Lukas 7:46 - Eipomek

⁴⁶ Tonda, na kina ati, nintong teleb minyak, na gisok deice kum dikmanumubuk, akil aryuk na yan deice nintong teleb mek dekna weik ning, weika arye dikdeipmanile.

Lukas 7:46 ပူးပေါင်းရင်းမြစ်များ

2 Samuel 12:20

Nyabikura, Daud tuku deice mapmoka bukukce, mek kekukopura, nintong teleb mek likdayukce, potong kobuka, cang baju yuk ning, punubuka ongobukura, Allah el si Yahweh, el si eren aik biyukce, Allah si erebuk. Akunum winibukopura, tamubuka el aik yayukce, “Na din ning boyalulume,” nyabuka moropbukba, el melin nang arye, din ning boyanuka, arebikura, din dibuk.

2 Samuel 14:2

Ati ara, Yoab birye, ninye dopdeibukba, kel weik kil tonok, Tekoa mutuku ulamukak biyikce, binuka bobuka, Yoab dam tamubuka yayik. Akil bobuka yayikba, Yoab birye, akil ati nyabuk. “Akilo anda, ninye dipmalinye biti, tenenmakirye, winilamak touk, winipnamlyame. Tonda, dipmalinye biti, bico tenebikirye, ongolilamak baju uk, ongopnamalyame. Tonda, kil tonok, el pia kanye deiamlinye, diamlya ati engelamlirye, ulamle urasin atonun, an babye bopnamlyame.

Mazmur 104:15

Tonda, anggur yo dokamica ani, ninye arye dakuka dibikcopura, kanye deibuka teleb unyake. ‘Zaitun yo duk telel doprobikirye, sik asok deice likikiba, urasin teleb unamle’ tenen, zaitun yo duk moulamle yo ton, arepsulume. Tonda, ‘Ninye tukwak ninye nirya din ning dibiceura, sik nong mikip upnin banamle,’ tenen, roti din ning babye, yuk din ning aning-aning nirya babye, arisilyame.

Mazmur 23:5

Tonda, na mal olan nang wekuka dinmacak arye, Allah ance na patan ning nirya, weika arye arenilyame. Winipmanto ara, weik kwalya kwalipmince, nati arenilyame. Ara, weik mambul nang yukubikceba, din ning weika arye dilyangalamk touk, wininiminyeba, na mal olan nang eibikirye, ‘Se’ tenen, unamake. Tonda, ninye arye, ‘Anye nun ninye deiyok kibuka unamsil’ tenen, pia teleb minyak mek, anye el kisok deice likeibiceba, anye ninye deiyoknye Raja ulamle touk, ance pia teleb kibuka kipdeipniminba, pia telebuk unune. Ati ara, yata ning do nirya, na patanilye touk, weika arye tabakuka areniminyeba, na dam yanganiliba, kanye deibuka telebuk unune.

Penghotbah 9:8

Tonda na kanye ara, anggun nirya arye, kanye deiplumce, anggun urasin deice ara, pia urasin pia teleb ning kipdamunce bol teleb baju ongonamlume.

Daniel 10:3

Awinilye minggu noutam nirya ara, teleb din ning ap, tup ning ap, ton kum dilamsirye, si tebuka, din bulung ulamse. Tonda, anggur mek ton kum dilamse. Tonda, atalak ara, na kisok potong deice, ‘Nintong teleb upnamleʼ tenen, nintong teleb mek ton, na kisok deice kum likilamsirye, na potong kum leleklamse. Talye urdemuk ulamse.

Amos 6:6

Tonda aning atonun, anggun mek dina ati, anggur mek ara, mek makau arye kwepmunyeba, langdiplyopura, weik arye dilulume. Tonda, anggun nong bol deice, pia teleb una ati, nintong teleb mek likilalulume. Talye kanye bobuka, aning nirya winilulum bukni, Israel ninye nirya malye wininyak ning ati, mambul kanye bobuka ulamtum bukni, aning ara, pia kum tenelulume. Anggunce, ‘Se, nun apu koproba, Yusup birye deiamukba, dadeipdanin yangalamikce, nun dam unyak Israel ninye ara, yata ning deiyok ati, malye ulilanyak do?’ pia kum tenelulume.

Mika 6:15

Tonda, anggunce gandum duk ap, yuk yala ning nirya ap, dobuka dokamlum bukni, duk teleb ning ton moupliba, pia kum dakanamlume. Anggun kounamlum ning yala nirya ara, teleb ubuka nong upliba, kum linamlume. Urtalya ati, kounamlume. Tonda, anggun Zaitun yo duk dakuka, anggun nong likna ati, mek purupmunce, minyak mek dobuka, dokola delinamlum bukni, anggunce aminyak mek dobuka, anggun nong deice, kum likinamlume. Yuk nang arye, aminyak mek ara, alapdopnamsiyake. Aning atonun, anggur tapu duk dakukapmunce, mek purunamlum bukni, anggur mek kintinibuka deipnamlum ning ara, anggun ton dobuka, kum dinamlume. Yuk nang arye, anggur mek babye, ubula alapdopnamsiyake.

Matius 6:17

Anang ara wininyak bukni, na mapu anggunda, aning atonun kum wininamlulume. Allah si erena ati, din dina kum, si tebuka unamlum talak nirya ara, anggun nonge ap, asok ap, mek kekukapmunce, potong wibuka talya kanye bobuka, nonge nirya diklya asa unamlulume.

Lukas 7:47

Aning ati ara, na nyapnukine. Akil arye nati weika arye bico tenebuka, kanye talima arepmanila anya arye, el malye winin ning pia weika arye winilul bukni, narye akil malye winilul ning nirya ara, narye akunum namin kibuka, lyepnarye kum daneipne. Bukni, malye winin ning mitik winilamice nang ara, sik malye winin ning namin kibuka kum kipdeipnyopura, bico tenebuka kanye delina ara mitik tonunuk kanye delinyake.” Yesus arye Simon ati nyabuk.

Rut 3:3

Ati, mek kekminyopura, nintong teleb mek an nong deice likmince, baju teleb ning ongopnulyame. Winipminyopura, Boas pil donamlak binulyame. Binulam bukni, ‘Na yanmane,’ kum nyapnulyame. Bukni, gandum kala pil akunum sirya dakminyopura, lak nyana telebe. Din ap, mek ap, akunum diplyopura, ‘Na yanmane,’ nyapnulyame.