Lukas 20:5 - Eipomek

⁵ Nyabukura, aYahudi yala deiyok nang arye, ‘Yata yupu nyapnuyap do?’ tenen, yupu talipdayik. Yupu talipdayikce nyapdayik. “Yohanes mek dongolamuk ning ara, ‘Allah arye nyapdeibukura, winilamuka,’ nyabibyopura, Yesus arye nunti, ‘Aning ati ara, Yohanes nyalamuk yupu ati diba kum tenelamlum ning ara, deiyok yata ati do?’ nyabuka wenepsilyake.

Lukas 20:5 ပူးပေါင်းရင်းမြစ်များ

Matius 16:7

Yesus arye roti nen ning yupu nyabuka ati, Yesus el mapu kekebikce, ‘Ayupu nong anye’ tenen, moubuka kum tenebik ati, ‘Deiyok dan do?’ tenen, sik biyuk yupu talinmek. Yupu talilanmekce, “Ara nun roti din ning libuka kum boyanmapa ati, ayupu nyapmasile,” tenebikce nyapdayik.

Matius 21:25

Anggunce laka nyapnululume, Yohanes arye, dib tenebik ninye mek dongolamuk ning ara, Allah arye nyapdeibukba, apil dobuka winilamuk do? Talya ninye arye nyapdeiamikba, dib tenebik ninye dobuka, mek dongolamuk do? Anggunce na nyapnululume,” Yesus arye nyabuk. Nyabukba, aYahudi yala deiyok nang arye, ‘Yata yupu nyapnuyap do’ tenen, yupu talipdayik. Yupu talipdaikce, nyapdayik. “Se, yata nyapnuyap do? Nunce, ‘Yohanes mek dongolamuk ning ara, Allah arye nyapdeibukba winilamuke,’ nyabibyopura, Yesus arye nunti, ‘Aning ati ara, Yohanes nyalamuk yupu ara, dib kum tenelamlum ning ara, deiyok yata ati do?’ nyabuka wenepsule.

Lukas 20:4

Yohanes arye ninye mek dongolamuk ning ara, Allah arye nyapdeibukura, apil dopra ulamuk do? Talya ninye arye nyapdeiamik ati, ninye dobuka mek dongolamuk do? Anggunce nati laka nyapnululume,” Yesus arye nyabuk.

Lukas 20:6

Bukni, amutuku noutam unyak nang nirya arye, ‘Yohanes ara, dipkoprop Allah yupu lak nyananye nabi ulamuk,’ tenenyaka ati, ‘Ninye arye,’ nyabibyopura, awekmak nang nirya kekepsikirye, yu uplibuk keil dobukapbikirye nun opsicake.” Nyapdayikce, aYahudi yala deiyok nang arye ilil ubuk.

Yohanes 1:30

Ambusum arye, na Yohanes arye anggunti, ‘Na yanmasibuk, aminyan talak yanamlanye bira, na min kum deiamnik talak monop arye akunum ulamuka ati, elda weik mambulnye unamle bukni, nara mambul kumnye unune. Ati el amu tam ulamnibuk, elda na deice tam pia unamle,’ nyapmasise. Ayupu ati nyapmasinanye bira, ayanmalanye akunuma. Elti ayupu nyapmasise.

Yohanes 1:34

Aning eipse ati, narye anggunti laka nyapsine. Ayanmalanye Yesus ara, Allah el Mi Koprop ulule.” Yohanes birye nyabuk.

Yohanes 3:26

Anang ara, Yohanes el dam yanmekce nyabik. “Anda, peterena deiyoknye ulyame. Ance nyapsulumnye, Yordan mek otam, an ap neika unmarumnye bira, ninye weik mek dongonmale. Tonda, ninye weik arye, ‘El yupu kekepnuyap’ tenen, el damuk yanganmake. Aning ara, teleb do, malye do. Anda yata tenepmalam do?” nyabuka asildenmek.

Yohanes 3:36

Yata nang do nirya, Allah el Mi Koprop ati, diba tenebicopura, Allah arye kam una deiyok ning ariliba, pia kam unamake. Bukni, Allah el Mi Koprop ati, ‘Nun like’ tenen, batakice ninye nirya ara, Allah arye aninye ati, yu kiplirye, weik arye wenebuka opnamle ati, kam un ning kum dopdopnamake. Sik dibikibuk, tuba tamubuka tonap, kam pia kum unamake. Allah arye aninye wenena ati, el yu sik deice tuba delinamle. Yohanes arye ayupu nirya nyabuk.

Rasul 13:25

Yohanes el pil dolamuka ani, sirya dakamuk talak arye ayupu nyabuk. “Anggunce nati yatanye tenenululum do? Anggun tenenmanulumnye bira na kume. Na kume bukni, anye bira na aminyan tam yanamlenye bira, elda pia weiknye ati ara, na talinye ununa. Ati, el yan ongona tapu kitilongon ning ara, narye kum kwiriptinye.” Yohanes arye nyabuk yupu nyapsine. Paulus arye sik Antiokia ninye ati nyabuk.