Lukas 23:38 - Eipomek

³⁸ Ninye arye, “Yesus el malye winilul ning ara ani,” nyalamik ning ara, yo lakase deice surat sekuka deibikce, Yesus el gisok deice tam deibik. Surat sekik ning ara, ani. ‘Yahudi yala nang sik weik ninye deiyoknye Raja ara ani,’ nyabuka sekdeibik.

Lukas 23:38 ပူးပေါင်းရင်းမြစ်များ

Matius 2:2

Yayikce asipdeyik. “Yahudi yala nang sik weik ninye deiyoknye Raja, winiryuk deipmalnye bira dan ulul do?” nyabuka asipdeyik. “Keting yangan tam arye, anye el kurya tikukba eibupurye, ‘El si erepnamap’ tenen, kurya im noutamak banmok bisikuk dilamuburye, melibuka yanmabe,” nyabik.

Matius 27:11

Yesus bobuka, amutuku nirya talyamuk deiyoknye, Gubernur Pilatus el dam bobinuka arebikura, Pilatus arye Yesus ati asipdeyuk. “Yahudi yala nang, sik weik deiyoknye Raja atonun nyanyaknye bira, an akunum do?” nyabuka asipdeyuk. Asipdeyukbuk, Yesus arye tamubuka nyabuk. “Diba, anyapmalam touk unune,” nyabuk.

Matius 27:37

Ninye arye, “Yesus el malye nyalye ning ara ani,” nyalamik ning ara, yo lakase deice surat sekuka deibikce, Yesus el kisok deice tam deibik. Ayo lakase deice surat sekik yupu ara, atia. ‘Yesus ara, Yahudi yala nang sik weik ninye deiyoknye, Raja ulule,’ nyabuka sekeipmek.

Markus 15:18

Winibikopura, Yesus el nalibuka akutuna ati, weik arye ayupu nyanmek. “Naie, Telebe. Yahudi yala nang, sik weik ninye deiyoknye Raja ulyame,” nyabuka nalinmek.

Markus 15:26

Ninye arye, ‘Yesus el malye winibuk ning deiyok ara, ani’ tenen, yo lakase deice surat sekuka deibikce, ayo lakase ara, Yesus el kisok deice tam deibik. Surat sekik ning ara, atia. ‘Yahudi yala nang sik weik ninye deiyoknye Raja ani,’ sekuka deibik.

Markus 15:32

Ninye mutuku-mutuku nirya kan-kan, ninye weik lyeplirye, sik talima talinamlanye, Mesiasnye, Yesus ulamtu toura, wanwanun yo deice lyepdaturye, tukwak kutuksaktu ak, eiptibye. Aning eiptibyopura, anye biti ara, diba teneptibye. Elda Yahudi yala nang, nun weik ninye deiyoknye Raja ulamtu toura, koulukuka yatuak eiptibirye, diba teneptibye,” nyabuka nalinmek. Sik anang nirya nalinmek touk, Yesus noutam dana-dana tam wanwanun yo deice deipmek nang bitinye arye, Yesus ati malye yupu weika arye yanmarik.

Lukas 23:3

Nyanmeka ati, Pilatus arye Yesus ati asipdeyuk. “Yahudi yala nang sik weik deiyoknye, Raja atonun nyanyaknye bira, an akunum do?” nyabuka asipdeyuk. Asipdeyukura, Yesus arye tamubuka nyabuk. “Diba anyapmanilam touk unune,” nyabuk.

Yohanes 19:3

Winibikce, abulubuka wekmek yin talin nang arye, Yesus dam yanuka nyanmek. “Se, anda weik mambulnye. Yahudi yala ninye sik weik ninye deiyoknye, Raja ulyame,” nyabuka, Yesus el urasin deice taruk arye onmek.