Lukas 23:26 - Eipomek

²⁶ Yesus wanwanun yo deice deipnameka ati, bisik banmek talak ara, tonoknye el si Simon Kirene mutukunye bai tam unmoka ani, bisik noutamak yangayuk karen eipdayik. Yin talin nang arye Yesus bobanmekura, Simon ap eipdayikopura, Yesus el wanwanun yo ikin ubuka ati, sik yin talin nang arye, Simon Kirene mutukunye ati mikip arye, “An adiparyuk awanwanun yo tomobuka bobilyam,” nyabuka arukikura, Yesus menekuka banmokura, Simon arye ayo tomobuka aminyan bobiyuk.

Lukas 23:26 ပူးပေါင်းရင်းမြစ်များ

Matius 5:41

Atonun ton, yu nang arye, “Na bisik melina ati, na bona bobuka, na binamne mutuku melibuka bobinamnilyame,” nyabuka, ikin pil deipsikcopura, sik nyabikce mutuku babye, anyapce otam karen binamak mutuku babye, abona melibuka bobinamlyame.

Lukas 14:27

Tonda yata nang do nirya, na dobolyanganamak talak ara, sik babye wanwanun yo bobuka, na yupu kekebuka nati kum dobolyanganamniak nang ara, na mapu kum uptinge. Ara, sik mining ning atibuk, ‘Aning ara teleb anye arye, mambul ulule,’ tenebikirye, ‘Yuk nang arye nun opsicak’ tenen, lik tenebikirye, na yupu kum dobolyanganamak nang ara, na mapu kum uptinge.” Yesus arye nyabuk.

Lukas 23:25

Utenebukce, Barabas lopdongobukura, talye biyuk. Ara, Barabas arye, ‘Nun Israel mutuku nirya talisinyak nang, Roma nang obisiptibye’ tenen, pirildelamukce, ninye olamuknye ulamuk. Winilamuka ati, wenena aik pum dongamika anyak, Pilatus arye dobuka lopdongobukura, biyuk. Barabas ara talye biyuk bukni, Yesus ara, Pilatus arye, ‘Anang ara, Yesus dobuka opsitinge’ tenen, nyanmaniaka ara, ‘Dawinipnuyake,’ tenebukce, anang ati aribuk. Aribukura, yin talin nang arye, ‘Yesus dobuka wanwanun yo deice delilbinuyak’ tenen, arebik.

Lukas 9:23

Ayupu nyabukopura, ayupu tonap, nyabuk. Yata nang do nirye, nati dib tenepnikirye na melibuka dobolyanganamniak nang ara, sik ning ati, ‘Aning mambul,’ kum tenenamake. Sik babye, winibuka obikceba, dipnamak nanguk, wanwanun yo dobuka talye balamikirye, anang arye, ‘Akunum oplopnamak ara, telebuka,’ tenenyak touk, na mapu babye, ‘Opnamsiak do?’ tenena kum arye, sik kam un ning ap, sik pataplye ning ap, adiparyuk kum tenenamake. Yesus dib tenebikca deice arye Yuk malye-malye nang arye na mapu obikcopura, ‘Ara mambul,’ kum tenenamake. Na yupu uk kekebuka dobolyanganamake.

Rasul 13:1

Antiokia mutuku diba tenebik nang kan-kan arye aminyan upnamuk ning yupu ap, Allah yupu lak len yupu ap, peterena nang nabi nang ulamik. Tonda, yuk nang arye akunum diba tenebik nang ati wibuka, Allah yupu nyalamikce peterena nang ulamik. Sik apeterelamik nang si ara, ani. Barnabas ap, Simeon, ara, Niker, nyalamiknye ap, ton yuk pera Kirene mutuku deiyamiknye Lukius ap, Manaem ap, ton Saulus ap ulamik. Menaem ara, weik ninye deiyoknye Gubernur Herodes el ap neiktoto nemdiknye bitia.

Rasul 6:6

Anang akunum wibuka deibikce, Yesus arye wibuka dopkwetebukura, el yupu dobuka peterepra balamik nang, obarye (12) Rasul nang, sik dam bobinuka deibik. Deibikura, aobarye adua belas (12) nang arye Allah morobikce, awibuka deibik nang ati, sik gisok deice taruk tatang deibik.

Rasul 6:9

Apil dolamuk bukni, aminyan talak ara, Yahudi yala nang Allah si erelamik aik si ara, Lipertini nang nyalamik aik weklamik nang arye Stefanus el yupu deiyok koubuka yanibik. Anyaik weklamik nang ara, Yahudi yala nang bukni, Kirene mutuku ap, Aleksandia mutuku ap, tonda Provinsi Kilikia ap, Provinsi Asia ap, atam nang arye el yupu yanibik akarye yupu weik nyanmek.