Lukas 21:3 - Eipomek

³ Dongobukopura, Yesus arye el mapu mening dam abukmek nang ati, nyabuk. “Anggun dipdelulume. Na dipkoprop yupu nyapsine. Bona weik talin nang nirya arye, yo bok weik dongolyanmak bukni, weik yo bok dongopmaka ara, Allah el kanye ara nirya tabakuka nukuna ara mitikuk uple. Bukni, ayouwak ulirye, bona utotoa talina kum kil, el dongopmau ara, keil uang dekna mitik ning bukni, Allah el kanye ara, dekna pia weik atonun deiple.

Lukas 21:3 ပူးပေါင်းရင်းမြစ်များ

Lukas 12:44

Na dipkoprop nyapsine. Anyaik deiyoknye birye, ‘Wininamlulume,’ nyapsuk touk, el pil donanye birye, diksukumuk pil dolamlyopura, adeiyoknye el talyamlye ning nirya anye biti areplibuk, elce taliplirye, deiyoknye atonun unamle.

Lukas 21:2

Tonda, youwak ulamuk kil, pia bona utotoa talina kum kil tonok ara, elce keil uang bitinye, dekna pia mitik ning, yangupdongobukura, Yesus arye eibuk.

Lukas 21:4

Sik bona weik talin nang arye, sik aning-aning weike talibik noutam arye, ‘Na’ tenen, weik aupmalibuk, weik yo bok dongopmak bukni, ayouwak kil ara, pia bona utotoa talina kum kil ati ara, el talibuk ning nirya anyuk akunum dongopmaue.” Yesus arye el mapu ati nyabuk.

Lukas 4:25

Allah yupu laka nyalamuknye nabi Elia Israel mutuku noutam ulamuk talak ara, keting tamun winilye noutam tonap, mok kum celamukura, dina pia patalamuk.

Lukas 9:27

Nyabukce, ayupu ton nyabuk. “Na dipkoprop yupu nyapsine. Anggun mening dam atikmalum nang kan-kan arye, ton nang ara Allah arye ninye mutuku-mutuku nirya ninye lyeplirye, el mikip deice sik talima talipnamle talak min kum winipmalye talak ara, kum dipnamlume. Sik aninye ara aminyan awinipnamle ning eipnamake.” Yesus arye awekmek nang ati nyabuk.

Rasul 10:34

Nyabukura, Peterus birye deiyok koubukce nyabuk. E, winira na bikmane. Dipkoprop Allah arye nunti nun mutuku ap, nun urasin ap, ato ning disilya elisilya deice arye, ‘Na mapu kopropa,’ kum tenesulule. Allah arye, ‘Ton yala nang ara telebe, ton yala nang ara pia malye ati, na mapu kum unamake’ tenen, bokuka yuk-yuk kum kilisulule. Allah arye tenesilya ara, ‘Ninye mutuku-mutuku nirya ara, atonunuk unyaka ati ara, yata mutuku ninye do nirya, na mapu uptinge,’ tenesulule.

Rasul 4:27

“Ara, Daud arye nyapdeiamsuk touk, dipkoprop Herodes ap, Pontius Pilatus ap, Yahudi yala kum ninye babye, Yahudi yala ninye ababye, anang ap, Yerusalem mutuku bulubuka wekik akarye, ‘Obisipnamap’ tenen, an yupu uk kekebuka, an piluk melibuka mambul pil dolulnye Yesus ati, yupu sisikinmek. Anye Yesus ara, ance wipdeiamlum akarye, ‘Ninye lyepnamle’ tenen, erepdeiamlumnye biti, yupu sisikinmek.

2 Korintus 8:12

Ara, nun kanye talima noutamak ara, ‘Se, bona utoto talina kum nang melina ati, aning-aning bulubuka areptibye’ tenen, patana weik awabsilyopura, Allah el kanye ara, ‘Kume, anggunce auplye ning talibuka ulamak touk, arena ababye telebe. Bona weik talinyak nang arye, weik arye arenamake. Aning atouk mitika aryuk talinyak nang ara, mitika aryuk arenamake. Sik dipkoprop kum uplye ning kum arepmanto anya arye, aning ara, kum nukuka tenipnune,’ tenesulule. Ati, ‘Anggunda auplye ning taliplum atonun, bona utotowa talina kum ninye melina ati, bokuka arepnamlum’ tenen, nyapmasine.