Lukas 23:3 - Eipomek

³ Nyanmeka ati, Pilatus arye Yesus ati asipdeyuk. “Yahudi yala nang sik weik deiyoknye, Raja atonun nyanyaknye bira, an akunum do?” nyabuka asipdeyuk. Asipdeyukura, Yesus arye tamubuka nyabuk. “Diba anyapmanilam touk unune,” nyabuk.

Lukas 23:3 ပူးပေါင်းရင်းမြစ်များ

Matius 27:11

Yesus bobuka, amutuku nirya talyamuk deiyoknye, Gubernur Pilatus el dam bobinuka arebikura, Pilatus arye Yesus ati asipdeyuk. “Yahudi yala nang, sik weik deiyoknye Raja atonun nyanyaknye bira, an akunum do?” nyabuka asipdeyuk. Asipdeyukbuk, Yesus arye tamubuka nyabuk. “Diba, anyapmalam touk unune,” nyabuk.

Markus 15:18

Winibikopura, Yesus el nalibuka akutuna ati, weik arye ayupu nyanmek. “Naie, Telebe. Yahudi yala nang, sik weik ninye deiyoknye Raja ulyame,” nyabuka nalinmek.

Markus 15:2

Bobinuka arebikbuk, Pilatus arye Yesus ati asipdeyuk. “Yahudi yala nang sik weik deiyoknye ati, Raja nyanyaknye bira, an aulyam do?” nyabuka asipdeyuk. Asipdeyukura, Yesus arye tamubuka nyabuk. “Diba anyapmanilam touk unune,” nyabuk.

Markus 15:32

Ninye mutuku-mutuku nirya kan-kan, ninye weik lyeplirye, sik talima talinamlanye, Mesiasnye, Yesus ulamtu toura, wanwanun yo deice lyepdaturye, tukwak kutuksaktu ak, eiptibye. Aning eiptibyopura, anye biti ara, diba teneptibye. Elda Yahudi yala nang, nun weik ninye deiyoknye Raja ulamtu toura, koulukuka yatuak eiptibirye, diba teneptibye,” nyabuka nalinmek. Sik anang nirya nalinmek touk, Yesus noutam dana-dana tam wanwanun yo deice deipmek nang bitinye arye, Yesus ati malye yupu weika arye yanmarik.

Lukas 22:70

Nyabukopura, sik nirye arye Yesus ati asipdeyik. “Aning ati ara, anda, Allah el Mi Koprop ulyam do, kum do?” nyabuka asipdeyik. Asipdeyikura, Yesus arye tamubuka, “Anggunda dipkoprop nyanmalume, nara Allah el Mi Koprop unun ani,” nyabuk.

Lukas 23:38

Ninye arye, “Yesus el malye winilul ning ara ani,” nyalamik ning ara, yo lakase deice surat sekuka deibikce, Yesus el gisok deice tam deibik. Surat sekik ning ara, ani. ‘Yahudi yala nang sik weik ninye deiyoknye Raja ara ani,’ nyabuka sekdeibik.

Yohanes 1:49

Nyabukura, Nataniel birye mambul kanye bobuka nyabuk. “Se, anda Peterena Deiyoknye, Rabinye dipkoprop ulyame. Na kele, anda Allah el Mi Koprop ulyame. Anda Israel yala ninye nun weik ninye deiyoknye, Sisinanye Raja unamsilame,” nyabuk.

Yohanes 18:29

Wininmeka ati, Pilatus el aik pum arye bai tam yayukce, el aik dam bulubuka yanmek ninye ati ayupu nyabuk. Bura tam yayuk talak ara, Pilatus arye anang ati asipdeyuk. “Anye Yesus ara, yata ning malye winibuka deiyok ati, na dam boyanmalum do?” nyabuka asipdeyuk.

Yohanes 19:3

Winibikce, abulubuka wekmek yin talin nang arye, Yesus dam yanuka nyanmek. “Se, anda weik mambulnye. Yahudi yala ninye sik weik ninye deiyoknye, Raja ulyame,” nyabuka, Yesus el urasin deice taruk arye onmek.

1 Timotius 6:13

Na mi Timotiuso, aning nirya, kam una deiyok ning arisilinye Allah ap, Pontius Pilatus dam yupu boban talak arye, yupu teleb ubuka lak arye nyabuknye Yesus Kristus ap, sik bitinye kekebuka dinmasirak deice arye, amambul yupu nyapdeipnukine.