Lukas 20:32 - Eipomek

³² Sirya ara, akil babye, dibuk.

Lukas 20:32 ပူးပေါင်းရင်းမြစ်များ

Penghotbah 1:4

Tonda, ‘Ninye winin ning ati aning ara, tonok talak dadeipdanin yangalamik nang ton, nebuka unmakecopura, ton dadeipdanin bakiba, unamak nang babye, sikce ton kume, kum danalule. Bukni, tukwak mutuku ara, pia ati atonun tuba aupnamle,’ tenebukce nyabuk.

Penghotbah 9:5

Sik kam tuba unyak nang ara, ‘Se, aminyan talak ara, dipkoprob dipnamnarya tenen, akunum bikinyake. Wininyak bukni, sik akunum diamik nang ara, aning-aning nirya ara dipkoprob pia kum teninyaka ati, kum bikinyake. Sik akunum diamik nang ara, pil ton kum dopmanto unyaka ati, sik dengna ning tonap tabakuka pia kum dolonyake. Aninguk kum bukni, yuk nang arye, sik akunum diamik nang ara, sik si tonap kum teninyake. Anang nirya ara, adiparyuk luba kinyake.

Lukas 20:31

Atonun ton winilinye babye, akil yuwak dakuk bukni, mi delina kumce dibuk. Daupnin balamika ani, aweitcapu silip tekbarye nang nirya arye, atonok kiluk tonok-tonok arye dopra balamika ani, mi delina kumce diprongobik.

Lukas 20:33

Ati, aminyan ara, Allah arye ninye nirya kam bukeipnamle talak ara, atekbarye nang nirya arye akiluk dolamika ati ara, im deice arye, yatanye birye, “Na kil,” nyabuka dopropnamle do? Nyabikce, sik Saduki nang arye tenebuka Yesus ati asipdeyik. Saduki nang arye tenebuka Yesus ati talya asipdeyik.

Ibrani 9:27

Ura, Allah arye ninye tukwak ninye nirya tenyamsuk touk unamabe. Ara, kam ulamibya ani, tonok talak arye akunum dibibyopura, aminyan ara, Allah arye, nun tukwak ninye nirya ati, “Aning telebe, aning malye,” nyabuka yupu lipsisikuka bokeipsilirye, wenepnamsile.

Hakim-Hakim 2:10

Yosua ap, neika ulamik nang, atalak Israel nang kam tuba ulamik ninye keting tamun yupa weik daulamik bukni, aminyan talak sik nirya dipnin balamika ani, nirya kum dayik. Atalak ulamik ninye nirya dibikce, sirya dakik bukni, sikce delilamik mapu ara, tuba kam ulamikce, nebra balamik. Ati aminyan talak erepdeibik nang nirya ara, Allah ati moubuka kum tenelamik. Sikce, dipkoprob Allah el si Yahweh ara, kum kel bikamik. Tonda, Allah arye minop talak Israel ninye ati melilamukce, ninye kum winipmanto ning winilamuka ara, sik asing koprop arye kum elilamika ati, sik kum biklamik.