Lukas 21:36 - Eipomek

³⁶ Aning ati ara, pia moubuka kalekuka dimunce, unamlulume. Tonda, ninye nirya ati, upnamle ning upsiliba, ‘Allah batakuka malye winibibyak’ tenen, Allah moronauk unamlulume. Tonda, ‘Ikin weik upsilyak’ tenen, Allah moronauk unamlulume. Ton ikin ning ara, Ninye Mi Koprop Atonunye birye, ninye nirya weneplirye, yupu bokipnamla talak ara, ‘El dam bibirye, alye kum daknamap’ tenen, Allah moronauk unamlulume. Yesus arye el mapu ati nyabuk.

Lukas 21:36 ပူးပေါင်းရင်းမြစ်များ

Ayub 27:10

Dipkoprob sikda, ‘Allah nun like. Elce nyasulul yupu pia kum kekenamabe,’ tenenyak nang ara, sikda Allah ati, dipkoprob kanye kum delinyake. Tonda, sik anang arye, ‘Allah ati, kanye deibipyakarye, tuba moronamap do? Kum do?’ tenenyake.

Mazmur 1:5

Ati ara, malye winin ninguk talibuka wininyak ninye ara, Allah arye tukwak ninye im sirya, mutuku sirya nirya yupu lipsisikuka, wenepnamle talak ara, sik amalye winin ninguk, talibuka wininyak ninye ara, weneplirye, kum daneipnamle. Ara, Allah el mapu noutamak arye bokuka, yukak deiplirye, amalye wininyak ninye ati wenepnamle. Malye winin ninye ap, Allah ati diba tenebuka diksukumuk wininyak ninye ap, neika kum unamake.

Yeremia 35:19

Awiniluluma ati ara, na Allah Yahweh, im deice yin talin malaikat nirya, sik deiyoknye unune. Anggun Israel nang arye, nati, ‘Nun ni koproba,’ nyabuka, si erenululum ati, narye anggunti, melibuka kalikisunun Allah, narye anyalin yupu nyapdeipsine. “Anggun apu Rekhab birye deiamukba, deipdanin yangalulume ninye noutam ara, anggun yala nang ton wipdeipnyeba, anggunce na pil talibuka, pia donamnulume. Na Allah arye, nyalin yupu deice arye, akunum nyapdeipmasina ati, aning ara dipkoprob nong upnamlarya!” Allah arye, nyapnukba, na Yeremia birye, sik Rekbah yala nang deiyok kibuka taleamik nang ati nyapse.

Maleaki 3:2

Bukni, nara Allah Yahweh yanamne sum ara, yatanye birye, pia darapdongobuka tikturye, na eipnutu do? Na yanamne sum ara, kat weik ning uku dana deiyok nang arye, uku dongobikiba, mil paraplirye, malye ning nirya diplirye, teleb ninguk laka nyelelamle touk, narye malye un ning, aning-aning nirya, pia kum daneipnamne. Winipmanto ning ara, sabun mikip ning memena deiyok nang arye, memebuka deibikirye, nininga palepmalye baju, asabun arye mek likikiba, pia teleb kibuka liklamak touk, narye malye ning nirya kum kipdeipniba, diksukum ninguk tuba unamle.

Matius 24:42

Aning ati ara, kalikuka dimunce, kanye moubuka unamlulume. Anggun ni kopropa, na min kum yanamne talak ara, ‘El wini talak yanamle’ tenen, kum biktuma ati, nyapsine.

Matius 24:43

Bukni, ‘Anggun moubuka kel kipnululum’ tenen, sirya daknamle talak winipnamsil ning atonun ning ati, winipmanto yupu nyapnusine. Aik deiyoknye birye, ‘Ubula donanye alukunyan noutamak, aketing deice arye ubula dolyanamanile’ tenen, kel kepmatu toura, mana kumce, pia kalikuka dinmatu ati ara, ubula donanye birye, el aik wekuka, el ning ubula kum doproptue.

Matius 24:44

Aning atonun na babye, Ninye Mi Koprop Atonunye yanamne talak ara, anggun mangkau kanye bobuka unamunye keting deice aryuk yanamna ati, kanye talima kintinibuka deipmunce, kanye moubuka pia kalikuka dinamlulume. Ara, ‘Mankau kanye bopmamunye talak arye yalyak’ tenen, kanye moubuka unamlulum ati nyapsine. Ayupu nyabukopura, ayupu ton nyabuk.

