Lukas 4:38 - Eipomek

³⁸ Asum arye, Yahudi yala nang, sik Allah si erelamik aik batakuka biyikce, Yesus ap, Simon ap, Simon el aik birik. Birikopura, anang aik wekmarik talak ara, Simon el yamal kil nong bupu uk dilamuka ati, ‘Yesus arye kweteptue’ tenen, sik awekmek nang arye, adiparyuk Yesus ati morobik.

Lukas 4:38 ပူးပေါင်းရင်းမြစ်များ

Matius 15:23

Nyabuka morobuk bukni, Yesus arye akil ati, yupu tonok babye kum nyabuk. Tunim anauk ubuk. Winibukopura, akil arye pia moronauk unmok ati, Yesus el mapu arye Yesus ati nyabik. “Akil ara, moronauk unmasila ati, ‘Bilyame,’ nyapminba, bilye,” nyabik.

Matius 4:24

Yesus arye, ninye kwetepra daulamuk bukni, yuk nang arye, el winilamuk ning laka nyalbalamikba, Siria mutuku tam ulamik nang nirya ara, Yesus winilamuk ning kekelamik. Aninye nirya kekelamika ati, uk yala-yala nirya pia weike dilamukba, kanye imun ulamuk ninye, weik arye bobukabikce, Yesus dam boyangalamik. Ara, minop arye, weik uk dilamuk ninye ap, isa arye sik talima wekuka talyamuk ninye ap, walwal arye kanye wangalamak ninye ap, sik taruk yan nirya sesal selamuk ninye ap, Yesus dam boyangalamikba, Yesus arye aninye nirya, teleb ubuka kwetelilamuk.

Yohanes 11:22

Winira akunum dibuk bukni, na kele, ance Allah ati moropminye ning nirya ara, adiparyuk Allah arye arepnamakile,” nyabuk.

Yohanes 11:3

Sik du koprop Lazarus uk weik talyamukba, dipmanto ulamuka ati, akilapu bitinye arye, Yesus ati yupu nyapdeiprik. Ara, “Naio, ance kanye deililyamnye Lazarus ara, uk weik talipmale,” nyabuka yupu nyapdeiprik.

1 Korintus 9:5

Tonda, sik Allah yupu peterena deiyok nang bukni, yuk Rasul nang ap, Yesus el weit yapu ap, Peterus ap sik nirya ara, sik domik kilapu ap, neika peterelbanyake. Sikda sik kilapu ap peterepra banyak touk, narye ton, ato kil Yesus dib tenebuk kil ton kum dopnamtinya ati, nyanululum do? Kume, na deiyok ati, ‘Dopnune,’ teneptinyopura, kil doptinye.