Lukas 22:37 - Eipomek

³⁷ Nyabukce, ayupu ton nyabuk. “Na dipkoprop nyapsine. Allah yupu laka nyalamik nang, nabi nang arye, nyalilamnik touk, ‘Anye bira, pia malye unanye,’ tenebikirye, dipkoprop malye un nang ap, neika dobuka opnamake. Aning nyapmasin tok, Allah yupu laka nyalamik nang, nabi nang arye, ‘Winipnamle,’ nyabuka sekeiyamnik tok, dipkoprop upnamnile. Aning nirya sirya dakna talak akunum dam uple,” Yesus arye nyabuk.

Lukas 22:37 ပူးပေါင်းရင်းမြစ်များ

Yesaya 53:12

El kanye aryuk el nong ap, el kam una ap, ninye malye winina ati talye arepsuk. Ninye mutuku-mutuku nirya, sik malye wininyak ning dobuka, el nong deice deipdayuk. Winibuka ati, na Allah arye, elti, erepdeipniba, pia weik mambulnye unamle. Mikip weik nang ap, weik mambul pil donyak nang ap ati, ninye nirya si erelamak touk, el tibuk, el si erebuka kinamake. Tonda, mikip nang arye, yuk mutuku nang ati obisibikirye, sik talilamikce ning dalubuka dololamak touk, na Allah arye elti, pia teleb ning weika tonun arenamne. Elda telebnye ulamukba, el ap ulamik nang arye elti, ‘Elda malye wininanye,’ nyabuka, el nong deice malye yupu nyalilamike. Elda, ‘Allah arye malye wininyak ninye, namin kipnamle’ tenen, morolamuk. Morolamukce, sik malye wininyak ning ara, el nong deice dobuka deipdayuk. Ati, na Allah arye na pil donanye biti, dekna arepneba, weik mambulnye unamle. Ninye nirya arye el tibuk kinamake.

Markus 15:27

Yesus wanwanun yo deice deipmekak ara, ubula dolamrik nang bitinye, tonye bira sirik tam, tonye bira kwanim tam, yuk wanwanun yo deice dana-dana deibik.

Markus 15:28

Ubula dolamrik nang dana-dana tam deipmekak deice arye, Allah el yupu laka nyalamuknye nabi Yesaya sekamuk yupu, domon yupu deice Mesiasnye biti nyabuk ning ara, nong dipkoprop akunum ubuk. Nabi Yesaya arye Mesiasnye biti nyamuk yupu ara, ani. ‘Anye ap, ninye yupu yaniltan nang ap, ansinibuka deibike,’ Yesaya arye nyabuk. (Yesaya 53:12)

Lukas 18:31

Amenyan ara, Yerusalem mutuku binameka ati, yuk nang ara batakukabukce, elce wibuka deiamuk nang, obarye 12 nanguk dobuka, yukak biyukce ayupu laka nyabuk. Ara, aminyan winipnamik ati, laka nyabuk. “Nun nirya Yerusalem mutuku welebibyopura, nara Ninye Mi Koprop Atonunye ati, Allah yupu laka nyalamik nang, nabi-nabi nang arye nyalamnik touk winipnamniyake.

Lukas 22:22

Allah yupu laka nyalamik nang arye, nati sekamnik touk, nara Ninye Mi Koprop Atonunye opnikceura, dipnamne. Sik laka nyalamnik touk winipnamniak bukni, nara Ninye Mi Koprop Atonunye yukupnamlanye bira, yukupnilibuk opnicopura, Allah arye anye bira, weika arye wenebuka opnamle ati, elda pia bicoe,” Yesus arye nyabuk.

Lukas 22:36

Nyabikura, Yesus arye tamubuka nyabuk. “Unamlum bukni, wini talak ara, yuk ning nyapnusine. Anggun na tenen ning lin aling ap, talye din ning lin aling ap, awaplyopura, aning dobuka peterepra banamlulume. ‘Nun aruksilyak’ tenen, bupu kina ati, deice tam ongon baju ara, ‘Aning ara, weik mambul,’ tenelulum bukni, aongon baju dobuka, yo bok dekmunce, ayo bok dobuka parang ya uk dekelbinululume. Ara, yata ning do nirya min arye, ‘Aning mambul,’ tenelamlum ning nirya ara, ‘Aning mambul,’ tenena kum, batakmunce, dipkoprop weik mambul ninguk kintinipnamlulume. Amenyan ara, kanye imun ning, pia weik yanamle atia.” Yesus arye nyabuk.