Matius 25:13

Yesus arye el mapu ati nyabukopura, ayupu tonap nyabuk. “Aning ati ara, Na Ninye Mi Koprop Atonunye tamubuka yanamne sum ap, keting ap, anggun walwal anya arye, mangkau kanye bopmunye talak, na yanamne ati, pia kalikuka dinamnulum, nyapsine,” Yesus arye el mapu ati ayupu nyabuk.

Matius 26:41

Peteruso, pirilden ning deice arye, anda malye upminyak ati ara, ‘Nada malye winipyak’ tenen, kanye moubuka dilamince, Allah moronauk unamalyame. An talima kanye ara, ‘Winiptinye,’ tenelyam bukni, an nong mikip kum ati ara, kum winiptume nyapkine,” Yesus arye Peterus biti nyabuk.

Matius 8:20

Nyabukura, Yesus arye anye biti tamubuka nyabuk. “Kabang atonun ning do, yuk talya buru tam ulamle ning do nirya, tuku dekuka aik dobikirye unyake. Maka yala nirya, sik asik ara, yo deice dobuka unyake. Tonda, yo taruk deice manyake. Kabang el asik ara, yo peia pum ton malule. Kabang ap, maka ap, sik asik aupmal bukni, nada Ninye Mi Koprop Atonunye bira, na aik koproba kum ati, na manak ton kum upnuke,” Yesus arye nyabuk. “Na ti dobolyaniminyopura, ikin upnamkila ati, aning tenena kum diparyuk yanamlam do, bataknalam do?” Yesus arye, Musa yupu peterena deiyoknye biti nyabuk.

Markus 13:33

Na yanamne talak ara, kum bikiluluma ati, ‘Nun tuba malye wininyap noutam talak, nun ni minpola yalirye, wenepsilyak’ tenen, anggun kanye pia moubuka unamlulume. Tonda mankau asa unmamunyak, ‘Talye karin arye yalyak’ tenen, tonda ‘Dan talak yanamsil do?’ tenen, kintinibuka dinamlulume.

Markus 13:37

Ayupu anyapmasin touk, ninye mutuku-mutuku nirya ati, atonun nyapsine. Pia kanye moubuka kintinibuka dinauk unamnulume, nyapsine. Yesus arye el mapu ati nyabuk.

Lukas 1:19

Nyabukura, amalaikat arye tamubuka nyabuk. “Nara, talinye kume. Na si ara, Gabriel unune. Nara, Allah damak unirye, Allah elce dopkwetepmanilura, laka teleb yupu nyalyanmakine.

Lukas 18:1

Yesus arye, ‘Na mapu ara, batakna kum arye Allah moronauk unamak,’ tenebukce, ‘Winipmanto yupu nyapnyeura, kel biknamak,’ tenebuk ati, ayupu nyabuk.

Lukas 20:35

Ura, Allah arye, ‘Anang ara teleb nang,’ teneplirye, im deice bobinamle nang ara, aning atonun kum wininamake. Allah arye ninye nirya kam bukeipnamle talak ara, kil ap, sal ap kum dopdanamake.

Lukas 21:35

Tuku ak mutuku-mutuku nirya unyak ninye ara, anyapmasin ning dipkoprop akunum winipnamle ati, anggun kanye moupdoplulume nyapsine.

Rasul 10:2

El ap, el mapu silip nirya ap, Allah el nyalilamuk yupu pia talibuka ulamik. Tonda, el mapu silip nirya ap, Allah ati dib tenebuka ulamikce pia talibuka ulamik. Tonda aning-aning nirya patalamuk ninye ara, sik patalamuk ning nirya elce weik arilamuk. Tonda, asum-asum nirya Allah morolamuk.

1 Korintus 16:13

‘Malye winibibyak’ tenen, kanye moubuka pia kalikildanauk unamlume. Allah ati dib tenelulum ning ap, Allah el yupu ap ati, ‘Dip do, telela do?’ tenena kum arye, pia talibuka unamlume. ‘Se, yata wiripnamsiyak do?’ tenen, ilil asa una kume. Pin-pin kanye bobuka, mikip aryuk wininamlume.

2 Korintus 4:14

Nun kele, nun Deiyoknye Yesus Kristus dibukura, kam bukeibuknye, Allah arye nunti kam bukdeipnamsile. Winipsilirye, Kristus ap, nun ap, anggun Korintus mutuku ninye ap dobuka, Allah el ulyak neika deipnamsile. Aning dib tenenyaba anya arye, ayupu nyasinyabe.

Kolose 4:2

Anggun Kolose ninye nirya ara, batakna kumce, pia pi dobuka, Allah moronauk unamlulume. Wininamlum talak nirya ara, ‘Mankau arye malye winibibyak’ tenen, pia kanye moubuka kalikildanamlulume. Tonda, Allah ati, pia “Telebe,” nyanamlulume.

