Lukas 4:12 - Eipomek

¹² Nyabukura, Yesus arye tamubuka nyabuk. “Anyapmalam ning ara aupmal bukni, yuk Allah yupu sekamik ning ara nyapnukine. Ara ani.” ‘Anggun ni Allah arye, ‘Dipkorop kalekuka melinamsil do, kum do?’ tenen, Allah ati winilden ning winina meme.’ (Ulangan 6:16) “Ayupu nirya ara, Allah yupu sekamik noutamak arye nyapkine,” Yesus arye nyabuk.

Lukas 4:12 ပူးပေါင်းရင်းမြစ်များ

Mazmur 106:14

Tonda daulamika ani, aminyan talak ara, sik nirya arye, ‘Se adin ara, ton tabakuka diptibye,’ tenen, patana weik ubuk ati, malye kanye bobuka ulamik. Winilamika deice ara, ‘Allah arye arisulul ning ara, nun lik’ tenen, ‘Allah arye nun patapsuk ninguk arepsutu do? Aning min kum datu do?’ tenelamikce, Allah ati kwatibuka asilamikce, malye kilamike.

Mazmur 95:9

Anggun apu yapu nirya ara, narye pia mambul pil weik dolamsa deice arye, sikti, melilamse ning nirya ara, moubuka elilamik bukni, aning nirya ati, moubuka tenena kum arye, sik amutuku bisik bitinye yangalamik talak ara, anggun apu yapu arye, nati malye ulamika deice arye, nati asilelamnik. Ara, narye sik damak ati, ninye winipmanto kum ning, winipnin yangalamsiba, sikce nati, asilelamnik.

Maleaki 3:15

Tonda nyanululume. “Nun bidamnye asing arye akunum elinyabe. Ara, sik kanye talima pum tam erelana deice arye karye dobuka, kwalinyak ninye babye ara, ikin ning ton sik nong deice kum yangalule. Teleb aryuk ukirye, teleb kanye bobuka, kil-kil asa aryuk unyake. Tonda, sik malye wininyak nang nirya babye, dekna weik ning dopdobikirye, bona weik talin nang unyake.” Tonda, malye unyakce, “Malye winin ninguk winibirye, Allah ati winipdenuyabe,” nyalulume. ‘Allah arye, nunti wenebuka kum opnamsile,’ tenekirye, “Pia mandipna kanye bobuka, kum kekamna atonun malye-malyeuk wininyak nang ara, tuba telebuk unyake. Allah arye sikti, kum oplirye, ikin ning sik dam kum yangalule. Ati, anang malye wininyak touk, nun babye atonun wininamabe,” nyanululume. Allah arye Israel ninye ati, nyabuka wenebuke.

Matius 4:7

Nyabukura, Yesus arye tamubuka nyabuk. “Anyapmanilam ning ara, aupmal bukni, yuk Allah yupu sekamik ning ara, nyapnukine. Ara ani. ‘Anggun ni Allah arye, ‘Dipkoprop kalikuka melinamsil do, kum do?’ tenen, Allah ati winilden ning winina meme.’ (Ulangan 6:16) Ayupu ara, Allah yupu noutamak ulula ati nyapkine,” Yesus arye nyabuk.

Lukas 4:13

Isa Mutuku Dongonye arye, ‘Yesus malye winiptue’ tenen, winilden ning nirya akunum piripdeyukopura, ‘Yata talak arye yuk lo uplye talak tonap, Yesus piripdenamane,’ tenebukce biyuk.

1 Korintus 10:9

Tonda, nun apu yapu arye, “Allah dipkoprop teleb ubuka kum winilamsutue. El yata ati amalye mutuku noutamak boyanmasilce batakasulul do?” nyabuka, Allah ati malye yupu nyabuka pirilelamikce, Allah ati winildelamik. Ara, nyalamika deice arye, ‘Allah arye, nunti bico tenebuka nimalye arye, tenesilye ara, dib do, telela do?’ tenen, Allah ati pia winilelamik. Nun apu yapu arye Allah ati, winilelamik touk kum wininamabe. Pirilelamik ati, Allah arye, sik wenena ati, sik dam yu kwatima deibukba, weik arye, yanuka si tolamukura, ninye weik diplamik.

Ulangan 6:16

Musa birye, Israel ninye ati nyabuk. Anggunce Allah el si Yahweh ati, ‘Aning dipkoprob winiptu do, kum winiptu do?’ tenen, kum winildenamlulume. Ara, mutuku si, Masa mutuku minop talak ulamupuak, mek kum ubukba, malye-malye nyabuka engelamlumce, Allah ati winildelamlum touk, tuba tonap pia kum wininamlulume.