Lukas 4:11 - Eipomek

¹¹ Ara, ‘An yan gisok babye, keil yan dum dukuka opkilyak’ tenen, kaliknamkiyake. Tomobuka talipnamkiyak anya arye, ‘Mitikto ona ababye, opkilyak’ tenen, anti kalikinamakiake. (Mazmur 91:11-12) “Ayupu ara aupmal ati, atikmanamak arye tukwak sakdelyame,” Isa Mutuku Dongonye arye Yesus ati nyabuk.

Lukas 4:11 ပူးပေါင်းရင်းမြစ်များ

Mazmur 91:11

“Imun kanye bona ning yalya babye, anggun nong deice kum upnamsile,” nyapmasina ara, talye ati kum nyapsine. Deiyok ara, Allah arye, el amu tam im deice pil don nang, sik malaikat weik arye dopdeipliba, anggun damak, tuba yanuka melibuka, kalikinamsiyake. Tonda, anggun unamlum mutuku ap, banamlumak nirya ara, sik malaikat melipsikirye, “Winiplulume,” nyapsikibuk, sik amu tamuk unamlume.

Mazmur 91:12

Amalaikat, Allah pil donanye birye, anggunti melibuka, kalikinamsiyak talak nirya ara, malaikat arye anggun taruk ap, yan ap, nirya talibuka, ulamsikiba, anggun keil yan dum ton, kum duknamsile.

Matius 4:6

Deibukce, ayupu nyabuk. “Allah yupu buku noutamak ara, ayupu nyabuka sekik. ‘An opkilyak ati, Allah el im deice pil don nang, malaikat nyapdeipliba, tukwak pia moubuka kalikmaka arye, tomobuka erelinamkiyake. Ara, ‘An yan kisok babye, keil yan dum dukuka opkilyak’ tenen, kalikuka melinamkiyake. Tomobuka erelinamkiyaka anya arye, ‘Mitik tonun arye ton oplyak’ tenen, anti kalikinamkiyake.’ (Mazmur 91:11-12) Isa Mutuku Dongonye arye, ayupu nyabukba, ayupu ton nyabuk. “Ura, Mazmur yupu akunum nyapkina ara, ayupu ara, Allah yupu buku noutamak aupmala ati, anda Allah el Mi Koprop ulaminyopura, anyaik aruma deice arye, tukwak sakminyebuk, kum opkutue,” Isa Mutuku Dongonye arye, Yesus ati nyabuk.