1 Tesalonika 5:17

Tonda, batakna kum aniryuk, atalak nirya ara, Allah pia moronamlulume.

2 Timotius 4:5

Sikda wininamak bukni, Timotius anuk ara, kanye teniltona ap, kanye walwal una ap, kum unamlyame. Sirya talak nirya ara, kanye moupmince, moubuka tenenamlyame. Ikin ning weik aupkilya babye, batakna kum arye, pia pi dobuka pil donamlyame. Allah yupu min kum kekelamik ninye ara, ‘Sik ton kekeptinge’ tenen, Allah el ninye lyen yupu laka peterelbanauk unamlyame. Allah arye areamkuk pil nirya ara, tonok ning babye, batakna kum arye, sirya dakanamlyame.

1 Peterus 4:7

Aning-aning nirya sirya daknamle talak akunum dam upsil ati, pia moubuka tenepmunce, teniltona kum arye, ‘Malye ubibyak’ tenen, moubuka kalikilanamlulume. Winibuka upmunyopura, Allah ati moronamlulume. Moubuka kum kalikdamunyopura, Allah ati teleb nyabuka kum moroptume.

1 Peterus 5:8

Ara, yuk yupu ton nyapnusine. Anggunce anggun bidamnye ati, ‘Malye ubibyak’ tenen, kanye moupmunce kalikildanamlulume. Tonda, leibuka unamlulume. Isa Mutuku Dongonye ara, anggun oldan nang atonun usulule. Elda, singa do, bai kam do, atonun, ‘Yata ning obuka diptinye do?’ tenen, kalikinmalirye, obina yana kibuka kalikilsulule.

1 Yohanes 2:28

Ura, na mapu bico tenesunune. Winira pia diba tenebuka, Yesus yupu uk, dobolbanamlulume. Winilamibyebuk, aminyan Yesus yalyopura, nun alye una ap, ilil una ap kumce, ‘Talye kanye bopnamap’ tenen, nyapne.

Yudas 1:24

Allah arye anggun nirya ati, ‘Yuk malye bisik bimunyak’ tenen, talibuka balirye, melibuka disululnye ulule. Allah, el melisilirye deice arye, malye kum winiyabe. Ara, pia ati, kalikuka melisulula atia. Tonda, Allah arye el mikip arisilirye, el melisilya deice arye, pia daulamibya ani, sirya talak ara, nun nonge dopsilirye, malye ning nirya pia kum kipdeipsilyopura, el dam ara, pia teleb dirina damak deipsilyeura, kanye deibuka, pia telebuk unamabe.

Wahyu 11:4

Abitinye nang ati ara, sik winipmanto ning ara, duk moulamle yo si ara, Ara yo bitinye ap, weisa delin ning bitinye ap, dobuka deibikba, aning-aning nirya ap, tukwak mutuku nirya ap talilirye, Weik Deiyoknye, el urasin tam deibikba dilule.

Wahyu 6:17

“Talye kum nyanmabe. Yu pia weik upliba, sik bitinye arye nun tukwak malye unyap ninye nirya ati, weika arye wenebuka opnamsirak sum, weik kanye imun sum akunum damak yanmasila ati, ikin pia weik upsiliba, weika arye donamap ati, mutuku kon ap, keil ap sakmunce, siknibuka opsutume,” nyabuka malye nyanmekce, engenmekba, kekepse.

Wahyu 7:9

Aning nirya akunum winibuka, eipsopura aminyan eipse ning ton nyapnune. Ara, ninye pia yupa weik, ninye arye kum nukmanto ninye bulupmekak, eipse. Aninye ara, tukwak mutuku im sirya, mutuku sirya nirya noutamak arye, asukum-asukum arye, dobuka bulubuka wekmek ak eipse. Ara ninye ayala-ayala nirya ap, ninye yupu ayala-ayala nirya ap, weik mutuku ninye negara-negara nirya ap, noutamak arye bokuka wibuka deipmekba, bulubuka unmek. Sik nirya ara, weik Ninye Deiyoknye bun ning deice bukmoknye ap, Domba Mi Atonye ap, sik urasin tam tikmek. Pia kurun baju ongobuka tikmikce, ‘Nun Ni kopropa si erepnamap’ tenen, sik taruk arye, kelapa bok talipmekce, kwakdubuka, si erenmekak, eipse.

Wahyu 8:2

Akarenuk, Allah el bulul sukum urasin tam pia tikinyak malaikat tekbarye yanmekba, weik pong-pong ana atonun ning, el si ara terompet, bokuka yuk-yuk aribukba, dobuka talipmek.