Lukas 24:45 - Eipomek

⁴⁵ Nyabukce, elti, Allah yupu sekamik ning nirya ara, ‘Kel kipnuyak’ tenen, sik kanye talima tenen ning aribuk.

Lukas 24:45 ပူးပေါင်းရင်းမြစ်များ

Ayub 33:16

Ato talak ara, Allah elce, ‘Na nyapne yupu, sik ninye arye kekepnuniakʼ tenen, nun amul pakuka deipsilirye, “Wininmaluma ara, bataklulume! Kum batakmunyeura, narye obuka sirya danamsine,” nyabuka, nun dam wenen yupu nyaplyeba kekebikirye, sirya dakanyabe.

Mazmur 119:18

Tonda, ance na asing teleb kibuka lapdeipniminba, teleb winipnilya deice arye, ance, “Aning ara, wininamlulume. Aning ara, pia kum wininamlulume,” nyapdeialum yupu nirya, moubuka dinirye, teleb ubuka kel kipnamne. Ara, an yupu noutamak arye, ninye kum winipmanto ning nirya, moubuka kel biknamna ati, nyapne.

Keluaran 4:11

Nyabuk buk, Yahweh arye tamubuka nyabuk. “Yatanye birye ninye sitang ap, yupu nyana ap, arelul do? Yatanye birye, ninye amul kunukna ap, yupu kum nyapmanto kina ap arelul do? Yatanye birye, ninye asing el lina ap, asing kuna ap arelul do? Kume, aning-aning nirya ara, malye ulina ap, teleb ulina ap nirya ara, na dem aryuk arenune. Nara Yahweh, nara Allah. Na uk ununa ati ara, yatanye birye ton, aning winiptu do? Kume, kum winiptue.

Lukas 24:32

Tunimabukopura, sik bitinye nanguk yupu talipdarik. “Kume, ambusum el ap bisik noutamak banmapu talak ara, Musa sekamuk yupu ap, Nabi-nabi nang arye sekamik yupu ap, yuk Allah yupu buku ap, laka arye nyanmasubuk, nun kanye talima dukduk anmasu ning ara, deiyok akunum tenepmaname. Ara dipkoprop Yesus el uka tenepmaname,” nyaprik.

Rasul 16:14

Akekenmek kilapu noutamak ara, kil tonok, Tiatira mutuku arye yayuk kil, el si ara, Lidia, bukmokce kekenmok. Lidia ara, dekna weik mirin baju, yuk nang ati dekna deiyok kil ulamuk. Ulamuka anya arye, yuk nang arye, el dam abaju dekelyangalamik. Tonda, akil arye Allah el dib tenebuka si erelamuk. Akil ara, Paulus el nyabuk yupu kekenmokak, Yesus arye, ‘Akil diba teneplirye, kekepnamle’ tenen, el talima buplan kukdeibukura, dib tenebuk.

Rasul 26:18

Narye aning ati dopkwetepnamkin deiyok ara, ‘Sik asing laipnalama’ tenen, dopdeipnamkine. Tonda, ‘Sik kanye talima yuk punubiceura, sik kanye talima kuna atonun unyaka ati, dirinak tamubuka dobuka, delilyanganalam’ tenen, dopkwetepnamkine. Tonda, Isa Mutuku Dongonye, el mikip arye talibukak arye tamubuka, ‘Allah el mikip arye talipnamle ati dobuka, delilyanganalama’ tenen, dopkwetepnamkine. Ara, yata deiyok ati kume. Ance anang ati aning nirya akunum winipminyeura, nati diba tenebikca deice arye, sik talima ak malye tenenyak ning ap, sik malye unyak ning ap, Allah arye meliplirye, aning kum kipdeipnamle. Tonda, na Yesus ati diba tenepnika deice arye, Allah arye akunum wipdeiamuk ninye ap, ansinibuka unamake. Allah arye aning ati winipnamle. Yesus arye na Paulus ati nyapnuke, Paulus arye nyabuk.

Efesus 5:14

Yata ning do nirya, dirinarye aning deice deipliba, lak akuk ulule. Laka upliba, moubuka kel biktibirye, ‘Aning teleb ning, aning ara, malye ning’ tenen, bikinyabe. Aning ati ara, ayupu ton nyanyabe. “Amio, an diplumnye bira kam buklyame. Kristus el dirinarye, teleb kipdeipnamkile.”

1 Yohanes 5:20

Ton kel kibupu ning, ton nyapnusine. Ara, ‘Sikda Pia Dib Koprop Allah, diba tenebuka talipnamake’ tenen, Allah el Mi Koprop Yesus yayukce, kel kina deiyok ning akunum arepsuke. Pia Dib Koprop Allah ap, nun ap, talima dukdongopsukba neika unyabe. Aninguk kume. Allah el Mi Yesus Kristus el bidamnye ap, nun ap, talima dukdongopsukba, neika unyabe. Yesus Kristus elda, Dib Koprop Allah el nong tonok ulule. Tonda, elda, Pia Kam Una Deiyoknye ulule.

Wahyu 3:7

Ninye Mi Koprop Atonunye birye nyapnuke. “Yohanes, ance Piladelpia mutuku diba tenenyak ninye, sik melin malaikat ati, ayupu sekuka dopdeiplyame. Dopdeipnulam yupu ara ani.” Malye winin ning tonok ning babye kum wininirye, pia diksukumnye unune. Tonda, na nyasinye ning nirya ara, pia dipkoprop yupu ati ara, ayupu batakna kumce, anyapmasin touk dipkoprop talibuka ununye birye, ayupu nyapsine. Na aryuk nyanamne yupu ara ani. Ara, “Akili sal ara, Allah el ulya im deice wekna telebe. Bukni, anang ara, im deice kum wektinge,” nyabuka, tukwak kili sal wibuka, yuk-yuk bokolina deiyoknye bira, na unune. Narye buplan pakeipnyopura, yuk nang arye abuplan ila tuba tonap kum tiriktinge. Aning atonun, narye buplan tirikdongopnyopura, yuk ninye arye kum kukeiptinge. Bublan kukulina ap, buplan tirikina ap, deiyoknye bira na uka.