Lukas 5:9 - Eipomek

⁹ Ayupu nyabuk ning ara, deiyok ara ani. Ara el ap el kayapu nang ap mekin bal pia weik dopmek ning ati, mambul kanye bobuka ngalukunmekce, el Simon bira, ‘Se anye Yesus ara dipkoprop telebnye,’ tenebuka ayupu nyabuk.

Lukas 5:9 ပူးပေါင်းရင်းမြစ်များ

Mazmur 8:6

Nun ni Allah, an ap, an im deice melin nang, sik malaikat nirya ap, dipkoprob weik mambul ululumce, aning-aning nirya deice tam ululume. Bukni, ninye tukwak ninye ara, mitik tonun arye, sik malaikat amu tam kwepdeipsulume. Im deice ulul ning nirya deice tam ululba, nunda aning nirya amu tamuk deipsulum bukni, nunda teleb kibuka kwepdeipsuluma ati, ton tam ninye arye, ton tam ninye ati, ‘Sikda telebe,’ nyabuka si erelanyake.

Mazmur 8:8

Ati ara, ninye tukwak ninye amu tam ululba, nunce deiyok talibuka, deice tam unyap ning ara ani. Ara, ninye arye weilamak kam ulul ning aning-aning nirya, talibuka deiyok nang unyabe. Ara, domba basam ap, sapi basam ap, ninye arye weilamak ning ap, tonda bai mutuku kam ulul ning ayala-yala nirya ap ara, ‘Ninye arye talinamake’ tenen, kwepdeiplumce, aning nirya nun amu tam deiamsulumba, talinyabe.

Markus 9:6

(Peterus arye ayupu nyabuk ning, Yesus el urasin yuk winibuk ning ap, Musa ap, nabi Elia ap, yanmarake nyabuka, nirya eibikce, ilil ubukura, Peterus arye talye yupu nyaplobuk.)

Lukas 2:18

‘Ayupu kekenmek ninye nirya ara, adomba wein nang nyapmek yupu ati, se’ tenen, ngalukunmek.

Lukas 4:32

‘El yupu peterenmok talak ara, abulupmek nang nirya kekebikce, mambul kanye bobuka, se’ tenen, ngalukunmek. Ara, Yesus ara, weik kel ap, weik mikip ap deice arye peterenmoka ati, ngalukunmek.

Lukas 4:36

Biyukura, anang nirya arye eibik. Yesus winibukopura, abulubuka wekmek nang nirya arye, mambul nyanmekce, asipdanuka ngalukunmek. “Anye birye, awinipmal ning ara, dan peterelamek yupu do? Anye bira, weik mikip ap, weik kel ap arye peterelirye, isa ababye, Yesus arye, ‘Winiplulume,’ nyaplye ninguk kekebuka banyake,” nyanmek.

Lukas 5:10

Tonda, Zebedeus el mapu bitinye Yakobus ap, Yohanes ap ara, Simon ap, sik mekin bal youna ati, pil neika dolamik nang, sik babye, ngalukunmarik. Simon Peterus arye Yesus ati, “Na batakuka yukak bilyame,” akunum nyabukopura, Yesus arye Simon biti tamubuka nyabuk. “Simono, an ilil una meme nyabuk. Wini talak arye dipdongobuka dotalak ara, ‘Allah lyeplirye, sik talima talinamle’ tenen, ance ninye weik bulubuka na dam boyanganamlame,” nyabuk.

Lukas 5:8

Simon ap, el kayapu nang nirya ap arye, amekin bal weik dopropmekce ngalukunmek. Ngalukunmekba, Simon Peterus arye aning nirya eibuk ati Yesus dam mek liya yo deice kutam dipdongobukabukce Yesus ati yupu nyabuk. “Se, na deiyoknye Yesuso, nara malye wininanye ununa anya arye na batakuka yukak binulyame” nyabuk.