Lukas 7:9 - Eipomek

⁹ Ayin deiyoknye birye nyabuk yupu laka nyalyayikopura, Yesus kekebukce, se tenebukce ngalukuk. Ngalukuka, el melibuka yanganmek nang ati ayupu nyabuk. “Na dipkoprop nyapsine, Israel mutuku noutam balamse talak nirya ara, anye bira Yahudi yalanye kum bukni, weik arye diba tenepmanil atonun, yuk nang ton kum eipse,” Yesus arye nyabuk.

Lukas 7:9 ပူးပေါင်းရင်းမြစ်များ

Matius 15:28

Akil arye nyabukopura, Yesus arye tamubuka nyabuk. “Ance nati weik arye dib tenepmanilama ati, an moropmanila atonun, an kilmu talibuk isa ara akunum yakwetepmanaba bindople. Ati, wini talak an kilmu telebuk unmale,” Yesus arye nyabuk. Yesus ayupu nyabuk touk, anyabuk talak aryuk, akil el kilmu talyamuk isa bindobukba, telebuk ubuk.

Matius 8:10

Ayin deiyoknye birye, ayupu nyabukopura, Yesus kekebukce, ‘Seʼ tenebuka ngalukuk. Ngalukukce, el melibuka yanganmek nang ati, ayupu nyabuk. “Na dipkoprop nyapsine. Israel mutuku noutamak balamse talak nirya ara, anye bira Yahudi yala kumnye bukni, elda weik arye, diba tenepmanil touk nang ton kum eililamse.

Matius 9:33

Anye bira, isa talyamukba, lupnye ulamuk bukni, Yesus arye aisok yakukba, atalak aryuk, anye yupu teleb kibuka nyanmok. Yupu teleb ubuka nyamokba, abulubuka wekuka kekenmek nang arye, se tenen, ngalukunmek. Ngalukunmekce, ayupu nyabik. “Amutuku Israel tam noutamak nirya ara, atouk ning ara kum ubukba, nun min arye pia kum elilamupe,” nyabik.

Lukas 7:10

Nyabukopura, ayin deiyoknye birye dopkwetebuk nang tamubuka, el aik biyikopura, el pil melinanye akunum teleb upmokak, eibik.

Lukas 7:50

Sikce Yesus ati derebik bukni, Yesus arye akil ati nyabuk, “Ance nati diba tenepmanilama deice arye, akunum lyepmakina ati, kanye deibuka dabilyame” nyabuk.

Lukas 7:8

Na deiyok nang arye nyapniceura, sik nyapnice touk pil donune. Tonda, na babye, na amu tam yin talin nang ati, yupu nyapnyeura, apiluk donyake. Tonda na amu tam yin talin nang ati, yupu nyapnyeura, apil donyake. Tonoknye biti, ‘Bilyame,’ nyapnyeura, balule, tonoknye biti, ‘Yalyame,’ nyapnyeura, yangalule. Aning atonun, na pil donanye ati, ‘Apil dopnilyame,’ nyapnyeura, apiluk donulule. Aning ati ara, ‘Ance yupu nyaptumura, na pil donanye teleb uptue,’ nyabuk,” el kayapu nang arye, Yesus ati nyalyayik.