Lukas 24:5 - Eipomek

⁵ Winiprikura, akilapu eibikce, lukdayikce ilil weik ubuka ati, koupdongobuka tikmek. Ilil weik ubukura, anang arye akilapu ati nyaprik. “Diplamak ninye wein dam, ‘Yesus aunmal do?’ tenen, dilyanmaluma ara, yata ati do?

Lukas 24:5 ပူးပေါင်းရင်းမြစ်များ

Daniel 10:16

Winipse ati, ninye bol atouk kibuka, yanmok malaikat arye, el taruk boyanuka, na si bambol deice, yanuka bol pipnukba, narye elti, nyapse. “Se, na nio, lengdar mapmanubuk winibukba, eipsa deice arye, kanye imun upnukba, na mikip babye, kum upmanile. Pia mitang upmanila ati, yupu ton kum nyaptinye.

Daniel 10:19

Elce nyapnuk, “Allah arye anti, weik tonun bico tenekilirye, ‘Anye bira, mambul weiknye ulule,’ tenekulule. Ati Daniel, an ilil una meme. Ilil upmakilce, mitang upmakil ning ara, bataknulyame. An adiparyuk mikip kipnulyame. Tonda, ‘Allah arye dipkoprob kalikuka melipnamkilʼ tenen, ilil una kum bukni, malye kibuka, telebuk unamlame,” nyapnuke. Elce ayupu nyapnuk talak ara, na mikip tamubuka yanuke. Yanukba, narye elti, nyapse, “Na nio, winira ance mikip kipdeipmanilama ati, yupu nyapdeipnilyame,” nyapse.

Lukas 1:29

Malaikat arye nyabukura, Maria kekebukce, ‘Yata wiripnamnila ati nyapmanil do?’ tenen, teninmokce ilil weik ubuk.

Lukas 24:4

Kum eibikce, ‘Yesus el nong dan do?’ tenen, teniltonmek talak ara, wel nang bitinye bebeya lingum ablirye, dirina weik ulamle tok, pia kurun baju ongopmarik nang, talye karin arye tikilyarik.

Lukas 24:6

El asukum kum unmale. El akunum kam bukmale. Anggun Yesus ap, Galilea mutuku noutamak neika ulalum talak nyalilamsuk yupu ara, moubuka tuba bikilulum do kum do? Bita moubuka tenipdelulume. Yesus arye nyapsuk yupu ara ani.

Rasul 2:24

Yesus dibuk bukni, Yesus dipnarye, el nong tup ara, lyupmanto kumnye binye arye, Yesus dibuk bukni, Allah arye tamubuka kam bukibuk.

Ibrani 7:8

Arub ara, Lewi yala nang arye yuk nang ati, sik talinyak ning bokuka 10% dolonyake nyapmana ara, sik Lewi yala nang ara, aminyan dipnamak ninye bukni, 10% dolonyake. Bukni, Melkisedek bira, Abraham ning bokuka 10% doprobuknye bira, Allah el yupu deice arye, “Anye bira tuba kam ulule,” nyasulule.

Wahyu 1:18

Minop talak dipse bukni, wini talak ara, kam unye touk, pia kam unamne. Nara, pia Kam Una Deiyoknye ununa ati ara, aminyan doryanamle talak babye, pia kamuk unamne. Nara, Ninye Dibina deiyok ning ap, akunum diamice ninye unyakak ap, talibuka una deiyoknye ununa anya arye, aning nirya ara talibuka unune.

Wahyu 2:8

Ninye Mi Koprop Atonunye birye nyapnuke. “Yohanes, ance Semirna mutuku diba tenenyak ninye, sik melin malaikat ati, ayupu sekuka dopdeiplyame. Dopdeipnulam yupu ara, ani.” Aning-aning nirya min kum uamuk talak ara, na akunum ulamse ati, nara Deiyok Kina Deiyoknye unune. Tonda, aning-aning nirya akunum kum uplye talak babye, na pia kam unamne anya arye, nara Sirya Dakna Deiyoknye unune. Na dipse bukni, ila tuba tonap kam buksirye, pia kam unune. Narye anggun Semirna mutuku ninye ati nyapsine.