Lukas 24:38 - Eipomek

³⁸ Ilil ubuk bukni, Yesus arye anang nirya ati nyabuk. “Yata ati, ilil kanye bobuka kanye bokoltonmasilce, ‘Yesus do, kum do?’ tenen, teniltonmanulumce ilil upmasil do?

Lukas 24:38 ပူးပေါင်းရင်းမြစ်များ

Yeremia 4:14

Yerusalem mutuku nang ati nyabuk. Anggun talima noutam arye, malye un ning tenelulum ning nirya ara, adiparyuk bataknamlume. Winipmunyeba, narye anggun nirya ara, lyepropnamsine. Yata talak arye do, anggun talima noutam arye malye teneplulum kanye ara, pia delinamlum do?

Daniel 4:19

Aning lake nyabukba, Daniel el si ton Beltsasar, el ton akunum kekebuk. Kekebukce, nyapmok ning ara, kanye imun ning anya arye, ilil ubuk. Ilil ubukba, aninye deiyoknye birye, Daniel, ara el si ton Beltsasar biti nyabuk. “Na lengdar mapsa ning, nong lak lena ati, anda talima daksakuka, ilil una meme,” nyabuk. Nyabukba, Beltsasar birye tamubuka nyabuk, “Naio. Se, alengdar mapmalam ning, an mal olan nang deice upnamtu ning ati, mapmatumopura, ara teleb bukni, an bidamnye ati, lengdar mapdeipdanmalame. Ati, kanye ikin upnamkile.

Daniel 4:5

Tonok sum lukunyan ton mapmase talak ara, lengdar mapmasa deice arye, lak kibukba eipse ning ati, pia weik kanye ikin upnukce, ilil weik upnuke.

Matius 16:8

Sik yupu talipdanmek ning ara, Yesus kekebukce, sikti, nyabuk. “Anggunce, ‘Se, Roti din ning kum lipmaba ati, nyapmasile,’ nyapmaluma ara, yata ati do? Anggun asing elina ap, amul kekena ap, moubuka kum tenepmalumce nyanmalum do? Anggunce nati mitik anunuk dib tenepmanulum nang atia. Mitik anunuk diba tenepnulum deice arye, na nyasinye yupu kum kekepmanto nang unmalum do?

Lukas 24:37

Nyabukopura, sikce, ‘Se, dibik nang kanya eibabe,’ tenebikce, sik ilil weik ubuk.

Lukas 24:39

Na taruk tatang ap, na yan ap dila dipdenululume. Na aunman ani. Na yok ap, tup ap, aupmanilba, eipmanuluma ati, anggunce talipdenululume. Ninye diplamak nang kanya ara, aning tuba kum ulule,” nyabuk.

Ibrani 4:13

Yata ning do nirya, Allah arye kintinipdeiyamuk ning nirya ara, pia kum duknupmanto. Allah arye aning-aning nirya ati, pia dilule. Baju arye singipdongopmakce ning auplyeba, abaju dopdobikcopura, laka ulamle touk, Allah arye aning-aning nirya lak akuk dilule. Aning-aning nirya dilinye Allah ati, nun wininyap ning nirya laka nyabibyeba, elce kekebuka dipdesilirye, “Aning teleb, aning malye,” nyabuka, yupu lipsisikuka bokeipnamsile. Nun wininyap ning nirya ati, Allah el dam laka nyabibyeba, dipdesilirye, yupu lipsisikuka bokeipnamsile. Tonok ning babye kum duknuptibye.