Lukas 6:49 - Eipomek

⁴⁹ Bukni, dan nang do nirya, nyasinye yupu kekebuka batakikcopura, aik dona walwal nang atonun wininyake. Aik dona walwalnye bira, ayukumna yo mek wenenga deicauk ikuka el aik dobuk. Dobuk talak ara, mokcebuka, kumanya dobukce, weik mek deibuka obukce, anyaik dibuk talak ara lokuk. Anyaik lokukura, lelim weik nyabuke. Yesus arye nyabuk.

Lukas 6:49 ပူးပေါင်းရင်းမြစ်များ

Amsal 28:18

Diksukumuk ulirye, tilila yupu pia kum nyalulnye bira, Allah arye anye biti lyeplirye, teleb kipdeipnamle. Bukni, yata ninye do nirya, sik kam unyak talak noutamak arye kwalin bisikuk banyak ninye ara, aminyan talak Allah arye aninye ati, wenebuka oploplirye, sirya daknamle.

Yehezkiel 33:31

Dan mutuku do nirya winilamak touk, amutuku unyak nang babye, ‘Mambul weik yupu kekepnuyapʼ tenen, ninye weik tonun bikbik abuka bulubikirye, anang arye, an dam yanuka bunyake. Wininyaka ara, na Allah, na mapu koproba atonun winibikirye, weik tonun an dam yakirye, an yupu nyanamlam ning ara, pia moubuka kekenamake. Amol deice arye kekenyak bukni, ance, “Aning ara, winipnamlume. Aning ara, kum winipnamlume,’ nyabuka, nyapminye ning ara, sikce moubuka talibikirye, kum dobolbanamake. Deiyok ara, sik anang ara, sik si bam bol deice arye, ‘El kanye deipnamsilʼ tenen, kekena teleb yupu nyapnamak bukni, sik talima noutam arye teninamak ning ara, pia yuke. Ara, sikce, ‘Nun tenina deice arye, tilila yupu nyabibiba, yuk nang arye arepsikiba, nun diamuk teleb kipdeipdatibye. Nun dem aryuk, teleb ning dopropnamabe,’ tenenyake.

Hosea 4:14

Sik yamal kilapu talye yolamak nang ap, sik kilmapu talye yolamak nang nirya ati, na Allah arye, anggun nirya ati, wini talak aryuk kum wenebuka opnamsin bukni, aminyan talak ara dipkoprob wenepnamsine. Tonda, sik yamal kilapu babye, sik min arye domice nang, sik akanye yapu nirya batakuka, talye yuk nang ap yolanyake. Winibuka malye ubicopura, na Allah arye anggun nirya ati, kum wenepnamsin. Sik malye winin ning ati, weik arye wenepsitinye bukni, akilapu nirya, sik akanye yapu babye, amalye winin ning atonun wininyake. Ara, sik babye yuk mutuku ara, talye yolamak kilapu ap elanyake. Sik akanye yapu babye, isa si erenyak aik dam unyakce, yolalamak kilapu ap, neika manyake. Narye anggunti, wini talak aryuk kum wenebuka opnamsin bukni, anggun nirya ara, moubuka teninamlulume. Se, anggun Israel ninye nirya ara, ‘Anggunce nun like, Allah arye winilul ning ap, el ap el yupu ap ara, moubuka kum biknamabe’ tenen, nati batakanululumce, pia walwal ninye dem ululume. Winiluluma ati ara, anggun bidamnye arye, anggun bidamang ati, malye kililalulume. Aminyan talak ara, narye anggun wenebuka opnamsine. Ati anggunda bicoe nyapsine. Allah arye, Israel ninye ati nyabuk.

Matius 23:3

Apil talibuka unyaka ati, Allah yupu deice peteresinyak yupu ara, moubuka kekepmunce, aning talibuka unamlulume. Bukni, sik Farisi nang ap, Musa sekamuk yupu peteren nang ap arye, Allah yupu peterelamak touk, sik babye moubuka talibikirye dipkoprop kum unyake. Ati, na mapu anggunda, anang sik wininyak ning eipmunce, sik malye wininyak atonun kum wininamlulume.

Matius 24:10

Anyapmasin ning winipnamle talak ara, diba akunum tenepnik ninye bukni, na yupu ap, na ap ati batakukabikirye, sik yuk diba tenenyak ninye ati, ‘Anang ara, nun like,’ tenepdakirye, sik kayapu nang kopropa bukni, ‘Weik nang arye, aninye ati tapu koubuka opnamak’ tenen, wenen deiyok nang dam yukubuka bobanamake.

Markus 4:17

Dolonyak bukni, yala ning yating tukwak teleb ubuka kum banmokbuk, koulubuka atonun, anang ara, Allah yupu moubuka kekena kumce, kum dolonyakce, minopce batakalongonyake. Diba tenebikca ati, yuk nang arye yu uplibuk, ikin ning sik nong deice deibicopura, anang arye minopce batakalongonyake.

Lukas 12:47

Nyabukce ayupu tonap nyabuk. Yata pil don nang do nirya, sik deiyoknye birye pil diamlye ning akunum kekebikirye, bita kekamikiryuk bukni, el nyalamle touk kum winilamiceopura, sik deiyoknye yalyopura, pia weika arye weneplirye, nong bol deice dem opnamle.

