Lukas 24:39 - Eipomek

³⁹ Na taruk tatang ap, na yan ap dila dipdenululume. Na aunman ani. Na yok ap, tup ap, aupmanilba, eipmanuluma ati, anggunce talipdenululume. Ninye diplamak nang kanya ara, aning tuba kum ulule,” nyabuk.

Lukas 24:39 ပူးပေါင်းရင်းမြစ်များ

Penghotbah 12:7

Aning atonun, nun ninye nong ara, tamubuka tukwak min kum danmapye talak ap, nun kanya tamubuka el arepsuknye Allah dam min kum binmapye talak ara, nunce Allah atibuk tenenamabe. Ayupu nirya nyapmakina ara, talye ati kume. Ara, ‘Na wisi daniryuka’ tenena meme, kam tuba unmaminye talak aniryuk, Allah diba tenebuka el si erepmince, ‘Allah atibuk tenebuka kentinilinamlyame’ tenen, nyapkine.

Bilangan 16:22

Nyabukba, kekebikopura, sik atikmek ninye nirya ap, Harun ap, Korah ap, nirya ara, sik adiparyuk tuku deice kanipdongobuka bukikce, Allah ati nyabuka morobik. “Se, nun ni koproba Allah, nun tuku ninye ap, talye daulye kam un ning, yala-yala nirya ap ati, kam una deiyok ning, nun kanya ara, an diamuk aresilyame. Ninye tonoknye birye, ton, malye upmok ning ati, Allah ance an mapu, nun Israel yala ninye nirya ati, yu kanye bopmalamce, adiparyuk opnamasilam do? ‘Naio, ati nunda kum opnusilamʼ tenen, moropmakiyabe,” nyabik.

Lukas 23:46

Abaju bitinye kibuk talak ara, Yesus weik yupu arye erebuka, ayupu nyabuk. “Na ni Allah, na kanya ara, an taruk deice deipkine,” nyabukopura, adiparyuk isin dakdobukce dibuk.

Lukas 24:38

Ilil ubuk bukni, Yesus arye anang nirya ati nyabuk. “Yata ati, ilil kanye bobuka kanye bokoltonmasilce, ‘Yesus do, kum do?’ tenen, teniltonmanulumce ilil upmasil do?

Lukas 24:40

Nyabukopura, el taruk tatang ap, el yan ap amubukce, anang ati peterebukura, eibik.

Yohanes 20:20

Nyabukopura, ‘Na mapu kel biknuyak’ tenen, el taruk tatang paku dakuka opmek ning ap, el yace yok lukuka opmek ning ap ara, amubukura, sik nirya arye eibik. Yesus wipdeiyamuk nang eibikce, ‘Nun deiyoknye Yesus dipkoprop aunmale’ tenen, kel kibikce, kanye deibuka pin-pin asa arye unmek.

Yohanes 20:25

Yesus el mapu sik 11 nang arye, “Yesus kam bukuka yanmalba, eipmabe,” nyabuka lak nyabik bukni, Tomas arye nyabuk. “Nyapmanulum bukni, Yesus el taruk tatang deice paku dakikba, dila upmalye ning ap, el yace yok yo dula arye, lukuka opmek ning ap, kum eipnirye, na taruk arye, el taruk tatang dila ap, el yace yok lukik dila ap, kum talipnyopura, dib kum tenepnamne,” nyabuk.

Yohanes 20:27

Yesus arye nyabukopura, Tomas ati nyabuk. “Tomaso, na taruk tatang dila ara, an taruk arye talipdenilyame. Na nong dipdenimince, na yace yok luknika dila deice talipdenilyame. ‘Dip do, telela do?’ tenen, kanye teniltonauk unmalama ara, bataklyame. Diba teneplyame,” Yesus arye Tomas ati nyabuk.

Rasul 1:3

Yesus el kanye ikin ning akunum doprobukopura, Yesus elce wipdeiyamuk nang ati, ‘El dipkoprop kam bukmale, tenepnamniak’ tenen, sik dam panabuka tikra balamuk akarye, ‘Yesus ara, dipkoprop kam bukuke,’ tenebikirye, ‘Sik kanye kum boktopnamle’ tenen, el dipkoprop ninguk winilamuk. Ara, ‘Dip do, tilila do, kum tenepnamak’ tenen, dipkoprop ninguk weika arye winilamuk. Winilamuk akarye, el wipdeiamuk nang dam yanuka nyalamuk. Ton sum arye, ton sum arye, yupa weik like 40 talak ulamukce sik kan-kan yangalamuk akarye kutukuka tikilyangalamuka ani, Allah elti, dib tenenyak nang lyepsilirye, talisulul yupu, el mapu ati laka nyalamuk.

1 Tesalonika 5:23

Ninye oldana ap, walana ap kum aniryuk, kanye deibuka nimalye arye teleb ubuka neika una ati ara, nun ni Allah, el pil dosilya deice aryuk unyabe. Allah, elce anggunti, ‘Nauk talinamniak’ tenen, anggun nong ap, anggun kanye talima ap, anggun winin ning nirya ap, ‘Pia teleb ulinamsile’ tenen, Allah morosunune. Aning pia winibuka daulamsilye bukni, nun Deiyoknye Yesus Kristus tukwak tamubuka yanamle talak ara, anggun sambala ap, anggun kanye talima ap, anggun nong nirya ap ara, ‘Malye ning tonok ning babye, kum upsiliba, pia diksukumuk wininamak’ tenen, Allah morosunune.

Ibrani 12:9

Aninguk kum bukni, nun nirya ara, nun ni yapu arye wenebuka peterelamsikba, kekelamubu. Winibuka winilamsik ning ati, nun ni yapu ati, si erebuka kanye delilamubu. Nun tam ninye ati, mitik anun arye si erelamubu bukni, nun Ni Kopropa Allah arye, nun kanye talima ap, dib kanye ap, kam ulisululnye ati ara, adiparyuk weika arye si erebuka, el amu tam bukeipyopura, kam pia unamabe.

1 Yohanes 1:1

Na Yohanes arye ayupu seksene. Ara aning-aning nirya kum uamuk talak, Allah el Kam una Yupu dobuka yanamuknye, Yesus ulamuk. Im deice ei ulamuka ani, tukwak mutuku yayuk talak ara, aulamukce, yupu nyalamukbuk, kekelamubu ning ap, nun asing arye elilamubu ning ap eibuka, nun taruk arye talilamubu ning ap ara, aning-aning nirya ara, anggunti laka nyabuka peterenyabe. Apeterenyaba ara, Kam Una Deiyoknye, Yesus, elti, nyasinyabe.