Lukas 20:44 - Eipomek

⁴⁴ “Daud ayupu nyabuka deice arye, Ninye Lyena Deiyoknye, Mesias yanamuknye ati, ‘Na ni koprop,’ nyabuk. ‘Na ni koprop,’ nyabuka ati, Ninye Lyena Deiyoknye, Mesias ara, Daud el yalanye deibuk bukni, Daud el mi koprobauk kum uptue.”

Lukas 20:44 ပူးပေါင်းရင်းမြစ်များ

Yesaya 7:14

Ati, wini talak ara, Allah elcuk apeten kina ning ara, anggun dam pitin kipnamsile. Aning ara ani. Dipkoprop ninye dona kum wel kil tonok arye, mi bomlya ani, sal mi deipnamle. Akunum deiplyopura, ami el si ara, Imanuel nyanamake.

Matius 1:23

Yesaya arye nyalilamuk yupu ara ani. ‘Ninye dona kum kil arye, mi bomlya ani, sal mi deipnamle. Deiplyopura, el si ati Imanuel nyanamake. Imanuel nyanamaka ara, ‘Allah ap, nun ap, neika unyapnye’ tenen, nyanamake.’ (Yesaya 7:14)

Lukas 2:11

Ara, Daud el mutuku Betlehem noutamak arye, ninye nirya Lyena Deiyoknye akunum deipmasile. Ami ara, weik ninye deiyoknye unamle. Ara, Allah arye ninye weik lyeplirye, sik kanye talima talinamle talak deiyoknye bira, ‘Ami upnamle’ tenen, wibuka deibuk mi ara ani. Ami ara, Kristus ulule.

Lukas 20:43

Abukaminya ani, aminyan ara, an yupu yanikinyak ninye ara, narye dobuka an amu tam deipnyeura, an talinamlyame. An yan baribuka delin ning deice yan baribuka deiliminye touk, an yupu kum kekekinyak ninye ara, an amu tam deipnyeura, ance anang ati bisibuka anang talinamlyame. Anang nirya ara an amutamuk unamake.’ (Mazmur 110:1) “Daud arye sekamuk yupu dobuka nyapmasine,” Yesus arye nyabuk. Nyabukopura, ayupu tonap nyabuk.

Lukas 20:45

Yesus arye awekmek nang nirya ati nyabuk. Weika arye abulubuka wekmek nang nirya, Yesus arye ayupu nyanmokura, kekenmek talak ara, Yesus arye wipreibukura, el yupu kekebuka el melibuka dobolbalamik nang ati nyabuk.

Roma 9:5

Tonda, nun apu yapu ara, Israel yala ninye arye delilamikba dadeipdanin, yangalamik nang ara, weik mambul nang ulamik. Tonda, ninye lyena ati, Allah arye wibuka dopkwetepsuknye, Kristus el deiamrik nang bitinye babye, sik apu yapu ara, Israel yala ninyeuk ulamik. Anirya ati ara, sik Israel ninye ara, talye ninye kum unyake, nyapmasine. Aning atonun Kristus babye, talinye kum ulule. Elda, aning-aning nirya talibuka deice tam Weik Deiyoknye kibuka ulule. Elda, dipkoprop Allah ulule. ‘El si ara, pia erenauk unamap’ tenen, Amin nyapsine.

Galatia 4:4

Isa Mutuku Dongonye ap, mer nirya ap, sik amu tam ulamuburye, tukwak mem ninguk talibuka ulamubu bukni, Allah arye, ‘Atalak ani,’ tenyamuk touk akunum winibukopura, Allah arye el Mi Kopropa dopdeipsuke. Allah el mi Yesus dopdeipsukba, Allah El Dib Kanye mikip deice arye tonok kil arye ami deibuk. Akil arye Allah el mi deibuk talak ara, nun Yahudi yala ninye nirya, Allah arye, “Aning ara wininamlulume, aning ara kum wininamlulume,” nyapdeibukba, Musa sekamuk yupu talibuka ulamuburye, amem yupu amu tam atonun ulamupe. Aning atonun, ami Yesus babye, Musa sekamuk yupu amu tam ulamuk. Musa sekamuk mem yupu amu tam bukuka ulamubu bukni, Allah arye el mi dopdeibukba, atalak yayuka deiyok ara ani. Ara, Allah arye nunti, ‘Musa sekamuk yupu, mem yupu amu tam unyak ninye ara, deknamne.’ Na Mi Kopropa arye aninye deklirye, mem ning amu tam unyakak arye lobuka lyepnirye, ‘Na mapu kopropa unamak’ tenen, diba tenenyak ninye ara, teleb kipdeipnamne. ‘Winipnyopura, narye sikti, kintinyamse ning nirya arepniba, sikce dopropnamak,’ tenyamsukce, el mi Yesus dobuka areamsuk.

1 Timotius 3:16

Anyapnukin yupu ara, ‘Tilila do, dib do?’ tenen, kum tenepmanto ning. Ara, Allah arye duknyamukbuk, ninye kum kel bikamik bukni, wini talak Allah arye anoutamak weik mambul yupu akunum laka kipdeipsuke. Ara, Allah diksukum ulye touk, nun babye, diksukum una ati, winipnamap deiyok ning ara, ani. Allah ninye nong atonun dayukce ninye eipnamik ati, laka yayuke. Allah El Dib Kanye pil dobuka deice arye, ‘Yesus ara, el dipkoprop Allah El Mi Koprop’ tenen, dib tenebuka, ‘Kel biknamak’ tenen, laka kibuk. Lak kibukura, Allah el im deice pil don nang, malaikat arye eibik. Ninye arye, Yesus el yupu dobuka, ninye mutuku-mutuku nirya ati, amutuku-amutuku nirya binuka peterelamik. Peterelamikbuk, ninye mutuku-mutuku nirya unyak ninye weik arye kekebuka dib tenelamik. Aminyan sirya talak ara, Allah arye Yesus ati, pia teleb kipdeibukce, erebuka im deice bobiyukura, im deice tam ulule.

Wahyu 22:16

“Na Yesus arye, na im deice pil dona nang, malaikat dobuka an dam dopkwetepmakina ara, ‘Ayupu nirya laka nyapkikiba, ance nati diba tenenyak ninye nirya, laka nyalbinalam’ tenen, amalaikat dopdeipmakine. Minop talak ulamuknye Raja Daud birye deibukba, dadeipdanin yangalamika ani, deibik mi, weik mambul mi ara, na uka. Na si ati, ‘Berentam Talak Panabuka Tikilamla Kurya,’ nyaninyake.”