Lukas 24:25 - Eipomek

²⁵ Nyaprikura, Yesus arye tamubuka anang ati nyabuk. “Anggun walwal nang ululum ani. Anggun Allah yupu laka nyalamik nang nabi-nabi nang arye sekamik yupu ara, diba kum tenelulumce, lik asa kel bikilulume.

Lukas 24:25 ပူးပေါင်းရင်းမြစ်များ

Matius 26:24

Allah yupu laka nyalamik nang, sik nabi-nabi nang arye, nati sekamnik touk, nara Ninye Mi Koprop Atonunye bira, malye nang arye opnikceba dipnamne. Sik Allah yupu laka nyalamik nang, nabi nang arye laka lyalamik touk, amutuku nang arye winipnamniyak bukni, nara Ninye Mi Koprop Atonunye yupu delilbinamnilanye bira, elin, el li birye kum deiamtiringtoura, telebe. Bukni, el lin, el li birye anye deiamrika ati ara, yupu deiyaliba opnikcopura, Allah arye delilbinamnilanye biti weik arye wenebuka opnamle. Ati anye bira pia bicoe,” Yesus arye nyabuk.

Markus 16:14

Daunmeka ani, yuk talak ara, Yesus arye 11 wipdeiamuk nang din dibuka wekmek aik noutamak, Yesus talye karin arye panabuka tikilyayuk. Tikilyayukce asebelas nang ati wenebuk. Ura, Yesus min kum obik talak, kam ulamuk talak arye, ‘Na dipmanya tamubuka kam buknamne,’ nyalamukbuk sik mitik touk diba tenelamika anya arye, el akunum dibukopura, sikce, ‘Kume, akunum dipmale,’ tenebika ati wenebuk. Ton ning ara, Yesus akunum kam bukukbuk, eibik nang, weika arye laka nyanmekbuk, malye kibuka, mankau kanye bobukabikce, diba kum tenepmek ning ati wenebuk.

Markus 7:18

Asipdeyikbuk, Yesus arye tamubuka nyabuk. “Anggunda tuba walwal upmasil ati asipdenmanulum do? Na nyapman ning, moubuka kum kel kiplum do? Yata ning do nirya, nun nong buru tam ulul ning, nun dibibye ak, mun weksilyopura, aning deice arye, nun talima malye kum ulisulule.

Markus 9:19

Nyabukura, Yesus ayupu kekebukce, atikmek nang nirya ati lik ubukura, ayupu nyabuk. “Atalak umunye nang ara, diba kum tenen, ululum nang ati, yata wiribuka talak arye apia unamne do? Tonda, ‘Teleb unamak do?’ tenen, batakna kumce yata wiribuka talak arye pia dinauk wininamsin do? Ati, ami, na dam boyalulume,” nyabuk.

Lukas 24:24

Nyapmasungu ura, nun kayapu ton nang, Yesus weipmek keil deiya dam dilbinmangue, akilapu nyapmangu touk upmoba, eipmangu bukni, Yesus el nong kum eipmangue. Abitinye nang arye Yesus ati nyaprik.

Yohanes 5:39

Allah arye nyapdeiamukba, seklamik yupu buku nirya ara, anggunce, ‘Kume, ayupu kel bikibirye, moubuka talibibya deice arye, pia kam una deiyok ning dopropnamabe’ tenen, ayupu nirya weik arye, moubuka kel kilulume. Bukni, ayupu seklamik nirya ara, dipkoprop nati lak nyanulul ning ara, moubuka dib kum tenelulume.

1 Korintus 15:3

Aning ati ara, Allah el laka teleb yupu weik mambul deiyoknye bira, elce nyapdeipnukba, anggun kekena ati peterepsise touk, tonap nyapnusine. Minop talak Allah el yupu laka nyalamik nang arye, sekeiyamsik touk, Yesus Kristus arye, nunti, ‘Sik malye winina ap, tenena ap ati, kum kipdeipnirye lyepnamne’ tenen, nun pununa ati dibuk.