Lukas 19:14

Bisik banmok talak ara, el amu tam ulamik nang, yuk talya nang arye, ninye wibuka deibikura, aRaja unamuknye biti laka nyalbiyik. “An Raja una ati, erepdeipnukiyak bukni, ‘Anda nun weik ninye deiyoknye Raja unamsilama ara, nun like,’ nyalyanmakiyabe,” nyabik.

Lukas 19:27

Bukni, ‘Anye bira, nun weik ninye deiyoknye Raja kum unamsile,’ tenepnikce, ‘Anye bira, nun like,’ tenelamnik nang ara, na dam boyanumunce, oplopmunyopura eipnune. Aninye deiyoknye birye el pil don nang ati nyabuk.” Yesus arye nyabuk. Yesus arye awinipmanto yupu nyabukura, el ap unmek nang arye kekebik.

Lukas 6:46

Yesus arye nyabuk. Anggunce nati, ‘Na ni, na ni,’ talye nyanululum bukni, na yupu moubuka kekepmunce, diksukumuk kum winiluluma ara, yata ati do?

Lukas 6:48

Yata nang do nirya, na nyasinye yupu kekebikirye, aninguk wininyak nang ara, aik dona pia weik kelnye atonun unyake. Anyaik dona kelnye bira, ‘Aik dopnun’ tenen, tuku palibuka mutuku yangan keil deice ayukumna yo ikuka aik dobuke. Aik akunum dobukopura, akaren ara weik mok cebuka, kumanya dobukce, mek obukopura, anyaik dam yanuka obuka langdibuk bukni, aik ara kum lokuk. Ara mutuku yangan keil deice arye, ayukumna yo ikuka, pia teleb ubuka domuk arye, anyaik ara, kum lokuk.

Lukas 7:1

Yesus arye ninye weik kekenmekak, ayupu nirya akunum nyabukopura, anyasik arye banmoka ani, Kapernaum mutuku biyuk.

Yohanes 15:2

Nati, diba tenebuka, na ap talima dukdongobuka unyak ninye ara, anggur tapu taruk atonun unyake. Na ni koprop arye, anggur tapu taruk duk kum moulamle ning ara, sekuka batakalule. Bukni, atapu taruk arye duk teleb ubuka moulamle ning ara, ‘Tapu duk pia teleb ubuka, weik arye moupnamle’ tenen, yuk malye tapu koupdongobuk ning ap, talye taruk ap, sekloplirye, moulilule.

Rasul 20:29

Yu weik bai kam yalyopura, ninye arye ayam weilamice ak wekuka, obukablirye, diplyopura, sekuka mitik anun batakalul atonun, na bindopnyopura, tilila yupu peteren nang, anggun noutamak yakcopura, anggun melibuka weilulum ninye ati, sikce kanye lamapdongobuka yanuka kum unamake. Sikti lila nang arye telila yupu peterenamsiake.

Rasul 26:11

Ton, atalak-atalak nirya, tonda amutuku-amutuku weiktonun, Yahudi yala nang Allah si erelamik aik balamsirye, na yupu nyamsa deice arye, sikce Allah el mapu ati wenelamikce, ikin ning weik sik nong deice delilamik. Tonda, sik tenelamik nang ati, “Ara talye,” nyalamsirye, ‘Sik diba tenelamik ning bataknamak’ tenen, pia mikip arye pirilelamse. Aninguk kume. Tonda, Yesus diba tenyamik nang ati, pia yu weik upnuk ati, ‘Anang deice pia weik kanye talima imun ning deipnamne,’ tenelamsirye, yuk-yuk mutuku ton anyasik-anyasik nirya balamse. Paulus arye nyabuk.

1 Tesalonika 3:5

Aning ati ara, anggunti tuba tenelamsisirye, adiparyuk kum winipmanto upnukura, Timotius anggun dam dopdeipsise. Ara, dilbilirye, aminyan talak ‘Sik Tesalonika ninye arye, Allah ati diba tenenyaka ara, tuba teleb unyak do, kum do?’ tenen, dopdeipse. Ara, ‘Isa Mutuku Dongonye arye pirilena ning winiplibuk, malye winibicak do?’ tenen, tuba moubuka dilamnuke. Deiyok ara, ‘Isa Mutuku Dongonye arye akunum piripdesukba, malye akunum winibdeibsuk ak, nun pil dolamubu ning ara, nong kum upsuk do?’ tenen, Timotius anggun dam dopdeipsise.

2 Peterus 2:20

Sikti lila yupu nyan nang ara, nun Deiyoknye Yesus Kristus, nun Lyenanye kel bikika deice arye, diba tenena kum ninye malye wininyak ning bataklamik bukni, ila tamubuka tonap aninguk talibuka, wininmacebuk, aning arye sik talima koupdongoplirye, bisibuka pia malye-malye wininyake. Ara, diba min kum teneabik talak ara, mitik malye winilamik bukni, wini talak ara pia weik malye-malye wininyake.

1 Yohanes 2:19

Anang ara, nun batakuka nun kan-kan arye yukak bindobik bukni, nun kanye ap, sik kanye ap neiktoto kume. Nun diba tenebuka, nun kanye tenenyap atouk nang ulamtingtoura, nun batakna kumce, nun ap neika ulamtibye. Bukni, sikce nun batakuka bindobikce, yuk tam kipdobikbuk, eibupurye, sik ulamik ning kel kibupe. Ara, ‘Aning sik kan-kan danerye, tonoknye babye ton, nun diba tenebuka kanye tenenyap touk, sik babye, diba kum tenenyaka’ tenen, kel bikamubu.