Lukas 6:42 - Eipomek

⁴² Yata wiribuka arye anggun asing noutam weik yo gu aupmasilyebuk, anggun kayapu ati, “An asing noutamak yo kita sung-sunga atonun ning dopropnamkine,” nyaptum do? Anggun talima noutamak pia malye ning tuba upmasilyebuk, ‘Teleb ning winibibye ati, yuk nang eipsikirye, sikda teleb nang tenepnamsiyak,’ tenelulum nang atia. Minopce ara, weik yo gu, anggun asing noutam upmasilya doproptumopura, anggun kayapu asing ak tulukmatu ning, teleb arye eibuka doproptume. Anggun asing noutam weik ning kum doplopmunyopura, yata wiribuka eiptumce, anggun kayapu ning doproptum do? Yesus arye el yupu kekenmek nang ati nyabuk.

Lukas 6:42 ပူးပေါင်းရင်းမြစ်များ

Amsal 18:17

Ninye yupu bokolin talak ara, tonoknye birye minopce laka nyanmaliba, sik kekenmace ninye arye, ‘E, anye bira, dib nyapmasile,’ tenelamak bukni, sik nyaldanmarice nang, tonoknye birye, nyaplye yupu kekebikceura, ‘E, anye bira, nyaple yupu ara, nong dipkoprob ning ara anyaple,’ tenebikca deice arye, yupu bokolina deiyok nang arye, dipkoprob teleb kibuka yupu bokolinyake. Tonoknye birye, nyaplye yupu ara, ‘Akunuma,’ nyabuka, ‘Dib,’ tenena pia meme.

Matius 26:75

Yim ayam arye ngalukukopura, adiparyuk, Yesus arye Peterus ati min talak nyapmok yupu ara, Peterus ila tonap tenebuk. Tenebukce, “Se, Yesus arye, ‘Yim ayam like bitinye kum kamupmalye talak, anye bira na walwale,’ nyabuka, like winilye deice arye pilipnamanilame,” nyapmanu touk, ‘Na akunum winipne,’ tenebuk. Utenebukce, el kanye talima pia ikin ubukba, anang asukumuk batakuka, bai tam biyukce, weik arye engenmok.

Matius 7:3

Yesus arye ayupu nyabukopura, adomon yupu ton nyabuk. Anggun asing noutamak weik yo touku aupmasilibuk, aning tenena kum diparyuk, anggun kayapu nang, dib tenen nang ati, “Anggun asing noutamak, yo kita singsinga atonun ning aupmasile,” nyamunye ning ara, yata ati do?

Matius 7:4

Yata wiribuka arye, an asing noutam weik yo touku aupmasilibuk, anggun kayapu nang ati, “An asing noutamak yo kita singsinga atonun ning dopropnukine,” nyaptum do?

Lukas 13:15

Nyabukura, Yesus arye anyaik deiyoknye biti tamubuka nyabuk. “Anggun Farisi nang ara, anggun kanye talima noutamak pia malye ning aupmasilibuk, ‘Yuk nang arye nunti, teleb nang unyake, tenepnamsiyak’ tenen, nong bol deiceuk teleb winilalum nang atia. Anggun nirya ara, Sabat sum deice babye, anggun sapi basam ap, anggun keledai basam ap, aik dongopmamunya ani, ‘Mek dipnul’ tenen, aik buplan kukuka mek kin kum kirikilbalulum do? Diba anggun weilulum kam un ning nirya ara, sabat sum aupmalye babye, melibuka teleb kibuka melilulume.

Lukas 22:32

Winipnamkil bukni, ‘Diba tenebuk ning kum bataknamle’ tenen, Allah moropkise. Amenyan ara, na batak maniminya ani, tuba tamubuka na tam yana kipminyopura, an kayapu, aunmak nang nirya ati, kanye lamabuka yupu nyanamlyame.”

Lukas 6:41

Anggun asing noutamak weik yo gu aupmasutubuk, aning tenena kumce ara, anggun kayapu nang ati, “Anggun asing noutamak yo kita sung-sunga atonun ning aupmakile,” nyalalum ning ara, yata ati do?

