Lukas 23:22 - Eipomek

²² Nyanmek ati, Pilatus arye like winilye ton tamubuka nyabuk. “Yata ning deiyok ati opnuyak do? Nun amutuku talilamap nang arye, ‘Wininamlulume,’ nyanyap ning, dan ning ton yanisilya ati opnuyak do? Elce malye winilamtuura, optibye ning ara, dipkoprop ton kum kekepmana ati, narye nyapnyeura, talya wenebikirye kama arye kulabuka wenebiceura, lopdongopnune,” nyabuk.

Lukas 23:22 ပူးပေါင်းရင်းမြစ်များ

Lukas 23:14

“Anggunce Yesus dobuka na ak boyanmalumce, ‘Anye bira el malye winilya deice arye, amutuku talinyak nang Roma nang obisiptibye nyalule,’ nyapmanulum bukni, anggun tuba kekenmalum talak ara, asipdenmanubuk, anggun nyapmalum touk, el dipkoprop malye winilul ning ara, tonok babye ton kum kekepmanue.

Lukas 23:16

Aning ati ara, narye nyapnyeura, na yin talin nang arye talya kama arye el nong deice oplobiceura, Yesus lopdongopnune,” Pilatus arye, sik Yahudi yala deiyok nang ati nyabuk.

Lukas 23:20

Pilatus arye, ‘Yesus loploptinye’ tenen, patabuka ati, awekmekce, ‘Yesus opsilyame,’ nyanmek nang ati, Pilatus arye, “Na kanye teleb ning ara, Yesus lopdongopnune,” nyabuka, awekmek nang nirya ati, yupu mikip deice arye nyanmok.

Lukas 23:21

Nyanmok bukni, sik awekmek nang nirye arye, weik yupu nyanmek. “Ance nyapminyeura, Yesus dobuka wanwanun yo deice deibuka opnuyake,” nyabuka yupu weik arye nyanmek.

Lukas 23:23

Pilatus arye nyabuk bukni, sik awekmek nang nirye arye, tuba tonap tapakdeibuka weik yupu arye tonap moronmek. “Ance nyapminyeura, wanwanun yo deice deibuka opnuyake,” nyanmek deice arye, Pilatus nyanmok yupu sekik.

Lukas 23:4

Nyabukura, Pilatus arye abulubuka wekmek nang nirya ap Allah arena deiyok nang ap ati nyabuk. “Nun Roma mutuku deiyok nang arye, ‘Wininamlulume,’ nyanyap yupu ara, dipkoprop malye winibuka deice arye yanipmasil ning ara, min kum nyapmanulum arye kum kekepmane. Anye malye winibuk deiyok ning ara, ton kum kekepmane,” nyabuk.

1 Peterus 1:19

Talye kum ulul ning arye kum deksuk bukni, Yesus Kristus ara, domba yok kwanena ap, nong bol malye una ap, kum wamlye ning atonun ulamukce, el bidamnye ining pia mambul ning deice arye dekuka lyepsuke.

1 Peterus 3:18

‘Malye un ninye ara, ansinibuka Allah ap, talima dukdongobuka unamak’ tenen, pia diksukum unanye, Yesus Kristus arye, nun malye un ninye dekna ati, like tonok talak aryuk dibuk. Yesus ara, ninye nong atonun dayukce ulamuka ani, obikopura dipmok bukni, dibukura, Allah El Dib Kanye mikip deice arye, Yesus ati tuba tamubuka kam bukeibuk.