Lukas 22:52

Atalak ara, Yahudi yala nang sik Allah arena ati deiyok nang ap, Allah arilbalamik aik kalikin nang, sik deiyok nang ap, Allah arena ati deiyok nang ap, sik Yahudi yala nang yuk deiyok wisi nang ap ara, ‘Yesus tapu kupnuyap’ tenen, yanmek nang ati, Yesus arye nyabuk. “Anango, anggunce nati, ‘Amutuku talinyak nang opbisipnamle ati, el deiyok koubuka el mapu bobinmale,’ tenepmanulumce parang ya ap, ninye on yo kama ap, dobuka tomolyanmanulum do?

Lukas 23:32

‘Yesus wanwanun yo deice opnuyap’ tenen, bisik banmek talakuk, ninye bitinye malye ulamrik nang ton, Yesus ap ansinibuka bobanmek.

Lukas 24:27

Nyabukopura, Musa ap, Allah yupu laka nyalamik nang, Nabi-Nabi nang ap arye el Yesus ati sekamik yupu ara, ayupu arye deiyok koubuka, Allah yupu noutam ulye yupu nirya arye el Yesus ati seklamik yupu dobuka, Yesus arye abitinye nang ati, laka nyapnin banmok.

Yohanes 10:35

Nun kele, Allah el yupu ara, kum kum danamle. Allah arye nyalul yupu nirya ara nong dipkoprop upnamle. Allah yupu dipkoprop aupmal noutamak ara, Allah arye el yupu aribukba, doprobik nang, tukwak mutuku ninye deiyok nang ati, “Anggunda, Allah el mapu ululume,” nyabuk.

Yohanes 17:4

Ance, nati mambul pil areamnulumba, apil dopra balamse ani, sirya akunum dakdongopnin banman deice arye, an si weik arye erepdeipkiniba, ninye nirya eibikirye, sikce an si ati, weik arye erebikirye, anti, ‘Allah ara weik mambule,’ nyabuka kibuka si erenamkiyake.

2 Korintus 5:21

Ara, Allah arye nun lyena ap, yok pununa ap ati, malye winin ning tonok ning babye kum ulamukce, pia diksukum ululnye Yesus ara, Allah arye dobuka, tukwak ninye nun malye winin ning nirya el nong deice deibukba, nun malye ning nirya dobuka kum kipdeipsuke. Ara, nun malye winin ning pununa ati, winipsuke. Winibuka deiyok ara ani. Allah arye utenyamuk, ‘Tukwak ninye nirya, malye winin nang unyak bukni, nara Allah pia diksukum unye touk, Kristus ap aninye ap talima dukdongopniba, Kristus deice arye, aninye diksukum kipdeipnamne,’ tenebukce, Allah arye apil dopsuke. Na Paulus arye nyapsine.

Galatia 3:13

Allah arye nyapdeibukba, Musa arye sekeiyamsuk yupu, mem yupu nirya moubuka talibikirye, diksukum kibuka kum dobolbanyak ninye ara, “Allah arye weneplirye, oplopnamle,” nyalamuk yupu aupmale. Bukni, Kristus arye nun tukwak mutuku ninye ati, el bidamnye nong arepdayukba, yu nang arye obikba, nun malye ulamubu ning lyepnamsuka ati dibuka deice arye, lopdeipsukce lyepsuke. Minop talak ara, mem yupu amu tam ulamububa, amem yupu arye tapu koulamsuk bukni, Yesus arye pil dopsuka deice arye akunum loplopsuke. Anyapmasin yupu ara, talye ati kum nyapsine. Ara, Allah yupu sekamik yupu noutamak aubuk yupu deice arye kel kinyabe. Ayupu ara ani. ‘Wanwanun yo deice deibuka olamak ninye ara, Allah arye aninye ati wibukaplirye, wenebuka oplopnamle.’ (Ulangan 21:23) Aning ati ara, kel kinyabe. Nun malye winina ati, Allah arye talye luparabuka oplopsutu bukni, Kristus wanwanun yo deice obikba, dibuka ara, talye ati kume. Nun malye winina ning pununa ati, dibukce lyepsuke.