Lukas 22:33 - Eipomek

³³ Yesus arye nyabukura, Peterus arye tamubuka nyabuk. “Kume naio, wenena aik dongopniting babye, na opnitinga babye, na kanye ara aning telebuka. Na ap an ap, neika unaname” nyabuk.

Lukas 22:33 ပူးပေါင်းရင်းမြစ်များ

Amsal 28:26

Aning atonun, yata nang do nirya, sik bidamang kanye tenina deice aryuk, ‘Nunda weik kel nang unyaba anya arye, yuk nang arye nyasikce yupu ara dauplye,’ tenekirye, sik bidamang kanye talima dib tenebikcopura, ara walwal nang atonun unyake. Bukni yata ninye do, sikce, ‘Kume, weik kel nang arye nyasikce yupu kekenamabe,’ tenebikirye, weik kel nang arye nyanyak yupu ara, moubuka kekebibirye, aning talibuka dobolbanyak ninye ara, dipkoprob telebuk unamake. Ati, anggun damang kanye talima noutamak arye tenelulum ning ati, ‘Akunuma,’ tenena meme.

Yeremia 10:23

Na ni Allah, na kele, tonoknye babye, el mikip aryuk, el wininamle ning kum taliptue. El babye, ‘Winipnamne, aning ton winipnamne. Tonda teleb winina ati, abisik binamne. Tonda, winipnamsil ning ara, ani,’ teneptu bukni, dipkoprob ning ara, tukwak nang, sik mikip deice arye, aning nirya kum talinyake. Tonda, moubuka kum kel biktinge. Sik bisik binamakak ara, moubuka kum teneptinge.

Yeremia 17:9

Ninye kanye talima noutam arye, tenenyak ning ara, laka kibuka kum biktinge. Ninye kanye pum tam ara, dungnubuka talye-talye yupu uk nyasulula ati, pia yuk ulule. Yuk ning ton, tilila yupu nyalul bukni, ninye arye, sik talima noutam arye teninyaka ara, pia malye weik ulula ati, tilila ning ati, ‘Diba,’ tenebikirye, talye ninguk talibuka unyake. Ati ara, ninye arye, sik kanye pum arye teninyak ning babye, moubuka kum biktinge.

Matius 20:22

Morobukba, Yesus arye akil, el mapu bitinye, Yohanes ap, Yakobus ap ati, tamubuka nyabuk. “Anggun asipdenmanurum ning ara, deiyok moubuka kum tenepmarume. Na nong deice ikin ning weik deipnikiba, na donamne touk, anggun babye atonun akanye imun ning dopturum do? Tonda, na nong opnikceba dipnamne touk, anggun babye atonun dipturum do?” nyabuk. Yesus arye nyabukba, sik bitinye nang arye tamubuka nyaprik. “An donmaminya dipnalam touk, nun babye atonun winiptinimnye,” nyaprik.

Markus 14:29

Nyabukura, Peterus kekebukce mikip yupu arye tamubuka nyabuk. “Anang nirya ara, an batakuka bindopkiting bukni, na tonok ara, kum batakuka bikitinye,” nyabuk.

Markus 14:31

Yesus arye nyabukura, Peterus arye tamubuka mikip arye nyabuk. “Naio kume. An opkikirye, na opnitinga babye, nara pia kum bataknamkine,” Peterus arye nyabuk. Peterus nyabuk touk, Yesus el mapu nirya babye, atouk nyanmek.

Lukas 22:34

Nyabukopura, Yesus arye Peterus ati tamubuka nyabuk. “Kao, dipkoprop nyapkine. Alukunyanak buk, min kum berekablye talak, yim ayam min kum kamupmalye talak ara, an babye, like winilye deice arye, ‘Anye Yesus ara, na walwale,’ nyabuka pilipnamanilame,” nyabuk.

Lukas 22:57

Nyabukura, Peterus arye tamubuka akil ati nyabuk. “Anyapmanilamnye bira, na walwale,” nyabuka pilibuk.

Yohanes 13:38

Nyabukopura, Yesus arye Peterus biti nyabuk. “Kume, amio. Ance nati, ‘An melina ati ara, daopnitinge,’ nyapmanilam ning ara, dib do, telela do? Na kele, yim ayam arye min kum ngalukmalye talak ara, ance nati, ‘Anye bira, na walwale,’ nyabuka, like winilye deice arye pilipnamanilame,” Yesus arye nyabuk.

Rasul 21:13

Malye nyabuka morobupubuk, Paulus arye tamubuka nyapsuk. “Na akunum tenepsirye binamna anya arye, anggun malye nyabuka, engenmaluma deice arye, anggunce nati mitang kipdeipmanuluma ara, yata ati do? Tonda, Yesus el si ati ara, Yerusalem mutuku binibuk, tapu kouna babye, na nong ona babye, dawinipnamniake. Na akunum tenepsa ati, aning nirya ara, telebuka,” Paulus arye nyabuk.