Lukas 6:43

Ayupu nyabukce, ayupu ton nyabuk. Ninye dina ati, teleb yo duk moulamle yo ara, malye yo duk kum mouptue. Malye yo duk moulamle yo ara, teleb yo duk kum mouptue.

Rasul 13:10

“Anda Isa Mutuku Dongonye kouku kolokonanye mi ulyamce, aning-aning nirya teleb diksukum un ning nirya batakloplumnye ulyame. Tilila yupu nyabuka duknubuka batakna ap, malye un ning ap, an talima noutamak tenena weik ulyame. Allah el diksukumuk nyalye yupu dobuka, ance kwalipsingnibuka nyaminye yupu ara, pia kum bataknalam do?

Rasul 2:38

Nyabikura, Peterus arye tamubuka nyabuk. “Anggun nirya ara, anggun malye winilulum ning ap, kanye malye tenelulum ning ap, ‘Allah arye namin kipsilirye, kum daneipnamsil’ tenen, anggun malye ning nirya batakmunyak arye, donga tamubuka, Allah el tam kipropmunyeura, nunda Yesus el si deice aryuk mek dongopnamsiape. Winibibyeura, Allah arye nun bico ati, talye arisulul Dib Kanye ara, arepsilyeura, dopropnalume.

Rasul 8:21

Allah dinmakilak, winipmalama arye, an kanye malye kipmakil ati ara, nun adonmap pil ara, bokuka arepkenemeba, an ton kum pil doptume.

Roma 2:1

Ura yata nang do nirya, sikce yuk nang ati, “Anggun malye winilulum ning ara, ani-ani,” nyabuka, lyep-lyep abuka wenelulum ninye nirya ara, Allah arye anggun babye teleb ninye anya arye, ‘Dawaplye’ tenen, kum namin kipnamsile. Sikce yuk nang ati, “Anggunda malye ululum ninye,” nyabuka yupu bongoliluluma deice arye, anggun bidamang arye anggun bidamang ati, yupu lepsisikuka bokeipdanmalume. Deiyok ara, anggunce yuk nang ati, “Malye winipmalum ning ara atia,” nyamunye bukni, amalye winin ning ara, anggun babye atonun kibuka winiluluma anya arye, anggun bidamang ati wenebuka yupu lepsisikuka bongolilalulume.

2 Korintus 5:18

Aning nirya ara, Allah elcuk pil dosilirye, aresulule. Minop arye Allah yuk, nun ninye nirya yuk-yuk ulamuburye, el ap neika kum upmanto ulamubu bukni, Allah arye nun lyena ati, Kristus dopdeipsukba, el pil dopsuka deice arye, el ap ansinibdeipsukce, teleb kipdeipsuke. Ati wini talak ara, el ap neika uptibye. Allah arye wipdeipsukce, ‘Aninye nirya arye, na Allah ap, ninye ap ansinibuka neika teleb una ati, na laka teleb yupu nirya laka nyabuka peterepra banamake,’ tenepsukce, wibuka deipsukce, apil arepsuke.

2 Timotius 2:21

Aning mitik tonun, yatanye do nirya, mambul un ning, malye ning yala-yala nirya ati, bataktopura, teleb pil donanye unamle. Winipmanto ara, elda weik aik pum dekna weik ning ulye touk, weik mambul pil talibuka dopmantonye unamle. Atonye, el deiyoknye Allah arye anye biti, el malye winin ning kum kipdeiplyopura, anye biti teleb kipdeipnamle. Teleb akunum winibdeiplyopura, weik mambul pil aning-aning nirya talibuka, el li koprop ati, teleb pil melibuka dopmantonye unamle.

2 Peterus 1:9

Bukni, anyapmasin ning nirya, kum ulul ninye ara, sikda asing kuna dakliba kuplyeba, yukak upmalye ning kum eipmanto ninye atonun, tonda asing kum pun ninye atonun unyake. Atonye bira, ‘Allah arye na malye winilamse ning kum kipdeipnukce, namin kipnuke’ tenen, aning akunum lubakibuk ati, anyapmasin ning ara, ‘Mambule’ tenebuka kum ulule.