Lukas 24:16 - Eipomek

¹⁶ Yesus yayukura, sik ap ansinibuka banmek bukni, ‘Na yanman ati akunum bikmaniak,’ tenebukce, sik kanye tenen ning, duknubuk ati ara, Yesus el urasin eiprik bukni, sikce, ‘Yesus ara anye,’ kum teneprikce, el urasin kum bikdike.

Lukas 24:16 ပူးပေါင်းရင်းမြစ်များ

Kejadian 42:8

Yusup birye, ‘E, anang ara, dipkoprob na du yape yanmake’ tenen, akunum kel kibuk bukni, sikce el urasin ara, kum bikmeka arye, ‘Nun weit koproba Yusup atia,’ kum tenebik.

Markus 16:12

Yuk talak Yesus el urasin ara, mitik yuk kibukabukce, el wipdeiamuk nang, bitinye nang bisik banmarika noutamak, Yesus talye karin arye panabuka tikilyayuk.

Lukas 24:15

Sik yupu talipdanin banmarikura, Yesus sik kum tenepmarik bisik arye, yangayukak eiprik. Eiprikura, sik ap, Yesus ap banmek.

Lukas 24:17

Sik banmeka ani, bisik noutam ara, Yesus arye abitinye nang ati, asipdeyuk. “Anggun bisik banmarumce, yata yupu talipdanin banmarum do?” nyabuka asipdeyuk. Asipdeyukura, sik bitinye nang atikilbirikce, ‘Se’ tenen, koupdongobuka tukwak dinmarik.

Lukas 24:31

Roti arinmok talak ara, ‘Yesus ani’, kum tenepmarika ati, Allah arye, ‘Yesus biknurak’ tenen, sik kanye pakeibukce, asing teleb kipdeibukura, Yesus nong bikrik. Kel bikrik bukni, Yesus adiparyuk tunim abukura, tonap kum eiprik.

Yohanes 20:14

Maria arye nyabukopura, tamubuka el donga tam dipdeyukce, Yesus eibuk. Yesus atikmokak, eibuk bukni, ‘Yesus dipkoprop aunmale’ tenen, moubuka kum bikuk.

Yohanes 21:4

Talye demuk dayanmeka ani, beren tam talak kibukura, amekwen lilkwa uk, Yesus panabuka tikilyayuk bukni, sik nirya arye, ‘E, atikmalanye bira, Yesus aunmale’ tenen, moubuka kum kel bikmek.