Lukas 24:6 - Eipomek

⁶ El asukum kum unmale. El akunum kam bukmale. Anggun Yesus ap, Galilea mutuku noutamak neika ulalum talak nyalilamsuk yupu ara, moubuka tuba bikilulum do kum do? Bita moubuka tenipdelulume. Yesus arye nyapsuk yupu ara ani.

Lukas 24:6 ပူးပေါင်းရင်းမြစ်များ

Matius 12:40

Weik mekin bal arye Yunus amkorokukba, mekin bal mun pum bisik ara, like winilye umoka ani, amekin bal arye Yunus el nong dukdonokuk. Winibuk touk, nada, Ninye Mi Koprop Atonunye tuku pum unmanya ani, like winilye akunum upyopura, kam buknamne.

Matius 16:21

Yesus arye anyapmok yupu moupdeibukce, el nong deice ikin ning deipnamik ning ap, kanye imun ning upnamuk ning ap, el mapu 12 nang ati, deiyok koubuka peterenmokce nyabuk. “Nara, Ninye Mi Koprop Atonunye unune. Narye Yerusalem mutuku binyopura, sik Yahudi yala nang sik deiyok nang ap, Allah arena ati deiyok nang ap, Allah arye, ‘Winamlulume, aning kum wininamlulume,’ nyapdeibukba, Musa arye sekeiyamsuk yupu, mem yupu peterena deiyok nang ap, anang nirya arye nati, ‘Nun like’ tenen, bataknikirye, ikin ning weik na nong deice deipnikirye opnamniyake. Opnikcopura, dipmanyani, weipnikcopura, like winilye sum arye, ila tamubuka Allah arye kam bukeinamnile,” nyabuk.

Matius 27:63

“Naie, atilila yupu nyalamuknye Yesus, el tuba kam ulamuk talak ara, ‘Na opnikceura, dipmanya ani, like winilye mapnirye, tamubuka kam buknamne,’ nyalamuk yupu ara, nun tuba tenenauk unmabe.

Matius 28:6

Bukni, wini talak ara el anyaka kum unmale. Elce, ‘Kam buknamne,’ nyalilamuk touk, akunum kam bukmale. El nong deipmanguak ara, akeil deiya pum yanuka dipdelulume. El pia asukum kum unmale.

Markus 16:6

Lukdana ilil ubukura, anye birye akilapu ati nyabuk. “Anggun lukdanuka ilil una meme. El asukum kum unmale. El akunum kam bukmale. El nong deipmanguak ara, dipdelulume. Anggunce enmalumnye bira, pia asukum kum ulule.

Markus 8:31

Yesus arye anyapmok yupu moupdeibukce, el nong deice ikin ning deipnamik ning ap, kanye imun ning upnamuk ning ap, el mapu 12 nang ati, deiya koubuka peterenmokce nyabuk. “Na, Ninye Mi Koprop Atonunye unune. Sik Yahudi yala nang sik deiyok nang ap, Allah arena ati deiyok nang ap, Musa sekamuk yupu peterena deiyok nang ap, anang nirya arye nati bataknikirye, opnamniake. Opnikceura, dipmanya ani, weipniceura, mana like winilye sum mapnamni bukni, ila tamubuka, Allah arye kam bukeipnamnile,” Yesus arye nyabuk.

Lukas 24:34

Wekrikopura, anyasik unmek nang arye ayupu laka nyanmek. “Sik akilapu nyapmasungu yupu ara, dipkoprobuk ulule. Nun ni koprop Yesus akunum kam bukukce, Simon dam tikilyayukura, eibuke,” nyabik.

Lukas 24:5

Winiprikura, akilapu eibikce, lukdayikce ilil weik ubuka ati, koupdongobuka tikmek. Ilil weik ubukura, anang arye akilapu ati nyaprik. “Diplamak ninye wein dam, ‘Yesus aunmal do?’ tenen, dilyanmaluma ara, yata ati do?

Lukas 9:22

Yesus arye, anyapmok yupu moupdeibukce, el nong deice ikin ning deipnamik ning ap, kanye imun ning upnamuk ning ap, el mapu obarye 12 nang ati, deiyok koubuka lak nyabuka peterenmok. “Nara, Ninye Mi Koprop Atonunye unune. Sik Yahudi yala nang sik deiyok nang ap, Allah arena ati deiyok nang ap, Allah arye, ‘Winipnamlulume, aning kum winipnamlulume,’ nyapdeibukura, Musa arye sekamuk yupu peterena deiyok nang ap, anang nirya arye nati bataknikirye, opnamniyake. Opnikcopura, dipmanya ani, lik winilye mapmanya ani, Allah arye tamubuka kam bukeipnamnile,” nyabuk.

Lukas 9:44

Yesus arye nyabuk. “Na nyapnusin yupu ara moubuka kekepnululume. Luba kina meme. Ninye Mi Koprop Atonunye, ninye yupu delilbiceura, opnamniyake,” nyabuk.

Rasul 2:24

Yesus dibuk bukni, Yesus dipnarye, el nong tup ara, lyupmanto kumnye binye arye, Yesus dibuk bukni, Allah arye tamubuka kam bukibuk.

2 Tesalonika 2:5

Na kayapu, winiryuk nyapmasin yupu ara, anggun akunum luba kiplum do? Na ap, ulamubu talak ara, ayupu nirya, atalak-atalak nirya, tonap, nyalamsise.