Amutuku noutamak Kanaan tam ulamuk kil, Israel yala kum kil arye, Yesus dam yayuk. El kilmu talima noutamak ara, isa arye talyamuka ati, utenebuk. ‘Na kilmu talibuk isa ara, Yesus arye dobuka aisa yakuka buru dopkweteptu’ tenen, Yesus ati morolyayuk. Morolyayukce ayupu nyabuk. “Naie, anda nun deiyoknye ulyame. Anda, Daud yalanye birye deipkuknye birye, nati bico tenebuka melipnutume. Na kilmu isa talyamuka deice arye, pia ikin ubukba, kanye imun kanye bolula ati ara, ance na kilmu kweteptume,” nyabuka morobuk.
Lukas 6:18 - Eipomek18-19 Sikda, Yesus el pil dolamuk ning kekenmek ati, ‘El nyalye yupu kekena ap, uk dilamsilye ning kwetena ap, isa talyamlye ninye, isa yakalkwetena ap, winipnamsil’ tenen, yayik. Yesus arye ninye talyamuk isa yakalkwetena ap, uk dilamuk ninye kwetena ap, unmokura, yuk ninye nirya arye, ‘Yesus el nong ton taliptibye’ tenen, kouldanmekce, talilbisinmek. Wininmeka ara, Allah el mikip weike aribukura, Yesus amikip deice arye ninye kwetenmoka ati, wininmek. အခန်းကိုကြည့်ပါ။ |
Lukas 6:18
5 ပူးပေါင်းရင်းမြစ်များ
Atikmek nang kan-kan tonoknye Yesus dam yayukce elti, ‘Si erebuka kipnun’ tenen, gutam tuku dipdongobukce, ayupu nyabuk. “Naie, na mi ara isa talyamuka deice arye, pia kanye imun upmalce, donmale. Isa talilye talak nirya ara, isa mikip arye dobuka, tuku deice pouklopliba, si ula weik sakalule. Tonda, isa talyamukce, ‘Uku pum ap, mekwen pum ap, opnamle’ tenen, dongolbalule.
Yesus arye el doprobuk nang ap, amutuku dup arye kulukikce, lyu ak wekelbiyik. Biyikopura, Yudea tam noutamak ulamik nang, yupa weika arye unmek. Amutuku-amutuku dana-dana ninye nirya arye bulubuka yayik. Tonda, Yesus el yupu kekebuka dobolbalamik ninye ton aunmek. Sik yayik mutuku si ara, Yerusalem asik ap, tonda laut mekwen lilun mutuku bitinye si ara, Tirus mutuku ap, Sidon mutuku ap, amutuku nirya arye yayik.
ကြော်ငြာတွေ