tenen, ‘El si erepnamak’ tenen, auk talilule. Allah el weik mambul ulya ap, weik mambul pil dopnamle ning ap eipnamlume. Tonda, ‘Auk talipmalye talak noutamak arye, Allah el Mi Koprop arye pil dopnamle deice arye, ninye arye Allah el si babye ereipnamak’ tenenauk talipmale,” Yesus arye nyabuk.