Lukas 6:12 - Eipomek

¹² Yuk talak ara, Yesus arye, ‘Allah moropnun’ tenen, tonok mutuku dup welebukce, atonok lukunyan nirya Allah ati moronmok.

Lukas 6:12 ပူးပေါင်းရင်းမြစ်များ

Mazmur 22:2

Na ni Allah, keting noutam talak nirya, narye anti weik arye malye nyanmane. Bukni, ance yupu ton tamubuka, kum nyapmanilamce, yupu tana kum upmanilame. Ati lukunyan talak babye, mambul kanye bobuka, narye anti, tuba-tuba morokunune. Tonda, na kanye teleb kum unmanilba, malye kanye bobuka, moronauk ukunune.

Yesaya 26:9

Lukunyan talak noutam nirya ara, na kanye dobuka, an deiceuk deipnirye, antibuk tuba tenekunune. Wininmanya ani, atalak-atalak nirya ara, na nong ap, na kanye talima ap nirya dobuka, an deiceuk deipkinirye, ‘Allah dan talak yanuka melilyanamnilʼ tenen, ekunune. Deiyok ara, an tamubuka yamince, tukwak mutuku, mutuku sirya, im sirya nirya, noutam arye, ance, “Aning ara, wininamlume, aning ara, pia kum wininamlume,” nyabuka nyapdeipsulum yupu kekebikirye, kel bikikcopura, anang yala-yala nirya ara, ‘E, diksukum winina ara, ani,’ tenebikirye, moubuka kel biknamake.

Daniel 6:10

Ayupu nyapdeibukba, Daniel kekebuk. Kekebukopura, adiparyuk tamubuka, el ulamuk aik biyukce, asum-asum nirya ulamuk touk, el im aik jendela kukuk. Ara, Yerusalem tam botcamik jendela ara, kukeibukce, el Allah si erelamuk touk, gutam tuku dipdongobuka, Allah morobukce, Allah el si erena ati, mot sebuk. Ara, Allah yupu mot sebuka winililamuk touk, asum babye atonun, Allah ati, teleb abuka kinmok.

Matius 5:1

Ura, sik ninye weike Galilea tam ap, Yudea tam ap, Yerusalem mutuku ap arye, bulubuka yayikba, Yesus eibukopura, ‘Peterepnun’ tenen, weik mutuku kon deice welebuka bukuk. Bukukce, el wipdeiyamuk nang, sik 12 nang ara, el bukmok dam bukik. Abulupmek nang nirya babye, asukumuk bukik.

Matius 6:6

Anggunda, anggun aik kopropa wekmunce, buplan tirikdongopmunyopura, Allah moronamlulume. Winimunye talak ara, ninye asing arye kum elinyaknye, anggun ni Allah ati moropmunyeba, elcuk dinamsile. Winipmunyopura, anggun ni Allah, ninye duknubuka ulamak ning nirya elilunye anya arye, kel biksilirye, el tenepsuk ning, menenga ning aminyan talak arenamsile.

Markus 1:35

Sik mapmeka ani, kum berekmok talak arye, tuba inipmok bukni, Yesus bukukabukce, anyasik batakuka buru tam biyukce, ninye kum ulamikak binuka, Allah morobuk.

Markus 3:13

Yesus arye tonok mutuku dup welebukce, Ananguk na pil donamniake tenyamuk nanguk yukubukura, welebik.

Markus 6:46

Nyabukura, el mapu mekwen deice akunum bayikura, awekmek nang ati, telebe nyabuka, amutuku batakuka, el yuk, ‘Allah moropnun’ tenen, mutuku dup biyuk.

Lukas 5:16

Ninye weik yangalamik bukni, ‘Ninye weik bulubicak’ tenen, Allah morona ati, ninye una kum mutuku ak, Yesus el yuk Allah morolbalamuk.

Lukas 6:11

Yesus arye anye bira kwetebuka ati, Farisi nang ara, yu ubukura, ‘Yesus yata wiribuka opnamap do?’ tenen, anye aik batakuka biyikce, bulubuka yupu talilamik.

Lukas 6:17

Yesus arye el doprobuk nang ap, amutuku dup arye kulukikce, lyu ak wekelbiyik. Biyikopura, Yudea tam noutamak ulamik nang, yupa weika arye unmek. Amutuku-amutuku dana-dana ninye nirya arye bulubuka yayik. Tonda, Yesus el yupu kekebuka dobolbalamik ninye ton aunmek. Sik yayik mutuku si ara, Yerusalem asik ap, tonda laut mekwen lilun mutuku bitinye si ara, Tirus mutuku ap, Sidon mutuku ap, amutuku nirya arye yayik.

Lukas 9:18

Tonok sum ara, Yesus ap, el mapu ap, sik yuk unmekce Allah moronmekopura, Yesus arye el mapu ati asipdeyuk. “Yuk nang arye nati yatanye tenebuka nyaninyak do?” nyabuk.

Lukas 9:28

Ayupu nyabukopura, daulamika ani, naku barye sum akunum mabikopura, Yesus arye winilye nanguk doprobukce, ‘Allah moropnuyap’ tenen, weik mutuku dup welebik. Yesus ap mutuku dup welebik nang si ara, Peterus ap, Yakobus ap, Yohanes ap, Yesus ap, sikuk amutuku dup welepmek.

Lukas 9:29

Sik amutuku dup welebikopura, sik awinilye nang wi ubukura, mapmek. Sik mapmek talak ara, Yesus arye Allah moronmok karen ara, Yesus urasin yuk ubuk. Urasin yuk ubukce, el cang baju, el si juba kurubukce, bebeya lingum alamle touk, dirina weik ubuk.

Yohanes 6:3

Yesus otam mutuku Betsaida mutuku biyukce, tonok mutuku deice welebukce, el ap, el mapu ap bukmek.

Kolose 4:2

Anggun Kolose ninye nirya ara, batakna kumce, pia pi dobuka, Allah moronauk unamlulume. Wininamlum talak nirya ara, ‘Mankau arye malye winibibyak’ tenen, pia kanye moubuka kalikildanamlulume. Tonda, Allah ati, pia “Telebe,” nyanamlulume.

Ibrani 5:7

Yesus ara, tukwak mutuku noutamak ulamuk talak ara, elce el dipnamuk ning ati tenebukce, el lyepmantonye Allah ati morobuke. Elce morobuka ara, “Naie, ance melipnilyame,” nyabuka, asing maka deice ap, weik malye nyana ap deice arye morobuke. Morobukce, el Yesus ara, ‘Allah ara, weik mambule anya arye, elti, si kipnirye, el amutamuk pia unamne,’ tenelamukce, talima naminye ulamuka ati, Allah arye, Yesus morobuk yupu kekebukce melilamuk.

1 Samuel 15:11

“Se, narye Saul biti, ‘Yata ati do?’ tenen, malye kanye bopmane. Ara narye, ‘Saul bira, ninye deiyoknye Raja unamle’ tenen, erepdeipse bukni, elce tuba tamubuka, malye kipdeipmanilce, batakmanile. Narye elti, ‘Wininamlyame,’ nyapdeipse yupu, na nyapse touk, kum winipmanile ati, el bataknune,” nyabuk. Nyabukopura, Samuel el talima pia uk dibukba, Allah ati lukunyan noutamak nirya, pia malye yupu nyanmokce, moronmok.