Lukas 23:16 - Eipomek

¹⁶ Aning ati ara, narye nyapnyeura, na yin talin nang arye talya kama arye el nong deice oplobiceura, Yesus lopdongopnune,” Pilatus arye, sik Yahudi yala deiyok nang ati nyabuk.

Lukas 23:16 ပူးပေါင်းရင်းမြစ်များ

Yesaya 53:5

Aning ara, walwal arye tenelamupu bukni, nun malye winilamupu ning deice arye, elti, yu nang arye olamikba, el nong deice dila weik ulamuk. Nun malye-malye weik ulamupu ning ati, tace ning arye talibuka onmekbuk, el nong deice dila weik ubuk. Aning deice arye, nunti, teleb kipdeipsuke. Nun malye winina ati, ikin ning weik el nong deice deiamikce, wenebika deice arye, nunti lyepdeipsuke. Nun kum winipmanto ning ap, nun malye winilamu ning nirya ap, kum kipdeipsukce, lyepsukce, teleb kipdeipsuke.

Matius 27:26

Aning ati ara, Pilatus arye Barabas lopdongobukba, talye biyuk. Barabas ara talye biyuk bukni, Yesusuk ara, Pilatus arye el yin talin nang ati nyapdeibukba, Yesus bobuka ninye on ning arye kulabuka onmek. Yesus onmeka ani, ‘Yuk nang arye, Yesus bobuka, wanwanun yo deice delilbinuyak’ tenen, arebik.

Markus 15:15

Pilatus el kanye ara, ‘Awekmek nang nirya ati, sik pataplye ning narye arepnyopura, kanye deipnamniyake,’ tenebukce, Barabas lopdongobukura, talye biyuk. Barabas ara, talye biyuk bukni, Yesus eluk ara, Pilatus arye el yin talin nang ati nyapdeibukura, Yesus dobuka, ninye on ning arye onmek. Onmeka ani, yuk nang arye Yesus dobuka, ‘Yuk yin talin nang arye Yesus dobuka, wanwanun yo deice delilbinuyak’ tenen, arebik.

Lukas 23:17

Ura, Yahudi yala nang Kaplina ati Kwalina talak noutamak arye, wenena aik dongolamik nang kan-kan bukni, ninye nirye arye, ‘Anye bira lopdongoplulume,’ nyapnanye uk, tonoknye wibuka loltakalamik.

Lukas 23:22

Nyanmek ati, Pilatus arye like winilye ton tamubuka nyabuk. “Yata ning deiyok ati opnuyak do? Nun amutuku talilamap nang arye, ‘Wininamlulume,’ nyanyap ning, dan ning ton yanisilya ati opnuyak do? Elce malye winilamtuura, optibye ning ara, dipkoprop ton kum kekepmana ati, narye nyapnyeura, talya wenebikirye kama arye kulabuka wenebiceura, lopdongopnune,” nyabuk.

Lukas 6:37

Yesus arye nyabuk. “Anggun babye, malye winin nang tenena kumce, yuk nang ati sik malye nang tenebuka, ‘Anggunda pia malye nang,’ nyabuka, lyab-lyab ana kum nyanamlulume. Anggunce yuk nang ati, pia malye yupu arye, lyab-lyab abmunyopura, aning atonun Allah arye anggunti, lyab-lyab abuka wenepnamsile. Aning atonun, anggunce yuk nang ati, ‘Allah arye anang wenebuka optue,’ kum tenepmunyopura, Allah arye anggunti atonun, kum tenenamsile. Tonda, yuk nang arye, anggunti, malye upsikce ning namin kipmunce, tonap kum tenepmunyopura, Allah arye anggun malye umunye ning ati, kum kipsilirye, tonap kum tenenamsile. Kum danipnamsile.

Rasul 16:37

Nyabukura, Paulus arye amutuku deiyok nang sik melina nang arye, yupu laka nyalyanmek nang ati nyabuk. “Kume. Nun bitinye nang ara, talye nang kume. Roma mutuku weik deiyok nang arye, sik yupu nyapdeipsika deice arye, Roma mutuku ninye atonun nang kipsike ati, ‘Sikda Roma ninye ururake,’ tenesinyake. Nunda Roma mutuku nang unyam bukni, sik anang arye, ‘Amalye winipmarum deice arye wenepnamsiape,’ kum nyapsik. Sikce yuk ninye dinmasikak talye kama arye opsikce nun dobuka wenena aik pum tabu koubuka dongopsike. Winira sikce talye tunim abuka, ‘Anang dungnubuka dopkwetepnamap,’ tenepmasiak ara, kume. Ara, kum winipmanto. Sik anang aryuk yakirye ninye dinmasicak laka lopdeipnamsiyak atia,” Paulus arye nyabuk.